Read Original Shona Union Bible 1949 Baiberi Magwaro Matȿene aMŋari I Makoronike 21 Bible Online

I Makoronike 21 - Original Shona Union Bible 1949 Baiberi Magwaro Matȿene aMŋari bible

I Makoronike 21

¹Ɀino Satani wakamukira ʋaIsraeri, akakurudzira Davidi kuti aʋereŋge ʋaIsraeri.

²Davidi akati kunaJoabi nokumacinda aʋanhu: Endai mundoʋereŋga ʋaIsraeri kubva paBeeri‐sheba kuȿikira paDani; mudzoke neshoko, ndiziʋe kuwanda kwaʋo.

³Joabi akati: Jehova ŋgaawedzere ʋanhu ʋake runezana pakuwanda kwaʋo ɀino; asi ishe waŋgu mambo, ʋose haʋazi ʋaranda ʋashe waŋgu here? Ishe waŋgu unotȿakireiko cinhu ici? Ucapinzireiko ʋaIsraeri pamhoȿa?

⁴Kunyaŋge ɀakaɗaro shoko ramambo rakakurira Joabi. Ɀino Joabi akaenda, akapota pakati paʋaIsraeri ʋose, akaȿika Jerusarema.

⁵Joabi akarondedzera kuwanda kwaʋanhu kunaDavidi. ƲaIsraeri ʋose ʋakaȿika ɀuru ɀineɀuru neɀuru ɀinezana ɀaʋanhu ʋaigona kurwa nomunondo; ʋuye ʋaJuda ʋakaȿika ɀuru ɀamazana manna namakumi manomŋe ʋaigona kurwa nomunondo.

⁶Asi haana‐kuʋereŋga ʋaRevi naʋaBenjamini pakati paʋo; nokuti shoko ramambo rakaŋga rakaipa kwaɀo kunaJoabi.

⁷Ɀino Mŋari wakaŋga asiŋgafari necinhu ici; saka wakaroʋa Israeri.

⁸Davidi akati kunaMŋari: Ndatadza kwaɀo ɀandaita cinhu ici; asi ɀino bvisai henyu kuipa kwomuranda wenyu; nokuti ndaita seɓenzi kwaɀo.

⁹Jehova akataura naGadi, muʋoni waDavidi, akati:

¹⁰Enda undotaura naDavidi, uti: Ɀanzi naJehova: Ndinokuisira ɀinhu ɀitatu, ciɀitsaurira cimŋe caɀo, ndikuitire ico.

¹¹Ɀino Gadi akaenda kunaDavidi, akati kwaari: Ɀanzi naJehova: Citsaura caunoɗa;

¹²makore matatu enzara, kana kuparadzwa naʋaʋeŋgi ʋako mŋedzi mitatu, ucidziŋgwa nomunondo waʋaʋeŋgi ʋako, kana munondo waJehova mazuʋa matatu, ndiro ɗenda panyika, mutumŋa waJehova aciparadza panyika yose yaIsraeri. Ɀino cifuŋga hako, uraŋgarire mhinduro yandiŋgadzosera kunaiye wakandituma.

¹³Ipapo Davidi akati kunaGadi: Ndiri pakumanikidzwa kukuru; ndiwire haŋgu ɀino muruʋoko rwaJehova, nokuti nyasha dzake ihuru, asi ndirege haŋgu kuwira muruʋoko rwomunhu.

¹⁴Ipapo Jehova akatuma ɗenda pakati paIsraeri; ʋarume ʋaneɀuru ɀinamakumi manomŋe ʋakafa pakati paIsraeri.

¹⁵Mŋari akatuma mutumŋa Jerusarema kuzoriparadza; ɀino wakati oɗa kuparadza, Jehova akatarira, akaɀiɗemba pamsoro pecinhu ico cakaipa, akati kumutumŋa wakaŋga aciparadza: Ndiɀo, cidzosa ruʋoko rwako. Ɀino mutumŋa waJehova wakaŋga amire paɓuriro raOrnani muJebusi.

¹⁶Davidi akatarira, akaʋona mutumŋa waJehova amire pakati penyika nokuɗeŋga, akaɓata munondo wakavomorwa muruʋoko rwake, wakatambanudzwa pamsoro peJerusarema. Ipapo Davidi naʋakuru ʋakawira pasi neɀiso ɀaʋo, ʋakafuka magumbu.

¹⁷Ɀino Davidi akati kunaMŋari: Ko handizi ini here ndakaraira kuti ʋanhu ʋaʋereŋgwe? Ndini ndakatadza haŋgu ndikaita ɀakaipa ɀikuru; asi makwai awa akaiteiko? Jehova Mŋari waŋgu, ruʋoko rwenyu ŋgarundiroʋe harwo ini neimba yaɓaɓa ʋaŋgu; asi ŋgarurege kuroʋa ʋanhu ʋenyu, nokuʋatambudza.

¹⁸Ipapo mutumŋa waJehova wakaraira Gadi kuti aʋudze Davidi kuti Davidi akwire aʋakire Jehova artari paɓuriro raOrnani muJebusi.

¹⁹Davidi akakwira nokureʋa kwaGadi kwaakataura nezita raJehova.

²⁰Ornani akaceuka, akaʋona mutumŋa; ʋanakomana ʋake ʋanna, ʋaiʋa naye, ʋakaʋanda. Ɀino Ornani wakaŋga acipura ɀiyo.

²¹Davidi wakati aciȿika kunaOrnani, Ornani akatarira akaʋona Davidi, akaɓuɗa paɓuriro, akakotamira pasi neciso cake pamberi paDavidi.

²²Ipapo Davidi akati kunaOrnani: Ndipe nɀimbo yeɓuriro iri, kuti ndiʋakire’po artari kunaJehova; unofanira kundipa iro nditeŋge nomuteŋgo wakafanira, kuti ɗenda ripere pakati paʋanhu.

²³Ipapo Ornani akati kunaDavidi: Ritorei henyu, ishe waŋgu, mambo aite seɀaanoɗa; tarirai, ndinokupai nzombe ɀiʋe ɀipiriso ɀinopiswa, nenhumbi dzokupura nadzo dziʋe huni, neɀiyo ciʋe cipiriso coʋupfu; ndinoɀipa ɀose.

²⁴Mambo Davidi akati kunaOrnani: Kwete, asi ɀirokwaɀo ndicariteŋga nomuteŋgo wakafanira; nokuti handiŋgatori cinhu cako ndikapa Jehova, kana kuʋuya necipiriso cinopiswa cisinomuteŋgo.

²⁵Naiɀoɀo Davidi akapa Ornani mashekeri anamazana matanhatu endarama[3] pakurema kwawo, uri muteŋgo wenɀimbo iyo.

²⁶Davidi akaʋakira Jehova artari ipapo, akaɓayira ɀipiriso ɀinopiswa neɀipiriso ɀokuyananisa, akashumira Jehova; iye akamupindura nomŋoto wakabva kuɗeŋga ukawira paartari yecipiriso cinopiswa.

²⁷Jehova akaraira mutumŋa, iye akadzosera ɀe munondo wake mumuhara wawo.

²⁸Ɀino neŋguʋa iyo Davidi wakati aʋona kuti Jehova wamupindura paɓuriro raOrnani muJebusi, akaɓayira’po.

²⁹Nokuti paŋguʋa iyo tabernakeri yaJehova, yakaŋga yaʋakwa naMosesi murenje, neartari yokupisira ɀipiriso, ɀakaŋga ɀiri paɗunhu rakakwirira paGibeoni.

³⁰Asi Davidi wakaŋga asiŋgagoni kuenda’ko kuzobvunza Mŋari pamberi payo; nokuti wakaŋga acitya nemhaka yomunondo womutumŋa waJehova.