Read Original Shona Union Bible 1949 Baiberi Magwaro Matȿene aMŋari I Makoronike 22 Bible Online

I Makoronike 22 - Original Shona Union Bible 1949 Baiberi Magwaro Matȿene aMŋari bible

I Makoronike 22

¹Davidi akati: Iyi ndiyo imba yaJehova Mŋari, neyiyi ndiyo artari yokupisira ɀipiriso ɀaIsraeri.

²Ɀino Davidi wakaraira kuti ʋatorwa ʋakaŋga ʋari panyika yaIsraeri ʋaʋuŋganidzwe; akagadza ʋaʋezi ʋamabge, kuti ʋaʋeze mabge okuʋaka nawo imba yaMŋari.

³Davidi akagadzira ʋo matare mazhinji okupfura nawo mbambo dzamagonhi amasuʋo neɀikorekedzo; ʋuye ndarira zhinji isina‐kuidzwa kurema kwayo.

⁴Namatanda emisidari asina‐kuʋereŋgwa; nokuti ʋaZidoni naʋeTire ʋakaʋuya nemisidari yakawanda kunaDavidi.

⁵Davidi akati: Soromoni mŋanakomana waŋgu uciri muɗuku usinesimba, ʋuye imba, inofanira kuʋakirwa Jehova, inofanira kuʋa huru kwaɀo, iŋgarumbidzwa nokukudzwa panyika dzose; saka ini ndicaigadzirira. Naiɀoɀo Davidi akagadzira ɀizhinji asati afa.

⁶Ipapo akaɗana Soromoni mŋanakomana wake, akamuraira kuti aʋakire Jehova Mŋari waIsraeri imba.

⁷Davidi akati kunaSoromoni mŋanakomana wake: Kana ndirini, ndakaŋga ndiciti mumŋoyo maŋgu ndicaʋakira zita raJehova Mŋari waŋgu imba.

⁸Asi shoko raJehova rakaȿika kwandiri, riciti: Iwe wakateʋura ropa rakawanda, ʋuye wakarwa ɀizhinji; iwe hauŋgaʋakiri zita raŋgu imba, nokuti wakateʋura ropa rakawanda panyika pamberi paŋgu;

⁹asi tarira, ucaɓerekerwa mŋanakomana, ucaʋa munhu wezororo; ndicamuzorodza paʋaʋeŋgi ʋake ʋose ʋanomupoteredza; nokuti zita rake ricanzi Soromoni, ndicapa Israeri rugare nokunyarara pamazuʋa ake;

¹⁰iye ucaʋakira zita raŋgu imba; iye ucaʋa mŋanakomana waŋgu, neni ndicaʋa ɓaɓa ʋake; ini ndicasimbisa cigaro cake coʋushe pakati paIsraeri nokusiŋgaperi.

¹¹Ɀino, mŋana waŋgu, Jehova ŋgaaʋe newe; ufambiswe ɀakanaka iwe, uʋake imba yaJehova Mŋari wako, seɀaakataura pamsoro pako.

¹²Asi Jehova ŋgaakupe kuŋgwara nokucenjera, akuraire pamsoro paIsraeri; kuti saiɀoɀo uceŋgete murairo waJehova Mŋari wako.

¹³Nokuɗaro ucafambiswa ɀakanaka, kana ucicenjera kuita mitemo neɀakatoŋgwa, ɀakarairwa Mosesi naJehova pamsoro paIsraeri; simba, utsuŋge mŋoyo, usatya kana kuvunduswa.

¹⁴Ɀino tarira, ndakatambura ndicigadzirira imba yaJehova matarenta aneɀuru ɀinezana ɀendarama, namatarenta anecuru ceɀuru esirveri; nendarira namatare ɀisinakuidzwa, nokuti ɀakawanda kwaɀo[4]; ndakagadzira ʋo matanda namabge; newe uŋgawedzera hako paɀiri.

¹⁵Ʋuye ʋaɓati unaʋo ʋazhinji, ʋaputsi naʋaʋezi ʋamabge namatanda, naʋarume ʋose ʋakaŋgwara pamaɓasa ose;

¹⁶ndarama, nesirveri, nendarira, namatare haɀiŋgaʋereŋgwi; simuka, uɓate, Jehova aʋe newe.

¹⁷Davidi akaraira ʋo macinda ose aIsraeri kuti ʋaɓatsire Soromoni mŋanakomana wake, akati:

¹⁸Ko Jehova Mŋari wenyu haazi nemi here? Haana‐kukuzorodzai kumatiʋi ose here? Nokuti wakaisa ʋanhu ʋagere panyika iyi muruʋoko rwaŋgu; ɀino nyika yakundwa pamberi paJehova napamberi paʋanhu ʋake.

¹⁹Ɀino shiŋgairai nemŋoyo yenyu ʋuye nemŋeya yenyu kutȿaka Jehova Mŋari wenyu; naiɀoɀo simukai muʋake imba tȿene yaJehova Mŋari, kuti mugoisa areka yesuŋgano yaJehova nenhumbi tȿene dzaMŋari muimba inofanira kuʋakirwa zita raJehova.