Read Original Shona Union Bible 1949 Baiberi Magwaro Matȿene aMŋari I Makoronike 28 Bible Online

I Makoronike 28 - Original Shona Union Bible 1949 Baiberi Magwaro Matȿene aMŋari bible

I Makoronike 28

¹Ɀino Davidi wakaʋuŋganidza paJerusarema macinda ose aIsraeri, macinda amarudzi, naʋakuru ʋamapoka aiɓatira mambo vaciita mapoka, naʋakuru ʋeɀuru, naʋakuru ʋamazana, naʋatariri ʋenhumbi dzose nefuma yose yamambo naʋanakomana ʋake, pamŋe cete naʋaranda naʋanesimba, ʋarume ʋose ʋoʋumhare.

²Ipapo mambo Davidi akasimuka, akamira namakumbo ake, akati: Cindinzwai hama dzaŋgu, naʋanhu ʋaŋgu! Kana ndirini, ndakaŋga ndiciti mumŋoyo maŋgu ndicaʋakira areka yesuŋgano yaJehova necitsiko caMŋari weɗu imba yokuzorora; ɀino ndakaŋga ndagadzira ɀose ɀokuʋaka naɀo.

³Asi Mŋari wakati kwandiri: Iwe haufaniri kuʋakira zita raŋgu imba, nokuti uri munhu wokurwa, wakateʋura ropa.

⁴Asi Jehova, Mŋari waIsraeri, wakanditsaura paimba yose yaɓaɓa ʋaŋgu kuti ndiʋe mambo waIsraeri nokusiŋgaperi; nokuti wakatsaura Juda kuti aʋe mutuŋgamiriri; paimba yaJuda akatsaura imba yaɓaɓa ʋaŋgu; pakati paʋanakomana ʋaɓaɓa ʋaŋgu wakandifarira ini, akandiita mambo waʋaIsraeri ʋose.

⁵Ɀino pakati paʋanakomana ʋaŋgu ʋose (nokuti Jehova wakandipa ʋanakomana ʋazhinji) wakatsaura mŋanakomana waŋgu Soromoni, kuti agare pacigaro coʋushe caJehova munaIsraeri.

⁶Akati kwandiri: Soromoni mŋanakomana wako ndiye ucaʋaka imba yaŋgu neʋazhe dzaŋgu; nokuti ndakamutsaura kuti aʋe mŋanakomana waŋgu, neni ndicaʋa ɓaɓa ʋake.

⁷Ndicasimbisa ʋushe bgake nokusiŋgaperi, kana iye acitsuŋgirira kuita ɀandakaraira neɀandakatoŋga, seɀaanoita nhasi.

⁸Naiɀoɀo ɀino, pamberi paʋaIsraeri ʋose, neʋuŋgano yose yaJehova, Mŋari weɗu aciɀinzwa, ceŋgetai nokutȿaka mirairo yose yaJehova Mŋari wenyu; kuti nyika ino yakanaka iʋe yenyu, mugoisiyira ʋana ʋenyu ʋanokuteʋerai, iʋe nhaka yaʋo nokusiŋgaperi.

⁹Ɀino iwe Soromoni, mŋanakomana waŋgu, ziʋa Mŋari waɓaɓa ʋako, umushumire nomŋoyo wakarurama, ʋuye nomŋeya unoɗa kwaɀo; nokuti Jehova unonɀera mŋoyo yose, unonzwisisa ndaŋgariro dzose dzemifuŋgo; kana ukamutȿaka, iye ucawanikwa newe; asi kana ukamusiya, iye ucakurasha nokusiŋgaperi.

¹⁰Ɀino cenjera, nokuti Jehova wakakutsaura, kuti uʋake imba iʋe nɀimbo tȿene; ciʋa nesimba, uɀiite.

¹¹Ipapo Davidi akapa mŋanakomana wake Soromoni mufananidzo weɓiraʋira retembere, nedzimba dzaro, neɀiʋigiro ɀefuma yaro, namakamuri aro okumsoro, namakamuri aro omukati, neimba yecifunhiro cokuyananisa;

¹²nemifananidzo yeɀose yakaŋga iri mumŋeya wake, yeʋazhe dzeimba yaJehova, neyamakamuri ose anokomberedza, neyeɀiʋigiro ɀefuma yeimba yaMŋari, neyeɀiʋigiro ɀefuma yenhumbi dzakatsaurwa;

¹³neyamapoka aʋaprista naʋaRevi, neyamaɓasa ose eimba yaJehova, neyenhumbi dzose dzokuɓata nadzo paimba yaJehova;

¹⁴neyendarama, kurema kwayo, yokuʋumba nayo nhumbi dzendarama, nhumbi dzose dzamarudzi ose amaɓasa; neyesirʋeri, kurema kwayo, yokuʋumba nayo nhumbi dzose dzesirveri, nhumbi dzose dzamarudzi ose amaɓasa;

¹⁵nokurema ʋo kwendarama yokuʋumba nayo ɀigadziko ɀendarama, nemŋenje yaɀo, kurema kwecigadziko cimŋe necimŋe nemŋenje yaco; nesirʋeri, kurema kwayo, yokuʋumba nayo ɀigadziko ɀesirveri, cigadziko cimŋe necimŋe nemŋenje yaco, seɀakakwanira ɓasa recigadziko cimŋe necimŋe;

¹⁶nendarama, kurema kwayo, yokuʋumba nayo tafura dzeɀiŋgwa ɀokuratidza, yetafura imŋe neimŋe; nesirveri yetafura dzesirveri;

¹⁷neɀikokoʋonho ɀenyama, nendiro, nemikombe ɀendarama yakaiȿo‐naka; nemidziyo yendarama, kurema kwomudziyo mumŋe nomumŋe; nemidziyo yesirveri, kurema kwomudziyo mumŋe nomumŋe;

¹⁸nokurema kwendarama yakanatswa yeartari yeɀinonhuwira; nendarama yomufananidzo weŋgoro, wamakerubi akatambanudza mapapiro awo, acifukidza areka yesuŋgano yaJehova.

¹⁹Iɀi ɀose, ndiɀo ɀakataura Davidi, ndakaɀiziʋiswa ɀakanyorwa noruʋoko rwaJehova, iwo maɓasa ose omufananidzo uyu.

²⁰Ɀino Davidi akati kunaSoromoni mŋanakomana wake: Simba, utsuŋge mŋoyo, uɀiite; usatya kana kuvunduswa, nokuti Jehova Mŋari, iye Mŋari waŋgu, unewe; haaŋgakuregi, kana kukusiya, kuȿikira maɓasa ose okushumira nawo paimba yaJehova apedzwa.

²¹Ɀino tarira, ndiwo mapoka aʋaprista naʋaRevi, ʋaŋgaɓata maɓasa ose eimba yaMŋari; ʋuye ɀe pamaɓasa ose ucaʋa nemhizha dzose dzinoɗa kuɓata nomŋoyo wadzo maɓasa amarudzi ose; naʋakuru naʋanhu ʋose ʋacaterera cose mirairo yako.