Read Original Shona Union Bible 1949 Baiberi Magwaro Matȿene aMŋari II Makoronike 10 Bible Online

II Makoronike 10 - Original Shona Union Bible 1949 Baiberi Magwaro Matȿene aMŋari bible

II Makoronike 10

¹Ɀino Rehoboami wakaenda Shekemi, nokuti ʋaIsraeri ʋose ʋakaŋga ʋaʋuŋgana paShekemi kuzomuita mambo.

²Ɀino Jeroboami mŋanakomana waNebati, wakati aciɀinzwa, (nokuti wakaŋga aciri Egipita kwaakaŋga atizira nokuɗa kwaSoromoni,) Jeroboami ndokudzoka acibva Egipita.

³Ʋakatuma nhume kundomuɗana; Jeroboami naʋaIsraeri ʋose ʋakaȿika ʋakataura naRehoboami, ʋakati:

⁴Ƃaɓa ʋenyu ʋakatitakudza joko rinogozha; naiɀoɀo ɀino imi cirerusai ɓasa raɓaɓa ʋenyu rakaŋga ricigozha, nejoko raʋo rinorema raʋakaisa pamsoro peɗu, tigokushumirai.

⁵Iye akati kwaʋari: Dzokerai ɀe kwandiri kana mazuʋa matatu apera. Ʋanhu ʋakaenda.

⁶Ipapo mambo Rehoboami akaraŋgana naʋakuru, ʋaimira pamberi paSoromoni ɓaɓa ʋake, ʋaciri ʋapenyu, akati: Muŋgandipa zano reiko, randiŋgapindura ʋanhu aʋa naro?

⁷Iʋo ʋakataura kwaari, ʋakati: Kana mukaitira ʋanhu aʋa nomŋoyo wakanaka, nokuʋafadza, nokutaura mashoko akanaka kwaʋari, ipapo ʋacaʋa ʋaranda ʋenyu nokusiŋgaperi.

⁸Asi iye wakaramba zano raʋakuru, raʋakamupa, akaraŋgana namajaya ezero rake, akaŋga acimira pamberi pake.

⁹Akati kwaʋari: Imi muŋgandipa zano reiko, ratiŋgapindura naro ʋanhu aʋa ʋakataura neni, ʋaciti: Rerusai joko rakaiswa pamsoro peɗu naɓaɓa ʋenyu?

¹⁰Ɀino majaya ezero rake akataura kwaari, akati: Iti kuʋanhu aʋa ʋakataura newe, ʋaciti: Ƃaɓa ʋenyu ʋakatitakudza joko rinogozha, asi imi citirerusirai iro, utaure kwaʋari uti: Munwe waŋgu muɗuku mukobvu kupfuʋura ciʋuno caɓaɓa ʋaŋgu.

¹¹Ɀino, ɓaɓa ʋaŋgu ɀaʋakakutakudzai joko rinorema, ini ndicawedzera pajoko renyu; ɓaɓa ʋaŋgu ʋaikuroʋai neshamhu, asi ini ndicakuroʋai neɀinyaʋaɗa.

¹²Naiɀoɀo Jeroboami naʋanhu ʋose ʋakaȿika kunaRehoboami nezuʋa retatu, seɀaʋakaŋga ʋarairwa namambo, aciti: Dzokerai kwandiri ɀe nezuʋa retatu.

¹³Mambo akaʋapindura nehasha; mambo Rehoboami akarasha zano raʋakuru,

¹⁴akataura kwaʋari seɀaakaŋga apiwa zano namajaya, akati: Ƃaɓa ʋaŋgu ʋakakutakudzai joko rinorema, asi ini ndicawedzera pajoko renyu; ɓaɓa ʋaŋgu ʋaikuroʋai neshamhu, asi ini ndicakuroʋai neɀinyaʋaɗa.

¹⁵Naiɀoɀo mambo haana‐kuterera ʋanhu; nokuti ɀakaŋga ɀabva kunaMŋari, kuti Jehova asimbise shoko rake, raakataura naAhija muShiro kunaJeroboami mŋanakomana waNebati.

¹⁶Ɀino ʋaIsraeri ʋose ʋakati ʋaciʋona kuti mambo haana‐kuʋaterera, ʋanhu ʋakapindura mambo, ʋakati: Tinomugoʋe weiko kunaDavidi? Ʋuye hatinenhaka kumŋanakomana weJese; endai henyu munhu mumŋe nomumŋe kutente rake, imi Israeri! Ɀino Davidi, citarira hako imba yako. Naiɀoɀo ʋaIsraeri ʋose ʋakaenda kumatente aʋo.

¹⁷Asi kana ʋari ʋana ʋaIsraeri, ʋakaŋga ʋagere mumaguta aJuda, Rehoboami waiʋa mambo waʋo.

¹⁸Ɀino mambo Rehoboami akatuma Hadorami mutariri waʋanhu ʋecibaro, ʋana ʋaIsraeri ʋakamutaka namabge, akafa. Ipapo mambo Rehoboami akacimbidzika kukwira ŋgoro yake, akatizira Jerusarema.

¹⁹Saiɀoɀo ʋaIsraeri ʋakamukira imba yaDavidi kuȿikira zuʋa ranhasi.