Read Original Shona Union Bible 1949 Baiberi Magwaro Matȿene aMŋari II Makoronike 11 Bible Online

II Makoronike 11 - Original Shona Union Bible 1949 Baiberi Magwaro Matȿene aMŋari bible

II Makoronike 11

¹Ɀino Rehoboami wakati aciȿika Jerusarema, akaʋuŋganidza ʋeimba yaJuda naBenjamini, ʋarume ʋakatsaurwa ʋaiʋa neɀuru ɀinezana namakumi masere, ʋaigona kurwa, kuti ʋarwe naʋaIsraeri, kuti ʋadzosere ʋushe ɀe kunaRehoboami.

²Asi shoko raJehova rakaȿika kunaShemaya munhu waMŋari, riciti:

³Taura naRehoboami mŋanakomana waSoromoni, mambo waJuda, naʋaIsraeri ʋose paJuda naBenjamini, uti:

⁴Ɀanzi naJehova: Hamufaniri kukwira kundorwa nehama dzenyu; mumŋe nomumŋe ŋgaadzokere kumba kwake, nokuti cinhu ici cinobva kwandiri. Naiɀoɀo ʋakaterera mashoko aJehova, ʋakadzoka pakundorwa naJeroboami.

⁵Rehoboami akagara Jerusarema, akaʋaka maguta enhare paJuda.

⁶Akaʋaka Beti‐rehemi, neEtami, neTekoa,

⁷neBeti‐zuri, neSoko, neAdurami,

⁸neGati, neMaresha, neZifi,

⁹neAdoraimi, neRakishi, neAzeka,

¹⁰neZora, neAjaroni, neHebroni, akaŋga ari maguta akakombga paJuda neBenjamini.

¹¹Akasimbisa nhare, akaisa’mo ʋakuru, neɀokudya ɀakaʋuŋganidzwa’mo, namafuta, newaini.

¹²Muguta rimŋe nerimŋe akaisa nhoʋo namapfumo, akaasimbisa kwaɀo kwaɀo. Juda naBenjamini ʋakaŋga ʋari ʋake.

¹³Naʋaprista naʋaRevi, ʋaiʋa pakati paIsraeri yose, ʋakaʋuŋgana kwaari, ʋacibva panyika yaʋo yose.

¹⁴Nokuti ʋaRevi ʋakabva pamafuro aʋo nefuma yaʋo, ʋakaenda kwaJuda neJerusarema; nokuti Jeroboami naʋanakomana ʋake ʋakaʋadziŋga, kuti ʋarege kuɓate‐ɓasa roʋuprista pamberi paJehova.

¹⁵Iye akaɀitsaurira ʋaprista ʋapamatunhu akakwirira, naʋeɀifananidzo ɀenhoŋgo dzembudzi, naʋemhuru dzaakaita.

¹⁶Ɀino ʋose pakati pamarudzi ose aʋaIsraeri, ʋakaŋga ʋacitȿaka Jehova nomŋoyo wose, ʋakaʋateʋera, ʋakaenda Jerusarema kuzoɓayira Jehova Mŋari wamadziɓaɓa aʋo.

¹⁷Saiɀoɀo ʋakasimbisa ʋushe bgaJuda, ʋakasimbisa Rehoboami mŋanakomana waSoromoni, makore matatu; nokuti ʋakafamba panzira yaDavidi naSoromoni makore matatu.

¹⁸Rehoboami akawana mukadzi, Maharati mukunda waJerimoti mŋanakomana waDavidi, nowaAbihairi mukunda waEriabi mŋanakomana waJese.

¹⁹Iye akamuɓerekera ʋanakomana, ʋaiti: Jeushi, naShamaria, naZahami.

²⁰Pashure wakawana ʋo Maaka mukunda waAbsaromi; iye akamuɓerekera Abija, naAtai, naZiza, naSheromiti.

²¹Rehoboami akaɗa Maaka mukunda waAbsaromi kupfuʋura ʋakadzi ʋake ʋose naʋaroŋgo ʋake; (nokuti wakawana ʋakadzi ʋanegumi naʋasere naʋaroŋgo ʋanamakumi matanhatu, akaɓereka ʋanakomana ʋanamakumi maʋiri naʋasere naʋanasikana ʋanamakumi matanhatu.)

²²Rehoboami akagadza Abija mŋanakomana waMaaka aʋe mukuru nomucinda pakati paʋana ʋaɓaɓa ʋake; nokuti wakaŋga aciɗa kumuita mambo.

²³Akaita nokuŋgwara, akaparadzira ʋanakomana ʋake ʋose panyika dzose dzaJuda naBenjamini kumaguta ose enhare; akaʋapa ɀokudya ɀakawanda. Akaʋatȿakira ʋo ʋakadzi ʋazhinji.