Read Original Shona Union Bible 1949 Baiberi Magwaro Matȿene aMŋari II Makoronike 12 Bible Online

II Makoronike 12 - Original Shona Union Bible 1949 Baiberi Magwaro Matȿene aMŋari bible

II Makoronike 12

¹Ɀino ʋushe bgaRehoboami bgakati bgasimbiswa, iye aʋa nesimba, akarasha murairo waJehova, naʋaIsraeri ʋose pamŋe cete naye.

²Ɀino pagore recishanu ramambo Rehoboami, Shishaki mambo weEgipita akaȿika kuzorwa neJerusarema, nokuti ʋakaŋga ʋatadzira Jehova,

³aneŋgoro dzinecuru cimŋe namazana maʋiri, naʋataȿi ʋamabiza ʋaneɀuru ɀinamakumi matanhatu, naʋanhu ʋakabva naye Egipita, ʋakaŋga ʋasiŋgagoni kuʋereŋgwa, ʋaiti: ʋaRubimi, naʋaSukimi, naʋaEtiopia.

⁴Akakunda maguta akakombga aJuda, akaȿika Jerusarema.

⁵Ɀino Shemaya muprofita akaȿika kunaRehoboami nokumacinda aJuda akaŋga akaʋuŋgana paJerusarema nemhaka yaShishaki, akati kwaʋari: Ɀanzi naJehova: Mandirasha, saka ndakakuregerai ʋo paruʋoko rwaShishaki.

⁶Ipapo macinda aIsraeri namambo ʋakaɀininipisa, ʋakati: Jehova wakarurama.

⁷Ɀino Jehova wakati aciʋona kuti ʋaɀininipisa, shoko raJehova rikaȿika kunaShemaya, riciti: Ʋaɀininipisa, handiŋgaʋaparadzi, asi ndobva ndoʋarwira; kutsamŋa kwaŋgu hakuŋgaɗururwi pamsoro peJerusarema noruʋoko rwaShishaki.

⁸Kunyaŋge ɀakaɗaro ʋacaʋa ʋaranda ʋake; kuti ʋaziʋe kuti ɀakaɗini kundishumira ini nokushumira ʋushe bgenyika dzimŋe.

⁹Naiɀoɀo Shishaki mambo weEgipita wakandorwa neJerusarema, akatora fuma yeimba yaJehova, nefuma yeimba yamambo; akaɀitora ɀose; akatora ʋo nhoʋo ɗuku dzose dzendarama dzakaitwa naSoromoni.

¹⁰Ipapo mambo Rehoboami akaita panɀimbo yaɀo nhoʋo ɗuku dzendarira, akadziisa pamaʋoko aʋakuru ʋaʋarindi, ʋairinda mukoʋa weimba yamambo.

¹¹Ɀino ŋguʋa dzose kana mambo acipinda mumba maJehova, ʋarindi ʋaidziɓata, ndokudzidzosera ɀe mumba maʋarindi.

¹²Ɀino wakati aɀininipisa, kutsamŋa kwaJehova kukabviswa kwaari, akasaparadzwa cose; ʋuye ɀe, kunaJuda ɀimŋe ɀakanaka ɀakawanikwa.

¹³Nokuɗaro mambo Rehoboami wakaɀisimbisa paJerusarema, akaɓata ʋushe; nokuti Rehoboami wakaŋga anamakore makumi manna nerimŋe pakutaŋga kwake kuɓata ʋushe, akaɓata ʋushe paJerusarema makore anegumi namanomŋe, iro guta rakaŋga ratsaurwa naJehova pamarudzi ose aIsraeri, kuti aise zita rake’mo; zita ramai ʋake rakaŋga riri Naama muAmoni.

¹⁴Akaita ɀakaipa, nokuti haana‐kushiŋgaira kutȿaka Jehova.

¹⁵Ɀino maɓasa aRehoboami, okutaŋga nookupedzisira, haana‐kunyorwa here mumashoko omuprofita Shemaya, noomuʋoni Ido, mazita amadziteteguru aciʋereŋgwa ʋo? Ɀino kurwa kwakaŋga kuri’po pakati paRehoboami naJeroboami ŋguʋa dzose.

¹⁶Rehoboami akaʋata namadziɓaɓa ake, akaʋigwa muguta raDavidi; Abija mŋanakomana wake akamuteʋera paʋushe.