Read Original Shona Union Bible 1949 Baiberi Magwaro Matȿene aMŋari II Makoronike 13 Bible Online

II Makoronike 13 - Original Shona Union Bible 1949 Baiberi Magwaro Matȿene aMŋari bible

II Makoronike 13

¹Pagore regumi namasere ramambo Jeroboami, Abija wakataŋga kuɓata ʋushe bgaJuda.

²Akaɓata ʋushe paJerusarema makore matatu; zita ramai ʋake rakaŋga riri Mikaya, mukunda waUrieri weGibea. Kurwa kukaʋa’po pakati paAbija naJeroboami.

³Abija akarwa anehondo yaʋarwi dzaiʋa mhare, ʋarume ʋakatsaurwa ʋaneɀuru ɀinamazana manna; Jeroboami ʋo akagadzira hondo kuzorwa naye, anaʋarume ʋakatsaurwa ʋaneɀuru ɀinamazana masere, ʋaiʋa ʋarume ʋanesimba noʋumhare.

⁴Abija akamira pamsoro pegomo rainzi Zemaraimi, raiʋa panyika yamakomo yaEfraimi, akati: Ndinzwei, Jeroboami naʋaIsraeri ʋose:

⁵Ko hamufaniri kuziʋa here kuti Jehova Mŋari waIsraeri wakapa Davidi ʋushe bgaIsraeri nokusiŋgaperi, iye naʋanakomana ʋake nesuŋgano yomunyu?

⁶Asi Jeroboami mŋanakomana waNebati, muranda waSoromoni mŋanakomana waDavidi, wakasimuka akamukira ishe wake.

⁷Kukaʋuŋganira kwaari ʋanhu ʋakaipa, ʋakaiȿo‐ipa, ʋakaɀisimbisa kundorwa naRehoboami mŋanakomana waSoromoni, iye Rehoboami aciri muɗuku anomŋoyo unotya, asiŋgagoni kurwa naʋo.

⁸Ɀino munoɗa kurwa noʋushe bgaJehova ʋuri mumaʋoko aʋanakomana ʋaDavidi; ɀamuri ʋanhu ʋazhinji‐zhinji, munemhuru dzendarama dzakaitwa naJeroboami kuti ʋaʋe ʋamŋari ʋenyu.

⁹Hamuna‐kudziŋga here ʋaprista ʋaJehova, ʋanakomana ʋaAroni, naʋaRevi, imi mukaɀitsaurira ʋaprista netsika dzaʋanhu ʋedzimŋe nyika? Naiɀoɀo aninani unoʋuya kuɀitsaurira Mŋari anenzombe imŋe namakondobge manomŋe, iye uŋgaʋa muprista waʋamŋari ʋasati ʋari ʋamŋari.

¹⁰Asi kana tiri’su, Jehova ndiMŋari weɗu, hatina‐kumurasha; isu tinaʋaprista ʋanoshumira Jehova, iʋo ʋanakomana ʋaAroni, naʋaRevi pamaɓasa aʋo;

¹¹ndiʋo ʋanopisira Jehova ɀipiriso ɀinopiswa neɀinonhuwira maŋgwanani ose namaɗekwana ose; neɀiŋgwa ɀokuratidza ʋanoɀigadzira patafura yakaiȿo‐naka; necigadziko cendarama nemŋenje yaco, kuvenekera maɗekwana ose; nokuti tinoceŋgeta ɀatakarairwa naJehova Mŋari weɗu; asi imi makamurasha.

¹²Ɀino tarirai, Mŋari unesu acitituŋgamirira, naʋaprista ʋake ʋanehwamanda dzokuridza nadzo, kuti ʋakuridzirei mhere imi. Nhandi ʋana ʋaIsraeri, regai kurwa naJehova Mŋari wamadziɓaɓa enyu; nokuti hamuŋgakundi.

¹³Asi Jeroboami wakaisa ʋaʋandiri kuti ʋaʋakombe neceshure kwaʋo; ɀino iʋo ʋakaʋa pamberi paJuda, naʋaʋandiri ʋakaŋga ʋari shure kwaʋo.

¹⁴Ɀino ʋaJuda ʋakati ʋaciceuka, ʋakaʋona kurwa mberi kwaʋo neshure kwaʋo; ʋakacema kunaJehova, ʋaprista ʋakaridza hwamanda.

¹⁵Ipapo ʋanhu ʋaJuda ʋakaridza mhere; ʋakati ʋaridza mhere, Mŋari akaparadza Jeroboami naʋaIsraeri ʋose pamberi paAbija naJuda.

¹⁶Ʋana ʋaIsraeri ʋakatiza pamberi paJuda, Mŋari akaʋaisa mumaʋoko aʋo.

¹⁷Abija naʋanhu ʋake ʋakaʋaʋuraya nokuʋuraya kukuru; naiɀoɀo ʋarume ʋakatsaurwa ʋaneɀuru ɀinamazana mashanu ʋakaʋurawa pakati paIsraeri.

¹⁸Ʋana ʋaIsraeri ʋakamanikidzwa saiɀoɀo neŋguʋa iyo, ʋana ʋaJuda ʋakakunda, nokuti ʋakaʋimba naJehova, Mŋari wamadziɓaɓa aʋo.

¹⁹Abija akateʋerera Jeroboami, akamutorera maguta, aiti: Beti‐eri nemisha yaro, neJeshana nemisha yaro, neEfroni nemisha yaro.

²⁰Jeroboami haana‐kuzoʋa nesimba ɀe pamazuʋa aAbija; Jehova ndokumuroʋa, akafa.

²¹Asi Abija wakaɀisimbisa, akawana ʋakadzi ʋanegumi naʋanna, akaɓereka ʋanakomana ʋanamakumi maʋiri naʋaʋiri, naʋanasikana ʋanegumi naʋatanhatu.

²²Ɀino mamŋe maɓasa aAbija, netsika dzake, namashoko ake, ɀakanyorwa paɗudziro yomuprofita Ido.