Read Original Shona Union Bible 1949 Baiberi Magwaro Matȿene aMŋari II Makoronike 14 Bible Online

II Makoronike 14 - Original Shona Union Bible 1949 Baiberi Magwaro Matȿene aMŋari bible

II Makoronike 14

¹Ɀino Abija wakaʋata namadziɓaɓa ake, akaʋigwa muguta raDavidi; Asa mŋanakomana wake akamuteʋera paʋushe; pamazuʋa ake nyika yakaŋga inorugare makore anegumi.

²Asa akaita ɀakanaka neɀakarurama pamberi paJehova Mŋari wake.

³Nokuti wakabvisa artari dzaʋamŋari ʋatorwa, namatunhu akakwirira, akaputsa shoŋgwe, nokutema ʋo matanda okunamata nawo;

⁴akaraira ʋaJuda kuti ʋatȿake Jehova Mŋari wamadziɓaɓa aʋo, nokuceŋgeta murau nomurairo.

⁵Akabvisa ʋo pamaguta ose aʋaJuda matunhu akakwirira neɀifananidzo ɀezuʋa; ʋushe ʋukaʋa norugare iye ari mambo.

⁶Akaʋaka maguta akakombga paJuda; nokuti nyika yakaŋga inorugare, wakaŋga asina‐kurwa pamakore iwayo; nokuti Jehova wakaŋga amuzorodza.

⁷Nokuti wakati kuʋaJuda: Ŋgatiʋake maguta iwayo, tiapoteredze namaȿiŋgo, neshoŋgwe, namasuʋo, namazariro; nyika iciri pamberi peɗu, nokuti takatȿaka Jehova Mŋari weɗu; takamutȿaka, akatizorodza pamatiʋi ose. Ipapo ʋakaʋaka, ʋakagara ɀakanaka.

⁸Asa wakaŋga anehondo yaʋaJuda, ʋaneɀuru ɀinamazana matatu, ʋakaŋga ʋakashoŋga nhoʋo huru namapfumo; neyaʋaBenjamini ʋaneɀuru ɀinamazana maʋiri namakumi masere, ʋakaŋga ʋakashoŋga nhoʋo ʋaifura noʋuta; aʋa ʋose ʋaiʋa ʋarume ʋanesimba noʋumhare.

⁹Ɀino Zera muEtiopia wakaʋuya kuzorwa naʋo nehondo yaʋanhu ʋaneɀuru ɀeɀuru, neŋgoro dzinamazana matatu; akaȿika Maresha.

¹⁰Ipapo Asa akaɓuɗa kuzorwa naye, ʋakagadzira kuzorwa pamupata weZefata paMaresha.

¹¹Asa akacema kunaJehova Mŋari wake, akati: Jehova hakuna‐uŋgaɓatsira usinesimba kurwa nounesimba, asi imi moga; tiɓatsirei Jehova Mŋari weɗu; nokuti tinoʋimba nemi, taȿika kuzorwa naʋazhinji aʋa nezita renyu. Imi Jehova, ndimi Mŋari weɗu; munhu ŋgaarege kukukundai imi.

¹²Ipapo Jehova akaparadza ʋaEtiopia pamberi paAsa, napamberi paʋaJuda, ʋaEtiopia ʋakatiza.

¹³Asa naʋanhu ʋaakaŋga anaʋo ʋakaʋateʋerera kuȿikira paGerari; ʋaEtiopia ʋakaʋurawa ʋazhinji, ʋakakoniwa kuzosimba ɀe; nokuti ʋakaparadzwa pamberi peJehova napamberi pehondo yake; ʋakaenda neɀizhinji kwaɀo ɀaʋakapamba.

¹⁴Ʋakaparadza maguta ose akapoteredza Gerari; nokuti ʋakavunduswa naJehova; ʋakapamba maguta ose, nokuti kwakaŋga kuneɀiŋgapambga ɀizhinji maari.

¹⁵Ʋakaparadza ʋo matente eɀipfuwo, ʋakatapa makwai mazhinji namakamera, ndokudzokera Jerusarema.