Read Original Shona Union Bible 1949 Baiberi Magwaro Matȿene aMŋari II Makoronike 16 Bible Online

II Makoronike 16 - Original Shona Union Bible 1949 Baiberi Magwaro Matȿene aMŋari bible

II Makoronike 16

¹Ɀino negore ramakumi matatu namatanhatu rokuɓata ʋushe kwaAsa, Baasha mambo waIsraeri akakwira kundorwa naJuda, akaʋaka Rama, kuti arege kutendera munhu kuɓuɗa kana kupinda kunaAsa mambo waJuda.

²Ipapo Asa akaɓuɗisa sirveri nendarama muɀiʋigiro ɀefuma yeimba yaJehova neimba yamambo, akatuma shoko kunaBeni‐hadadi mambo weSiria, wakaŋga agere Damasko, akati:

³Suŋgano iri’po pakati paŋgu nemi, seɀayakaʋa’po pakati paɓaɓa ʋaŋgu naɓaɓa ʋenyu; tarirai, ndinokutumirai sirveri nendarama; endai muputse suŋgano yenyu naBaasha mambo waIsraeri, abve kwandiri.

⁴Beni‐hadadi akaterera mambo Asa, akatuma ʋakuru ʋehondo dzake kundorwa namaguta aIsraeri, akakunda Ijoni, neDani, neAberi‐maimi, namaguta ose amatura aNaftari.

⁵Ɀino Baasha wakati aciɀinzwa, akarega kuʋaka Rama, akarega ɓasa rake.

⁶Ipapo mambo Asa akatora ʋaJuda ʋose; ʋakandobvisa mabge eRama, namatanda aro, ɀaakaŋga aʋaka naɀo iye Baasha, akaʋaka naɀo Geba neMizpa.

⁷Ɀino neŋguʋa iyo muʋoni Hanani akaȿika kunaAsa mambo waJuda, akati kwaari: Ɀawakaʋimba namambo weSiria, ukasaʋimba naJehova Mŋari wako, ɀino hondo yamambo weSiria yapukunyuka paruʋoko rwako.

⁸Ko ʋaEtiopia naʋaRubimi ʋakaŋga ʋasi hondo huru‐huru, ʋaneŋgoro naʋataȿi ʋamabiza ʋazhinji here? Kunyaŋge ɀakaɗaro, ɀawakaʋimba naJehova, iye wakaʋaisa muruʋoko rwako.

⁹Nokuti meso aJehova anotarira‐tarira kumatiʋi ose enyika yose, kuti aratidze simba rake kunaiye unomŋoyo wakarurama kwaɀo kwaari. Pacinhu ici waita seɓenzi; nokuti kubva ɀino ucaʋiŋgwa nokurwa.

¹⁰Ipapo Asa akatsamŋira muʋoni, akamuisa mutoroŋgo; nokuti wakaŋga amutsamŋira kwaɀo nokuɗa kwecinhu ici. Neŋguʋa iyo Asa akatambudza ʋo ʋamŋe ʋanhu.

¹¹Ɀino tarirai, maɓasa aAsa, okutaŋga nookupedzisira, akanyorwa mubuku yamadzimambo aJuda naaIsraeri.

¹²Asi pagore ramakumi matatu namapfumbamŋe rokuɓata kwake ʋushe, Asa akazonzwa makumbo; ʋurwere bgake ʋukanyanya kwaɀo; kunyaŋge ɀakaɗaro, paʋurwere bgake haana‐kutȿaka Jehova, asi ŋaŋga.

¹³Asa akaʋata namadziɓaɓa ake, akafa negore ramakumi manna nerimŋe rokuɓata kwake ʋushe.

¹⁴Ʋakamuʋiga pamabgiro ake, aakaŋga aɀiʋezera muguta raDavidi, ʋakamuradzika panhoʋo dzizere neɀinonhuwira ɀamarudzi mazhinji, ɀakaŋga ɀagadzirwa naʋaiti ʋeɀinonhuwira ʋakaŋgwara; ʋakamupisira ɀizhinji‐zhinji.