Read Original Shona Union Bible 1949 Baiberi Magwaro Matȿene aMŋari II Makoronike 17 Bible Online

II Makoronike 17 - Original Shona Union Bible 1949 Baiberi Magwaro Matȿene aMŋari bible

II Makoronike 17

¹Ɀino Jehoshafati mŋanakomana wake akaɓata ʋushe pacigaro cake, akaɀisimbisa kundorwa naʋaIsraeri.

²Akaisa ʋarwi mumaguta ose akakombga aJuda, akaisa ʋo mapoka aʋarwi panyika yaJuda, napamaguta aEfraimi, akaŋga akundwa naAsa ɓaɓa ʋake.

³Jehova akaʋa naJehoshafati, nokuti wakafamba munzira dzokutaŋga dzaɓaɓa ʋake Davidi; haana‐kundobvunza ʋaBaari;

⁴asi wakabvunza Mŋari waɓaɓa ʋake, akafamba nemirairo yake, asiŋgateʋeri maɓasa aIsraeri.

⁵Saka Jehova wakasimbisa ʋushe paruʋoko rwake; ʋaJuda ʋose ʋakaʋigira Jehoshafati ɀipo, akaʋa nefuma nokukudzwa ɀizhinji.

⁶Mŋoyo wake ukashiŋgairira nzira dzaJehova; ʋuye wakabvisa ʋo matunhu akakwirira namatanda okunamata nawo pakati paJuda.

⁷Ʋuye pagore recitatu rokuɓata kwake ʋushe wakatuma macinda ake, ʋanaBeni‐hairi, naObadia, naZekaria, naNetaneri, naMikaya, kundodzidzisa mumaguta aJuda;

⁸ʋuye pamŋe cete naʋo ʋaRevi, ʋanaShemaya, naNetania, naZebadia, naAsaheri, naShemiramoti, naJehonatani, naAdonija, naTobija, naTobi‐adonija, ʋari ʋaRevi; ʋuye pamŋe cete naʋo Erishama naJehorami, ʋaprista.

⁹Ʋakandodzidzisa pakati paJuda, ʋanebuku yomurairo waJehova; ʋakafamba ʋacipota namaguta ose aJuda, ʋacidzidzisa pakati paʋanhu.

¹⁰Ʋushe bgose bgenyika dzose dzakaŋga dzakapoteredza Juda, ʋakavunduswa naJehova, ʋakasarwa naJehoshafati.

¹¹Ʋamŋe ʋaFiristia ʋakaʋigira Jehoshafati ɀipo, nesirveri yomutero; ʋaArabia ʋo ʋakamuʋigira makwai, makondobge aneɀuru ɀinomŋe namazana manomŋe, nenhoŋgo dzembudzi dzineɀuru ɀinomŋe namazana manomŋe.

¹²Jehoshafati akazoʋa mukuru kwaɀo, akaʋaka pakati paJuda nhare namaguta amatura.

¹³Waiʋa namaɓasa mazhinji mumaguta aJuda, naʋarwi, ʋarume ʋanesimba noʋumhare paJerusarema.

¹⁴Ɀino ndiwo mazita aʋo nedzimba dzamadziɓaɓa aʋo: Pakati paJuda, ʋakuru ʋeɀuru: Adna mukuru, ʋuye pamŋe cete naye ʋarume ʋanesimba noʋumhare ʋaneɀuru ɀinamazana matatu;

¹⁵teʋere Jehohanani mukuru, ʋuye pamŋe cete naye ʋarume ʋaneɀuru ɀinamazana maʋiri namakumi masere;

¹⁶teʋere Amasia mŋanakomana waZikri, wakaɀipa kunaJehova nomŋoyo wake wose; ʋuye pamŋe cete naye ʋarume ʋanesimba noʋumhare ʋaneɀuru ɀinamazana maʋiri;

¹⁷pakati paʋaBenjamini: Eriada munhu unesimba noʋumhare, ʋuye pamŋe cete naye ʋarume ʋaneɀuru ɀinamazana maʋiri ʋakaŋga ʋakaɓata ʋuta nenhoʋo;

¹⁸teʋere Jehozabadi, ʋuye pamŋe cete naye ʋarume ʋaneɀuru ɀinezana namakumi masere, ʋakaŋga ʋakaɀigadzirira kurwa.

¹⁹Ndiʋo ʋaiɓatira mambo, ʋamŋe ʋakaŋga ʋaiswa namambo mumaguta akakombga panyika yose yaJuda ʋasiŋgaʋereŋgwi.