Read Original Shona Union Bible 1949 Baiberi Magwaro Matȿene aMŋari II Makoronike 21 Bible Online

II Makoronike 21 - Original Shona Union Bible 1949 Baiberi Magwaro Matȿene aMŋari bible

II Makoronike 21

¹Ɀino Jehoshafati akaʋata namadziɓaɓa ake, akaʋigwa namadziɓaɓa ake muguta raDavidi; Jehorami mŋanakomana wake akamuteʋera paʋushe.

²Iye wakaŋga anaʋanuŋuna, ʋaiʋa ʋanakomana ʋaJehoshafati, ʋaiti: Azaria, naJehieri, naZekaria, naAzaria, naMikaeri, naShefatia; aʋa ʋose ʋaiʋa ʋanakomana ʋaJehoshafati mambo waIsraeri.

³Ƃaɓa ʋaʋo ʋakaʋapa ɀipo ɀikuru ɀesirveri, nendarama, neɀinhu ɀinokosha, pamŋe cete namaguta akakombga paJuda; asi ʋushe wakabgupa Jehorami, nokuti iye wakaŋga ari weɗaŋgwe.

⁴Ɀino Jehorami wakati apinda paʋushe bgaɓaɓa ʋake, ndokuɀisimbisa, akaʋuraya ʋanuŋuna ʋake ʋose nomunondo, naʋamŋe ʋo ʋamacinda aIsraeri.

⁵Jehorami wakaŋga aȿika makore makumi matatu namaʋiri pakutaŋga kwake kuɓata ʋushe; akaɓata ʋushe paJerusarema makore masere.

⁶Akafamba nenzira yamadzimambo aIsraeri, seɀakaita imba yaAhabi; nokuti mukunda waAhabi wakaŋga ari mukadzi wake; akaita ɀakaipa pamberi paJehova.

⁷Kunyaŋge ɀakaɗaro Jehova wakaŋga asiŋgaɗi kuparadza imba yaDavidi, nokuɗa kwesuŋgano yaakaŋga aita naDavidi, ʋuye nokuti wakaŋga amupikira kuti ucamupa mŋenje iye naʋana ʋake ŋguʋa dzose.

⁸Ɀino namazuʋa ake ʋaEdomi ʋakamukira ʋaJuda, ʋakaɀiitira mambo waʋo.

⁹Ipapo Jehorami akaenda naʋakuru ʋake, aneŋgoro dzake dzose naye; akamuka ʋusiku, akaparadza ʋaEdomi ʋakaŋga ʋakamukomba naʋakuru ʋeŋgoro.

¹⁰Naiɀoɀo ʋaEdomi ʋakamukira ʋaJuda, kuȿikira zuʋa ranhasi. Ipapo ʋeRibna ʋo ʋakamumukira neŋguʋa iyo; nokuti wakaŋga arasha Jehova, Mŋari wamadziɓaɓa ake.

¹¹Wakaita ʋo matunhu akakwirira pamakomo aJuda, akapatisa ʋagere Jerusarema, nokutsausa ʋaJuda.

¹²Ipapo ŋwadi yakabva kumuprofita Eria, ikaȿika kwaari, iciti: Ɀanzi naJehova Mŋari waɓaɓa ʋako Davidi: Ɀausina‐kufamba nenzira dzaɓaɓa ʋako Jehoshafati, kana nenzira dzaAsa mambo waJuda;

¹³asi wakafamba nenzira dzamadzimambo aIsraeri, ukapatisa Juda naʋagere Jerusarema, seɀakaita imba yaAhabi, ukaʋuraya ʋo ʋanuŋuna ʋako ʋeimba yaɓaɓa ʋako, ʋakaŋga ʋakanaka kupfuʋura iwe;

¹⁴ɀino tarira, Jehova ucaroʋa ʋanhu ʋako, naʋana ʋako, naʋakadzi ʋako, neɀinhu ɀako ɀose, nenjodzi yakaipa;

¹⁵iwe ucaʋa nehosha yakaipa yomuʋura kuȿikira ʋura bgako ʋuciɓuɗa kunze nemhaka yehosha iyo zuʋa rimŋe nerimŋe.

¹⁶Ɀino Jehova akakurudzira mŋeya yaʋaFiristia neyaʋaArabia, ʋakaŋga ʋari kurutiʋi rwaʋaEtiopia, kuzorwa naJehorami;

¹⁷ʋakandorwa naʋaJuda, ʋakapinda nyika yaʋo nesimba, ndokutora nhumbi dzose dzaʋakawana mumba mamambo, naʋanakomana ʋake, naʋakadzi ʋake; naiɀoɀo haana‐kusarirwa nomŋanakomana, kunyaŋge nomumŋe, asi Jehoahazi, muɗuku waʋanakomana ʋake ʋose.

¹⁸Shure kwaiɀoɀo ɀose Jehova akamuroʋa muʋura bgake nehosha isiŋgagoni kurapxa.

¹⁹Ɀino makore maʋiri akati apera, ʋura bgake ʋukaɓuɗa kunze nemhaka yoʋurwere, akafa nehosha dzakaipa; ʋanhu ʋake ʋakasamupisira, seɀaʋakapisira madziɓaɓa ake.

²⁰Wakaŋga aȿika makore makumi matatu namaʋiri pakutaŋga kwake kuɓata ʋushe; akaɓata ʋushe paJerusarema makore masere; akaenda hake asiŋgaɗikanwi, ʋakamuʋiga paguta raDavidi, asi haʋana‐kumuʋiga pamarinda amadzimambo.