Read Original Shona Union Bible 1949 Baiberi Magwaro Matȿene aMŋari II Makoronike 22 Bible Online

II Makoronike 22 - Original Shona Union Bible 1949 Baiberi Magwaro Matȿene aMŋari bible

II Makoronike 22

¹Ɀino ʋagere Jerusarema ʋakaita Ahazia, mŋanakomana wake muɗuku, mambo panɀimbo yake, nokuti ɓoka raʋanhu, ʋakaʋuya naʋaArabia, ʋakaŋga ʋaʋuraya ʋakuru ʋake ʋose. Naiɀoɀo Ahazia mŋanakomana waJehorami mambo waJuda, wakaɓata ʋushe.

²Ahazia wakaŋga aȿika makore makumi manna namaʋiri pakutaŋga kwake kuɓata ʋushe; akaɓata ʋushe paJerusarema gore rimŋe; zita ramai ʋake rakaŋga riri Ataria, mukunda waOmri.

³Naiye wakafamba nenzira dzeimba yaAhabi; nokuti mai ʋake ʋaiʋa murairi wake pakuita ɀakaipa.

⁴Akaita ɀakaipa pamberi paJehova seɀakaitwa naʋeimba yaAhabi; nokuti ɓaɓa ʋake ʋakati ʋafa, ndiʋo ʋaiʋa ʋarairi ʋake, ʋakamuisa pakuparadzwa.

⁵Akafamba ʋo seɀaʋakamuraira, akaenda naJehorami mŋanakomana waAhabi mambo waIsraeri, kundorwa naHazaeri mambo weSiria paRamoti‐gireadi; ʋaSiria ʋakakuʋadza Jehorami.

⁶Akadzokera Jezreeri kuzorapxa maʋaŋga aakatemŋa paRama, ŋguʋa yaakarwa naHazaeri mambo weSiria. Ipapo Azaria mŋanakomana waJehorami mambo waJuda, akaenda kundoʋona Jehorami mŋanakomana waAhabi paJezreeri, nokuti wakaŋga acirwara.

⁷Ɀino kuparadzwa kwaAhazia kwakabva kunaMŋari, ɀaakaenda kunaJorami; nokuti wakati aȿika’po, akaenda naJehorami kundorwa naJehu mŋanakomana waNishi, wakaŋga azodzwa naJehova kuti aparadze imba yaAhabi.

⁸Ɀino Jehu wakati aciitira imba yaAhabi ɀakaŋga ɀatoŋgwa naJehova, akawana macinda aJuda naʋanakomana ʋaʋanuŋuna ʋaAhazia ʋaciɓatira Ahazia, ndokuʋaʋuraya.

⁹Akatȿaka Ahazia ʋo, ʋakamuɓata, (nokuti wakaŋga aʋanda paSamaria), ʋakamuisa kunaJehu, ʋakamuʋuraya; ʋakamuʋiga, nokuti ʋakati: Mŋanakomana waJehoshafati, wakatȿaka Jehova nomŋoyo wake wose. Asi kwakaŋga kusinomumŋe weimba yaAhazia wakaŋga anesimba rokuɓata ʋushe.

¹⁰Ɀino Ataria mai ʋaAhazia, wakati aciʋona kuti mŋanakomana wake wafa, akasimuka, akaparadza ʋose ʋorudzi rwamambo ʋeimba yaJuda.

¹¹Asi Jehoshabeati mukunda wamambo, wakatora Joashi mŋanakomana waAhazia, akamuɓa pakati paʋanakomana ʋamambo ʋaiʋurawa, akamuisa iye nomureri wake mumba mokuʋata. Naiɀoɀo Jehoshabeati mukunda wamambo Jehorami, mukadzi waJehoyada muprista, (nokuti waiʋa hanɀadzi yaAhazia,) akamuʋanza panaAtaria, naiɀoɀo haana‐kumuʋuraya.

¹²Akagara naʋo akaʋanzwa mumba maMŋari makore matanhatu; Ataria akaɓata ʋushe panyika.