Read Original Shona Union Bible 1949 Baiberi Magwaro Matȿene aMŋari II Makoronike 25 Bible Online

II Makoronike 25 - Original Shona Union Bible 1949 Baiberi Magwaro Matȿene aMŋari bible

II Makoronike 25

¹Amazia wakaŋga anamakore makumi maʋiri namashanu pakutaŋga kwake kuɓata ʋushe; akaɓata ʋushe paJerusarema makore makumi maʋiri namapfumbamŋe; zita ramai ʋake rakaŋga riri Jehoadani weJerusarema.

²Iye akaita ɀakarurama pamberi paJehova, asi haana‐kuita nomŋoyo wose.

³Ɀino wakati asimba paʋushe bgake, akaʋuraya ʋaranda ʋake ʋakaʋuraya mambo ɓaɓa ʋake.

⁴Asi haana‐kuʋuraya ʋana ʋaʋo, asi wakaita seɀakanyorwa pamurairo pabuku yaMosesi, seɀakarairwa naJehova, aciti: Madziɓaɓa haafaniri kufira ʋana ʋaʋo, naʋana haʋafaniri kufira madziɓaɓa aʋo; asi munhu mumŋe nomumŋe unofanira kufira ɀiʋi ɀake.

⁵Amazia akaʋuŋganidza ʋo ʋaJuda, akagadza pamsoro paʋo ʋatariri ʋeɀuru naʋatariri ʋamazana nedzimba dzamadziɓaɓa aʋo, iʋo ʋaJuda ʋose naʋaBenjamini; akaʋaʋereŋga, ʋose ʋamakore anamakumi maʋiri naʋakapfuʋura, akaʋawana ʋari ʋarume ʋaneɀuru ɀinamazana matatu ʋakatsaurwa, ʋaigona kurwa, ʋaigona kurwa nepfumo nenhoʋo.

⁶Akaripira ʋo ʋarume ʋanesimba noʋumhare ʋaneɀuru ɀinezana ʋaʋaIsraeri, akaʋapa matarenta anezana esirveri.[11]

⁷Asi mumŋe munhu waMŋari wakaʋuya kwaari, akati: Haiwa, mambo, hondo yaʋaIsraeri ŋgairege kuenda nemi, nokuti Jehova haa’po panaIsraeri, paʋana ʋaEfraimi ʋose.

⁸Asi endai imi moga, shiŋgai murwe nesimba; Mŋari uŋgakukundisai naʋaʋeŋgi here? Nokuti Mŋari unesimba rokuɓatsira nerokukundisa.

⁹Ipapo Amazia akati kumunhu waMŋari: Ɀino ticaita seiko pamsoro pamatarenta anezana[12] andakapa pfumo raʋaIsraeri? Munhu waMŋari akapindura, akati: Jehova unogona kukupai ɀinopfuʋura iɀoɀo kwaɀo.

¹⁰Ipapo Amazia akaʋaraʋura, iro pfumo rakaŋga raʋuya kwaari ricibva kwaEfraimi, kuti ʋadzokere ɀe kumusha; nemhaka iyo ʋakatsamŋira Juda kwaɀo, ʋakadzokera kumusha ʋatsamŋa kwaɀo.

¹¹Ɀino Amazia akatsuŋga mŋoyo, akatuŋgamirira ʋanhu ʋake, akaenda kuMupata woMunyu, akaʋuraya ʋana ʋaSeiri ʋaneɀuru ɀinegumi.

¹²Ʋana ʋaJuda ʋakatapa ʋaneɀuru ɀinegumi ʋari ʋapenyu, ʋakaenda naʋo pamsoro peɗombo, ʋakaʋakandira pasi paɗombo, ʋakavunikanya ʋose.

¹³Asi ʋarume ʋehondo ʋakaŋga ʋadzoswa naAmazia, kuti ʋarege kundorwa naye, ʋakandowira maguta aJuda, kubva paSamaria kuȿikira paBeti‐horoni, ʋakaʋuraya ʋanhu ʋaneɀuru ɀitatu kwaʋari, ʋakapambara ɀizhinji.

¹⁴Ɀino Amazia wakati acidzoka pakuʋuraya ʋaEdomi, akaʋuya naʋamŋari ʋaʋana ʋaSeiri, akaʋaita ʋamŋari ʋake, akaʋafugamira, nokuʋapisira ɀinonhuwira.

¹⁵Saka Jehova wakatsamŋira Amazia, akatuma muprofita kwaari; iye akati kwaari: Wakabvunzireiko ʋamŋari ʋaʋanhu ʋakakoniwa kurwira ʋanhu ʋaʋo pamaʋoko ako?

¹⁶Ɀino wakati acataura naye, mambo akati kwaari: Takakuita gurukota ramambo here? Nyarara, ucaʋurayirweiko? Ipapo muprofita akanyarara, asi wakati: Ndinoziʋa kuti Mŋari unofuŋga kukuparadza, nokuti wakaita iɀoɀi, ukasaterera ɀandakakuraira.

¹⁷Ipapo Amazia mambo waJuda akatȿaka zano, akatuma kunaJoashi mŋanakomana waJehoahazi, mŋanakomana waJehu, mambo waIsraeri, akati: Ʋuya, tirwe.

¹⁸Joashi mambo waIsraeri akatuma shoko kunaAmazia mambo waJuda, akati: Rukato rwakaŋga ruri paRebanoni rwakatuma shoko kumusidari wakaŋga uri paRebanoni, rukati: Ipa mŋanakomana waŋgu mukunda wako aʋe mukadzi wake; ɀino imŋe mhuka yakaŋga iri paRebanoni ikapfuʋura’po, ikatsika‐tsika rukato.

¹⁹Iwe unoti: Tarira wakunda Edomi; ɀino mŋoyo wako waʋa namanyawi, woɀikudza; gara hako ɀino kumusha kwako; nokuti ucatȿakireiko njodzi, uwire’mo, iwe naJuda pamŋe cete newe?

²⁰Asi Amazia wakaramba kunzwa; nokuti ɀakaŋga ɀicibva kunaMŋari, kuti aʋaise mumaʋoko aʋaʋeŋgi ʋaʋo; nokuti ʋakaŋga ʋateʋera ʋamŋari ʋaEdomi.

²¹Naiɀoɀo Joashi mambo waIsraeri akaenda; iye naAmazia mambo waJuda ʋakarwa paBeti‐shemeshi riri paJuda.

²²Juda ʋakakundwa naIsraeri, mumŋe nomumŋe akatizira kutente rake.

²³Joashi mambo waIsraeri akasuŋga Amazia mambo waJuda, mŋanakomana waJoashi, mŋanakomana waJehoahazi, paBeti‐shemeshi, akaenda naye Jerusarema, akaputsa ruȿiŋgo rweJerusarema, kubva pasuʋo raEfraimi kusikira pasuʋo rapakona, makubiti anamazana manna.[13]

²⁴Akatora ndarama yose nesirveri, nemidziyo yose yakawanikwa mumba maMŋari kunaObedi‐edomi, nefuma yomumba mamambo, naʋanhu kuzoʋa ruɓatso, akadzokera Samaria.

²⁵Ɀino Amazia mŋanakomana waJoashi mambo waJuda wakagara ari mupenyu makore anegumi namashanu shure kwokufa kwaJoashi mŋanakomana waJehoahazi mambo waIsraeri.

²⁶Ɀino mamŋe maɓasa aAmazia, okutaŋga nookupedzisira, tarirai, haana‐kunyorwa here mubuku yamadzimambo aJuda naIsraeri?

²⁷Ɀino kubva paŋguʋa yakarega Amazia kuteʋera Jehova, ʋakamuraŋgana, ʋakamumukira paJerusarema; iye ndokutizira Rakishi; asi ʋakatuma ʋanhu Rakishi ʋacimuteʋera, ʋakamuʋurayira’po.

²⁸Ʋakaʋuya naye pamabiza, ʋakamuʋiga kumadziɓaɓa ake muguta raJuda.