Read Original Shona Union Bible 1949 Baiberi Magwaro Matȿene aMŋari II Makoronike 28 Bible Online

II Makoronike 28 - Original Shona Union Bible 1949 Baiberi Magwaro Matȿene aMŋari bible

II Makoronike 28

¹Ahazi wakaŋga anamakore makumi maʋiri pakutaŋga kwake kuɓata ʋushe; akaɓata ʋushe paJerusarema makore anegumi namatanhatu; asi haana‐kuita ɀakarurama pamberi paJehova, saɓaɓa ʋake Davidi;

²asi wakafamba nenzira dzamadziɓaɓa aIsraeri, akaitira ʋaBaari ʋo ɀifananidzo ɀendarira yakanyauswa.

³Ʋuye wakapisa ʋo ɀinonhuwira pamupata womŋanakomana waHinomi, akapisa ʋana ʋake mumŋoto, seɀainyaŋgadza ɀaʋahedeni, ʋakaŋga ʋadziŋgwa naJehova pamberi paʋana ʋaIsraeri.

⁴Akaɓayira nokupisa ɀinonhuwira pamatunhu akakwirira, napaɀikomo, napasi pemiti yose mitema.

⁵Saka Jehova Mŋari wake wakamuisa muruʋoko rwamambo weSiria; ʋakamukunda, ʋakaenda naʋanhu ʋake ʋazhinji ʋakatapxa, ʋakandoʋaisa Damasko. Naiye amene wakaiswa muruʋoko rwamambo waIsraeri, wakamukunda, akaʋuraya ʋazhinji‐zhinji.

⁶Nokuti Peka mŋanakomana waRemaria wakaʋuraya paJuda ʋanhu ʋaneɀuru ɀinezana namakumi maʋiri pazuʋa rimŋe; ʋose ʋari ʋarume ʋoʋumhare; nokuti ʋakaŋga ʋasiya Jehova Mŋari wamadziɓaɓa aʋo.

⁷Zikri murume waEfraimi, wakaŋga anesimba, akaʋuraya Maaseya mŋanakomana wamambo, naAzrikami mutariri weimba, naErkana mukuru kuteʋera mambo.

⁸Ʋana ʋaIsraeri ʋakatapa pakati pehama dzaʋo ʋanhu ʋaneɀuru ɀinamazana maʋiri, ʋakadzi, naʋanakomana, naʋanasikana, ʋakapamba ʋo ɀizhinji kwaʋari; ʋakandoisa Samaria iɀo ɀakapambga.

⁹Asi kwakaŋga kunomuprofita waJehova, wainzi Odedi; iye akaenda kundosoŋgana nehondo yakaŋga yoʋuya Samaria, akati kwaʋari: Jehova Mŋari wamadziɓaɓa enyu wakaŋga atsamŋira ʋaJuda, saka wakaʋaisa mumaʋoko enyu, mukaʋaʋuraya nehasha dzakaȿikira kuɗeŋga.

¹⁰Ɀino munoti mucamanikidza ʋana ʋaJuda naʋeJerusarema, ʋaʋe ʋatapxa ʋenyu ʋaranda naʋarandakadzi; ko imi hamunemhoȿa ʋo mumene pamberi paJehova Mŋari wenyu here?

¹¹Naiɀoɀo ɀino cindinzwai, mudzose ʋatapxa ʋamakatapa pakati pehama dzenyu; nokuti Jehova wakutsamŋirai kwaɀo.

¹²Ipapo ʋamŋe ʋakuru ʋaʋana ʋaEfraimi, ʋaiti Azaria mŋanakomana waJohanani, naBerekia mŋanakomana waMeshiremoti, naJehizkia mŋanakomana waSharumi, naAmasa mŋanakomana waHadrai, ʋakadziʋisa aʋo ʋabva pakurwa,

¹³ʋakati kwaʋari: Hamuŋgapindi pano naʋatapxa, nokuti munoʋaʋarira kuita cinhu cicatiparisa mhaka panaJehova, mugowedzera paɀiʋi ɀeɗu nemhoȿa yeɗu; nokuti mhoȿa yeɗu ihuru, ʋaIsraeri ʋatsamŋirwa kwaɀo naJehova.

¹⁴Ipapo ʋarwi ʋakasiya ʋatapxa neɀakapambga kumacinda neʋuŋgano yose.

¹⁵Ɀino aʋa ʋarume ʋarebga mazita aʋo, ʋakasimuka, ʋakatora ʋatapxa, ʋakafukidza ʋose ʋakaŋga ʋakashama pakati paʋo neɀakapambga, ʋakaʋapfekedza nokuʋaisa shaŋgu, ndokuʋapa ɀokudya neɀokunwa, ʋakaʋazodza, ʋakataȿisa ʋose ʋakaŋga ʋasinesimba pamboŋgoro, ʋakaʋaisa Jeriko, guta remicindwe, kuhama dzaʋo; ipapo ʋakadzokera Samaria.

¹⁶Paŋguʋa iyo mambo Ahazi akatuma shoko kumadziɓaɓa aAsiria, kuti ʋamuɓatsire.

¹⁷Nokuti ʋaEdomi ʋakaŋga ʋaȿika ɀe, ʋakakunda ʋaJuda ʋakatapa ʋatapxa.

¹⁸NaʋaFiristia ʋo ʋakaŋga ʋaʋamba maguta amapani, naaiʋa kurutiʋi rwezasi rwaJuda, ʋakakunda Beti‐shemeshi, neAijaroni, neGederoti, neSoko, nemisha yawo, neTimna, nemisha yaro, neGimzo nemisha yaro; ʋakagara’po.

¹⁹Nokuti Jehova wakaninipisa ʋaJuda nokuɗa kwaAhazi mambo waIsraeri; nokuti wakaŋga aita ɀakaipa paJuda, akatadzira Jehova kwaɀo.

²⁰Ɀino Tirgati‐pirineseri mambo weAsiria akaʋuya kuzorwa naye, akamumanikidza, asi haana‐kumukunda.

²¹Nokuti Ahazi wakatora mugoʋe wefuma paimba yeJehova, napaimba yamambo, neyamacinda, akaɀipa mambo weAsiria; asi haɀina‐kumuɓatsira.

²²Asi paŋguʋa yokutambudzika kwake, wakanyanya kutadzira Jehova, iye mambo Ahazi.

²³Nokuti wakaɓayira ʋamŋari ʋeDamasko, ʋakaŋga ʋamukunda, akati: Ʋamŋari ʋamadzimambo aSiria ɀaʋanoʋaɓatsira, ini ndicaʋaɓayira ʋo, kuti ʋandiɓatsire ʋo. Asi iʋo ʋakamuparadza iye naʋaIsraeri ʋose pamŋe cete naye.

²⁴Ɀino Ahazi akaʋuŋganidza midziyo yeimba yaMŋari, akaputsanya midziyo yeimba yaMŋari, akapfiga mikoʋa yeimba yaJehova; akaɀiitira artari pose‐pose paJerusarema.

²⁵Akaita ʋo matunhu akakwirira paguta rimŋe nerimŋe raJuda kuzopisira ʋamŋe ʋamŋari ɀinonhuwira ipapo, akatsamŋisa Jehova Mŋari wamadziɓaɓa ake.

²⁶Ɀino mamŋe maɓasa ake, netsika dzake dzose, dzokutaŋga nedzokupedzisira, tarirai ɀakanyorwa mubuku yamadzimambo aJuda naIsraeri.

²⁷Ahazi akaʋata namadziɓaɓa ake, ʋakamuʋiga muguta, imo muJerusarema; nokuti haʋanakumuisa pamarinda amadzimambo aIsraeri; Hezekia mŋanakomana wake akamuteʋera paʋushe.