Read Original Shona Union Bible 1949 Baiberi Magwaro Matȿene aMŋari II Makoronike 29 Bible Online

II Makoronike 29 - Original Shona Union Bible 1949 Baiberi Magwaro Matȿene aMŋari bible

II Makoronike 29

¹Hezekia wakataŋga kuɓata ʋushe aȿika makore makumi maʋiri namashanu; akaɓata ʋushe paJerusarema makore makumi maʋiri namapfumbamŋe; zita ramai ʋake rakaŋga riri Abija mukunda waZekaria.

²Akaita ɀakarurama pamberi paJehova seɀose ɀakaita ɓaɓa ʋake Davidi.

³Pagore rokutaŋga rokuɓata kwake ʋushe, nomŋedzi wokutaŋga, akazarura mikoʋa yeimba yaJehova, akaigadzira.

⁴Akapinza ʋaprista naʋaRevi, akaʋaʋuŋganidza paɗare pamabvazuʋa,

⁵akati kwaʋari: Cindinzwai, imi ʋaRevi; ciɀinatsai ɀino, munatse ʋo imba yaJehova Mŋari wamadziɓaɓa enyu; mutakurire kunze tȿina yose iri munɀimbo tȿene.

⁶Nokuti madziɓaɓa eɗu akaɗarika, ʋakaita ɀakaipa pamberi paJehova Mŋari weɗu, ʋakamusiya, ʋakarega kutarira kuʋugaro bgaJehova, ndokumufuratira.

⁷Ʋakapfiga ʋo mikoʋa yeɓiraʋira, nokudzima mŋenje; haʋana‐kupisira ɀinonhuwira, kana kuɓayira Mŋari waIsraeri ɀipiriso ɀinopiswa panɀimbo tȿene.

⁸Saka Jehova wakatsamŋira ʋaJuda neJerusarema, akaʋaita cityiso necishamiso, cinoridzirwa muridzo, seɀamunoʋona nameso enyu.

⁹Nokuti tarirai, madziɓaɓa eɗu akaparadzwa nomunondo; ʋanakomana ʋeɗu naʋanasikana ʋeɗu naʋakadzi ʋeɗu ʋakatapxa nokuɗa kwaiɀoɀi.

¹⁰Ɀino mŋoyo waŋgu unoɗa kuita suŋgano naJehova Mŋari waIsraeri, kuti kutsamŋa kwake kukuru kubviswe kwatiri.

¹¹Ʋanakomana ʋaŋgu, regai kuʋa ʋanhu ʋasinehanya ɀino, nokuti Jehova wakakutsaurai kuti mumire pamberi pake, mumuɓatirei, nokuʋa ʋaɓatiri ʋake, nokumupisira ɀinonhuwira.

¹²Ipapo ʋaRevi ʋakasimuka, Mahati mŋanakomana waAmasai, naJoeri mŋanakomana waAzaria pakati paʋanakomana ʋaʋaKohati; napakati paʋanakomana ʋaMerari, Kishi mŋanakomana waAbdi, naAzaria mŋanakomana waJeharereri; napakati paʋaGershoni, Joa mŋanakomana waZimma, naEdeni mŋanakomana waJoa;

¹³napakati paʋanakomana ʋaErizafani, Shimri naJeueri; napakati paʋanakomana ʋaAsafi, Zekaria naMatania;

¹⁴napakati paʋanakomana ʋaHemani, Jehueri naShimei; napakati paʋanakomana ʋaJedutuni, Shemaya naUzieri.

¹⁵Iʋo ʋakaʋuŋganidza hama dzaʋo, ʋakaɀinatsa, ʋakapinda seɀaʋakarairwa namambo namashoko aJehova, kuti ʋanatse imba yaJehova.

¹⁶Ʋaprista ʋakapinda mukati meimba yaJehova, kuti ʋainatse, ʋakaɓuɗisa marara ose aʋakawana mutembere yaJehova kuruʋazhe rweimba yaJehova. ƲaRevi ʋakaatora, ndokuatakurira kunze kurukoʋa Kidroni.

¹⁷Ʋakataŋga kunatsa nezuʋa rokutaŋga romŋedzi wokutaŋga, ʋakaȿika paɓiraʋira raJehova nezuʋa rorusere romŋedzi; ʋakanatsa imba yaJehova namazuʋa masere; ʋakapedzisa nezuʋa regumi namatanhatu romŋedzi wokutaŋga.

¹⁸Ipapo ʋakapinda kunamambo Hezekia mukati meimba yamambo, ʋakati: Tanatsa imba yose yaJehova, neartari yeɀipiriso ɀinopiswa, nenhumbi dzayo dzose, netafura yeɀiŋgwa ɀokuratidza, nenhumbi dzayo dzose.

¹⁹Ʋuye nhumbi dzose dzakarashwa namambo Ahazi pakuɗarika kwake ŋguʋa yaakaɓata ʋushe, tadzigadzira nokudzinatsa; tarirai, dziri pamberi peartari yaJehova.

²⁰Ɀino mambo Hezekia akamuka maŋgwanani, akaʋuŋganidza macinda eguta, akaenda kumba kwaJehova.

²¹Ʋakaʋuya nenzombe nomŋe, namakondobge manomŋe, namakwaiana manomŋe, nenhoŋgo dzembudzi nomŋe, ciʋe cipiriso ceɀiʋi coʋushe neimba tȿene naʋaJuda. Akaraira ʋaprista iʋo ʋanakomana ʋaAroni, kuti ʋaɀiɓayire paartari yaJehova.

²²Ipapo ʋakaʋuraya nzombe, ʋaprista ʋakaciŋga ropa, ndokurisasa paartari; ʋakaʋuraya makondobge, ʋakasasa ropa paartari; ʋakaʋuraya ʋo makwaiana, ʋakasasa ropa paartari.

²³Ʋakasweɗedza ʋo nhoŋgo dzembudzi, ciʋe cipiriso ceɀiʋi pamberi pamambo neʋuŋgano, ʋakaisa maʋoko aʋo pamsoro padzo;

²⁴ʋaprista ʋakadziʋuraya, ʋakaita cipiriso ceɀiʋi neropa radzo paartari, kuti ʋayananisire ʋaIsraeri ʋose; nokuti mambo wakaraira kuti ʋaIsraeri ʋose ʋapisirwe cipiriso cinopiswa necipiriso ceɀiʋi.

²⁵Akaisa ʋaRevi mumba maJehova, ʋanamakandira, nemiteŋgeranwa, nembira, seɀaʋakarairwa naDavidi, ʋuye nomuʋoni wamambo Gad, ʋuye nomuprofita Natania; nokuti wakaŋga ari Jehova wakaraira naʋaprofita ʋake.

²⁶ƲaRevi ʋakamira neɀokuridza ɀaDavidi, naʋaprista ʋanehwamanda.

²⁷Hezekia akaraira kuti ʋaɓayire cipiriso cinopiswa paartari. Ɀino cipiriso cinopiswa cakati cicitaŋga kupiswa, rwiyo rwaJehova ndokutaŋga ʋo, ʋuye hwamanda pamŋe cete neɀokuridza ɀaDavidi mambo waIsraeri.

²⁸Ʋuŋgano yose ndokunamata, ʋaimbi ʋakaimba, naʋaridzi ʋehwamanda ʋakaridza; iɀoɀi ɀose ɀikaramba ɀiciitwa kuȿikira cipiriso cinopiswa capera.

²⁹Ɀino ʋakati ʋapedza kupisira, mambo naʋose ʋakaŋga ʋari’po naye ʋakakotamira pasi, ʋakanamata.

³⁰Mambo Hezekia namacinda ʋakaraira ʋo ʋaRevi kuimbira Jehova ʋacimukudza namashoko aDavidi nomuʋoni Asafi. Ʋakaimba nziyo dzokukudza nomufaro, ʋakakotamisa misoro yaʋo ʋakanamata.

³¹Ipapo Hezekia akapindura, akati: Ɀino ɀamaɀitsaurira Jehova, sweɗerai muʋuye neɀiɓayiro neɀipiriso ɀokuʋoŋga naɀo mumba maJehova. Ʋuŋgano ndokuʋuya neɀiɓayiro neɀipiriso ɀokuʋoŋga; ʋose, ʋakaŋga ʋanomŋoyo unoɗa, ʋakaʋuya neɀipiriso ɀinopiswa.

³²Ɀipiriso ɀinopiswa, ɀakaʋuyiswa neʋuŋgano, ɀakaȿika nzombe dzinamakumi manomŋe, namakondobge anezana, namakwaiana anamazana maʋiri pakuwanda kwaɀo; iɀi ɀose cakaŋga ciri cipiriso cokupisira Jehova.

³³Ɀinhu ɀakatsaurirwa Jehova ɀakaȿika nzombe dzinamazana matanhatu, namakwai aneɀuru ɀitatu.

³⁴Asi ʋaprista ʋakaŋga ʋasiŋgariŋgani, ʋakakoniwa kuviya ɀipiriso ɀose ɀinopiswa; saka ʋaRevi hama dzaʋo, ʋakaʋaɓatsira, kuȿikira ɓasa rapera, ʋuye kuȿikira ʋaprista ʋaɀinatsa; nokuti mŋoyo yaʋaRevi yakaŋga yakarurama pakuɀinatsa kupfuʋura ʋaprista.

³⁵Ɀipiriso ɀinopiswa ɀakaŋga ɀakawanda ʋo kwaɀo, namafuta eɀipiriso ɀokuyananisa, neɀipiriso ɀaiɗururwa ɀecipiriso cimŋe necimŋe caipiswa. Naiɀoɀo ɓasa reimba yaJehova rakagadzirwa.

³⁶Ipapo Hezekia akafara, naʋanhu ʋose, nokuɗa kweɀose ɀakaŋga ɀagadzirirwa ʋanhu naMŋari; nokuti cinhu ici cakaitwa nokucimbidzika.