Read Original Shona Union Bible 1949 Baiberi Magwaro Matȿene aMŋari II Makoronike 3 Bible Online

II Makoronike 3 - Original Shona Union Bible 1949 Baiberi Magwaro Matȿene aMŋari bible

II Makoronike 3

¹Ipapo Soromoni akataŋga kuʋaka imba yaJehova paJerusarema pagomo reMoria, pakaŋga paɀiratidza Jehova kunaDavidi ɓaɓa ʋake, akagadzira ipapo pakaŋga parairwa naDavidi paɓuriro raOrnani muJebusi.

²Wakataŋga kuʋaka pazuʋa repiri romŋedzi wecipiri, negore recinna rokuɓata kwake ʋushe.

³Ɀino ndidzo nheyo dzakaʋambga naSoromoni pakuʋaka imba yaMŋari: kureɓa kwayo, kana ʋacienzanisa namakubiti[5] akare, makubiti anamakumi matanhatu, noʋupamhi makubiti makumi maʋiri.

⁴Ƃiraʋira, raiʋa pamberi peimba, kureɓa kwaro kwakaŋga kwakafanana noʋupamhi bgeimba, makubiti makumi maʋiri, nokukwirira kwaro makubiti anezana namakumi maʋiri; akaifukidza necomukati nendarama yakaiȿo‐naka.

⁵Akafukidza imba huru namatanda omusipresi, akafukidzwa nendarama yakaiȿo‐naka, akaʋezera pamsoro pawo micindwe namaketani.

⁶Akashoŋgedza imba ʋukomba bgamabge anokosha; ndarama yakaŋga iri ndarama yeParvaimi.

⁷Akafukidza ʋo imba nendarama, namatanda ayo, neɀikumbaridzo ɀayo, namadziro ayo, namagonhi ayo; akaʋeza makerubi pamadziro.

⁸Akaʋaka ʋo imba tȿene‐tȿene; kureɓa kwayo kwakaŋga kwakafanana noʋupamhi bgeimba, makubiti anamakumi maʋiri, noʋupamhi bgayo makubiti anamakumi maʋiri; akaifukidza nendarama yakaiȿo‐naka yakaȿika matarenta mazana matanhatu.[6]

⁹Kurema kwembambo kwakaȿika mashekeri endarama anamakumi mashanu.[7] Akafukidza makamuri okumsoro nendarama.

¹⁰Paimba tȿene‐tȿene akaita makerubi maʋiri ɀiri ɀifananidzo ɀakaʋezwa; akaafukidza nendarama.

¹¹Mapapiro amakerubi akaȿika makubiti anamakumi maʋiri pakureɓa kwawo; ɓapiro rerimŋe rakaŋga rinamakubiti mashanu, riciȿika kumadziro eimba; nerimŋe ɓapiro ʋo rakaŋga rinamakubiti mashanu, riciȿika kuɓapiro rerimŋe kerubi.

¹²Neɓapiro rerimŋe kerubi rakaŋga rinamakubiti mashanu, riciȿika kumadziro eimba; nerimŋe ɓapiro ʋo rakaŋga rinamakubiti mashanu, riciɓatana neɓapiro rerimŋe kerubi.

¹³Mapapiro amakerubi awa akaŋga akatambanudzwa, akaȿika makubiti makumi maʋiri; akaŋga amire namakumbo awo, ɀiso ɀawo ɀakariŋgira kumba.

¹⁴Akaita ʋo cidzitiro neɀakarukwa ɀitema, neɀishaʋa, neɀitȿuku, nomuceka wakaiȿo‐naka; akasonera’po makerubi.

¹⁵Akaita ʋo pamberi peimba mbiru mbiri; kukwirira kwadzo kwakaȿika makubiti anamakumi matatu namashanu, nomusoro wakaŋga uri pamsoro peimŋe neimŋe wakaȿika makubiti mashanu.

¹⁶Akaita ʋo maketani panɀimbo tȿene, akaaisa pamisoro yembiru; akaita matamba anezana, akaaisa pamaketani.

¹⁷Akamisa mbiru mbiri pamberi petembere, imŋe kurudyi, imŋe kuruɓoshwe; yokurudyi akaitumidza zita rinonzi Jakini, neyokuruɓoshwe akaitumidza Boazi.