Read Original Shona Union Bible 1949 Baiberi Magwaro Matȿene aMŋari II Makoronike 30 Bible Online

II Makoronike 30 - Original Shona Union Bible 1949 Baiberi Magwaro Matȿene aMŋari bible

II Makoronike 30

¹Ɀino Hezekia wakatuma nhume kuʋaIsraeri nokuʋaJuda ʋose, akanyora ʋo ŋwadi kuʋaEfraimi naʋaManase, kuti ʋaʋuye kuimba yaJehova paJerusarema, kuzoitira Jehova Mŋari waʋaIsraeri paseka.

²Nokuti mambo namacinda ake, neʋuŋgano yose paJerusarema ʋakaŋga ʋaraŋgana kuita paseka nomŋedzi wecipiri.

³Nokuti ʋakaŋga ʋasiŋgagoni kuiita neŋguʋa iyo, nokuti ʋaprista, ʋakanatswa, ʋakaŋga ʋasiŋgariŋgani, naʋanhu ʋo ʋakaŋga ʋasina‐kuʋuŋgana paJerusarema.

⁴Ɀino cinhu ici cakaŋga cakarurama pamberi pamambo neʋuŋgano yose.

⁵Naiɀoɀo ʋakasimbisa cireʋo, ʋakaziʋisa pakati paIsraeri pose, kubva paBeeri‐sheba kuȿikira paDani, kuti ʋanhu ʋaʋuye kuzoitira Jehova Mŋari waʋaIsraeri paseka paJerusarema; nokuti ʋakaŋga ʋasina‐kuiita ŋguʋa huru, seɀakaŋga ɀakanyorwa.

⁶Ipapo nhume dzakamhanya dzikaenda neŋwadi dzamambo namacinda ake pakati paʋaIsraeri ʋose naʋaJuda, seɀaʋakaŋga ʋarairwa namambo, ʋakati: Imi ʋana ʋaIsraeri, dzokerai ɀe kunaJehova Mŋari waAbrahama, naIsaka, naIsraeri, kuti iye adzokere ɀe kunaʋakasara pakati penyu, ʋakapukunyuka pamaʋoko amadzimambo eAsiria.

⁷Regai kuʋa samadziɓaɓa enyu, nehama dzenyu, ʋakaɗarika mirairo yaJehova Mŋari wamadziɓaɓa enyu, iye akazoʋaita cishamiso, seɀamunoʋona.

⁸Regai kuʋa nemitsipa mikukutu, seɀakaŋga ɀakaita madziɓaɓa enyu; ɓatai ruʋoko rwaJehova, mupinde paimba yake tȿene, yaakanatsa nokusiŋgaperi, mushumire Jehova Mŋari wenyu, kuti kutsamŋa kwake kubviswe kwamuri.

⁹Nokuti kana imi mukadzokera kunaJehova, hama dzenyu naʋana ʋenyu ʋacanzwirwa tsitsi naʋatapi ʋaʋo, ʋagodzokera ɀe kunyika ino; nokuti Jehova Mŋari wenyu uneŋgoni nenyasha; haaŋgafuratidzi ciso cake kwamuri, kana mukadzokera kwaari.

¹⁰Naiɀoɀo nhume dzakamhanya dzikapota pamaguta ose panyika yose yaEfraimi naManase, kuȿikira paZeburuni; asi ʋakaʋaseka, nokuʋaɗaɗira.

¹¹Asi ʋamŋe ʋaʋaAsheri naʋaManase naʋaZeburuni, ʋakaɀininipisa, ʋakaenda Jerusarema.

¹²NapaJuda ʋo ruʋoko rwaMŋari rwakaʋapa mŋoyo mumŋe, kuti ʋaterere murairo wamambo namacinda neshoko raJehova.

¹³Ipapo ʋanhu ʋazhinji ʋakaʋuŋgana paJerusarema, kuzoita mutambo weɀiŋgwa ɀisina‐kuʋiriswa nomŋedzi wecipiri, ikaita ʋuŋgano huru kwaɀo.

¹⁴Ʋakasimuka, ndokubvisa artari dzaiʋa paJerusarema, ʋakabvisa ʋo artari dzose dzeɀinonhuwira, ʋakadzikandira murukoʋa Kidroni.

¹⁵Ipapo ʋakaʋuraya gwaiana repaseka pazuʋa regumi namanna romŋedzi wecipiri; ʋaprista naʋaRevi ʋakanyara, ʋakaɀinatsa, ʋakaʋuya neɀipiriso ɀinopiswa mumba maJehova.

¹⁶Ʋakamira panɀimbo yaʋo seɀaʋakarairwa nomurairo waMosesi, iye munhu waMŋari; ʋaprista ʋakasasa ropa raʋakatora pamaʋoko aʋaRevi.

¹⁷Nokuti ʋazhinji ʋaiʋa’po paʋuŋgano ʋakaŋga ʋasina‐kuɀinatsa; saka ʋaRevi ʋaiʋa neɓasa rokuʋurayira ʋose, ʋakaŋga ʋasina‐kunatswa, makwaiana epaseka yaʋo, kuti ʋaʋanatsire Jehova.

¹⁸Nokuti ʋanhu ʋazhinji‐zhinji ʋaEfraimi naʋaManase, naʋaIsakari naʋaZeburuni, ʋakaŋga ʋasina‐kuɀinatsa; kunyaŋge ɀakaɗaro ʋakadya paseka nomutoʋo wakapesana nowakanyorwa. Nokuti Hezekia wakaŋga aʋanyeŋgeterera, aciti: Jehova wakanaka ŋgaakaŋganwire mumŋe nomumŋe,

¹⁹unoshiŋgaira nomŋoyo wake kutȿaka Mŋari, Jehova, Mŋari waɓaɓa ʋake, kunyaŋge asina‐kunatswa nomutoʋo wokunatswa kwenɀimbo tȿene.

²⁰Jehova akanzwa Hezekia, akaporesa ʋanhu.

²¹Ɀino ʋana ʋaIsraeri, ʋaiʋa paJerusarema, ʋakaita mutambo weɀiŋgwa ɀisina‐kuʋiriswa nomufaro mukuru mazuʋa manomŋe; ʋaRevi naʋaprista ʋakarumbidza Jehova zuʋa rimŋe nerimŋe, ʋaciridzira Jehova neɀokuridzisa ɀainzwika kure.

²²Hezekia akataura noʋunyoro naʋaRevi ʋose ʋaigona kuɓatira Jehova ɀakanaka. Naiɀoɀo ʋakadya pamutambo mazuʋa manomŋe, ʋakaɓayira ɀiɓayiro ɀeɀipiriso ɀokuyananisa, ʋaciɀireʋurura kunaJehova Mŋari wamadziɓaɓa aʋo.

²³Ɀino ʋuŋgano yose yakaraŋgana kuita mamŋe mazuʋa manomŋe ɀe; ʋakaita mazuʋa manomŋe ɀe nomufaro.

²⁴Nokuti Hezekia mambo waJuda wakapa ʋuŋgano nzombe dzinecuru cimŋe, namakwai aneɀuru ɀinomŋe, kuti ʋaɓayire naɀo; namacinda ʋo akapa ʋuŋgano nzombe dzinecuru cimŋe, namakwai aneɀuru ɀinegumi; ʋaprista ʋazhinji‐zhinji ʋakaɀinatsa.

²⁵Ipapo ʋuŋgano yose yaJuda, pamŋe cete naʋaprista naʋaRevi, neʋuŋgano yose yakabva pakati paIsraeri, naʋatorwa ʋakabva panyika yaIsraeri, naʋakaŋga ʋagere paJuda, ʋakafara ʋose.

²⁶Naiɀoɀo mufaro mukuru ukaʋa’po paJerusarema; nokuti kubva paŋguʋa yaSoromoni mŋanakomana waDavidi, mambo waIsraeri, hakuna‐kuitwa ɀakaɗaro paJerusarema.

²⁷Ipapo ʋaprista ʋaRevi ʋakasimuka, ʋakaropafadza ʋanhu; manzwi aʋo akanzwika, nokunyeŋgetera kwaʋo kukaȿika kuʋugaro bgake ʋutȿene iko kuɗeŋga.