Read Original Shona Union Bible 1949 Baiberi Magwaro Matȿene aMŋari II Makoronike 34 Bible Online

II Makoronike 34 - Original Shona Union Bible 1949 Baiberi Magwaro Matȿene aMŋari bible

II Makoronike 34

¹Josia wakataŋga kuɓata ʋushe aʋa namakore masere; akaɓata ʋushe paJerusarema makore anamakumi matatu nerimŋe.

²Akaita ɀakarurama pamberi paJehova, akafamba nenzira yaɓaɓa ʋake Davidi, haana‐kutsaukira kurudyi kana kuruɓoshwe.

³Nokuti pagore rorusere rokuɓata kwake ʋushe, aciri muɗuku, wakataŋga kutȿaka Mŋari waDavidi ɓaɓa ʋake; ɀino pagore regumi namaʋiri akataŋga kunatsa Juda neJerusarema, acibʋisa matunhu akakwirira, namatanda okunamata nawo nemifananidzo yakaʋezwa, nemifananidzo yakaʋumbga.

⁴Ʋakakoromora artari dzaʋaBaari, iye ari’po; akatema mifananidzo yezuʋa yakaŋga yakaitwa pamsoro padzo; akaputsanya matanda okunamata nawo, nemifananidzo yakaʋezwa, nemifananidzo yakaʋumbga, akaɀikuya ɀikaita guruʋa, akarisasa pamarinda aʋaiɀiɓayira.

⁵Akapisa mafupa aʋaprista paartari dzaʋo, akanatsa Juda neJerusarema.

⁶Akaita ʋo saiɀoɀo pamaguta aManase naEfraimi naSimeoni, kuȿikira paNaftari, pamatoŋgo awo.

⁷Akaputsa artari, akakuya matanda okunamata nawo nemifananidzo yakaʋezwa ɀikaita guruʋa, akatema mifananidzo yose yezuʋa panyika yose yaIsraeri, ndokudzokera Jerusarema.

⁸Ɀino pagore regumi namasere rokuɓata kwake ʋushe, wakati anatsa nyika neimba, ndokutuma Shafani mŋanakomana waAzaria, naMaaseya, muɓati weguta, naJoa mŋanakomana waJoahazi, sahwira, kundogadzira imba yaJehova Mŋari wake.

⁹Ʋakaȿika kunaHirkia muprista mukuru, ʋakamupa mari yakaŋga yaiswa muimba yaMŋari, yakaŋga yaʋuŋganidzwa naʋaRevi, ʋatariri ʋemikoʋa, pakati paManase naEfraimi, naʋose ʋakasara ʋaʋaIsraeri naʋaJuda ʋose, naʋaBenjamini, naʋakaŋga ʋagere Jerusarema.

¹⁰Ʋakaipa pamaʋoko aʋaɓati ʋakaŋga ʋacitarira imba yaJehova, naʋaɓati ʋakaŋga ʋaciɓata mumba maJehova, ʋakairipa kuzoʋandudza nokugadzirisa imba;

¹¹ʋakaipa ʋaʋezi naʋaʋaki, kuti ʋateŋge mabge akaʋezwa namatanda okuɓatanidza, nokuita mapaŋgo edzimba dzakaŋga dzaparadzwa namadzimambo aJuda.

¹²Ʋanhu aʋo ʋakaɓate‐ɓasa nokutendeka; ʋatariri ʋaʋo ʋaiʋa Jahati naObadia, ʋaRevi ʋaʋanakomana ʋaMerari, naZekaria, naMeshurami, ʋaʋanakomana ʋaKohati, kuzoraira ɓasa; naʋamŋe ʋaRevi, ʋose ʋaiziʋa kuridza ɀinoridzwa.

¹³Iʋo ʋaitarira ʋo ʋatakuri ʋemitoro, ʋakaraira ʋo ʋose ʋaiɓata maɓasa amarudzi ose; pakati paʋaRevi pakaŋga panaʋanyori, naʋatariri, naʋarindi ʋemikoʋa.

¹⁴Ɀino ʋakati ʋaciɓuɗisa mari yakaŋga yaiswa mumba maJehova, muprista Hirkia ndokuwana buku yomurairo waJehova, wakaŋga wapiwa naMosesi.

¹⁵Hirkia akapindura, akati kunaShafani munyori: Ndawana buku yomurairo mumba maJehova. Hirkia ndokupa buku iyo kunaShafani.

¹⁶Ɀino Shafani akaenda nebuku kunamambo, ʋuye akaenda ʋo neshoko kunamambo, akati: Ɀose ɀakarairwa ʋaranda ʋenyu, ʋanoɀiita.

¹⁷Ʋaɗurura mari yakawanikwa mumba maJehova, ʋakaiisa mumaʋoko aʋatariri, nomumaʋoko aʋaɓati ʋeɓasa.

¹⁸Ɀino Shafani munyori akaʋudza mambo, akati: Muprista Hirkia wandipa buku. Ipapo Shafani akaraʋa’mo pamberi pamambo.

¹⁹Ɀino mambo wakati acinzwa mashoko omurairo, akabvarura ŋguʋo dzake.

²⁰Mambo akaraira Hirkia naAhikami mŋanakomana waShafani, naAbdoni mŋanakomana waMika, naShafani munyori, naAsaya muranda wamambo, akati:

²¹Endai mundondibvunzira Jehova, ini naʋakasara ʋaIsraeri naʋaJuda pamsoro pamashoko ebuku yakawanikwa; nokuti kutsamŋa kwaJehova, kwaɗururwa pamsoro peɗu, kukuru, nokuti madziɓaɓa eɗu haana‐kuceŋgeta shoko raJehova, kuti ʋaite ɀose ɀakanyorwa mubuku iyi.

²²Ipapo Hirkia naʋakaŋga ʋarairwa namambo ʋakaenda kunaHurda muprofitakadzi, mukadzi waSharumi mŋanakomana waTokhati, mŋanakomana waHazra, muceŋgeti weŋguʋo; (ɀino iye wakaŋga agere Jerusarema kurutiʋi rutȿa rweguta;) ʋakataura naye saiɀoɀo.

²³Iye akati kwaʋari: Ɀanzi naJehova Mŋari waIsraeri: Ʋudzai munhu wakakutumai kwandiri, muti:

²⁴Ɀanzi naJehova: Tarirai, ndicaʋuyisa ɀakaipa pamsoro penɀimbo iyi, napamsoro paʋagere’po, iko kutuka kwose kwakanyorwa mubuku iyo yaʋakaraʋa pamberi pamambo waJuda.

²⁵Nokuti ʋakandirasha, ʋakapisira ʋamŋe ʋamŋari ɀinonhuwira, ʋakanditsamŋisa namaɓasa ose amaʋoko aʋo; naiɀoɀo kutsamŋa kwaŋgu kwaɗururwa pamsoro penɀimbo iyi, hakuŋgadzimŋi.

²⁶Asi muti kunamambo waJuda, wakakutumai kuzobvunza Jehova: Ɀanzi naJehova Mŋari waIsraeri: Kana ari mashoko awakanzwa,

²⁷mŋoyo wako ɀawakaŋga uri munyoro, ukaɀininipisa pamberi paMŋari, ŋguʋa yawakanzwa mashoko ake pamsoro penɀimbo iyi, napamsoro paʋagere’mo, ukaɀininipisa pamberi paŋgu, ukabvarura ŋguʋo dzako, ukacema pamberi paŋgu, ɀino ɀanzi naJehova: Ini ndakunzwa ʋo.

²⁸Tarira, ndicakuisa kumadziɓaɓa ako, ucaʋigwa mubgiro bgako nomufaro; meso ako haaŋgaʋoni ɀakaipa ɀose ɀandicaʋuyisa pamsoro penɀimbo iyi, naʋanhu ʋagere’mo. Ʋakadzoka neshoko kunamambo.

²⁹Ipapo mambo akatuma ʋanhu ʋakaʋuŋganidza ʋakuru ʋose ʋaJuda naʋeJerusarema.

³⁰Mambo akakwira kumba kwaJehova, anaʋarume ʋose ʋaJuda, naʋose ʋakaŋga ʋagere Jerusarema, naʋaprista, naʋaRevi, naʋanhu ʋose, ʋakuru naʋaɗuku; akaʋaraʋira mashoko ose ebuku yesuŋgano yakaŋga yawanikwa mumba maJehova.

³¹Mambo akamira panɀimbo yake, akaita suŋgano pamberi paJehova, akaɀisuŋga kuteʋera Jehova, nokuceŋgeta mirairo yake, neɀipupuriro ɀake, neɀaakatema, nomŋoyo wake wose nomŋeya wake wose, kuti aite mashoko esuŋgano akanyorwa mubuku iyi.

³²Akaraira ʋose ʋakaŋga ʋari Jerusarema naBenjamini kuabvumira. Ʋagere Jerusarema ʋakaita seɀakarebga pasuŋgano yaMŋari, iye Mŋari wamadziɓaɓa aʋo.

³³Josia akabvisa ɀakaŋga ɀicinyaŋgadza ɀose panyika dzose dzaiʋa dzaʋana ʋaIsraeri, akaraira ʋose ʋakaŋga ʋari pakati paIsraeri kushumira Mŋari, kushumira iye Jehova Mŋari waʋo. Mazuʋa ake ose haʋana‐kutsauka pakuteʋera Jehova Mŋari wamadziɓaɓa aʋo.