Read Original Shona Union Bible 1949 Baiberi Magwaro Matȿene aMŋari II Makoronike 36 Bible Online

II Makoronike 36 - Original Shona Union Bible 1949 Baiberi Magwaro Matȿene aMŋari bible

II Makoronike 36

¹Ipapo ʋanhu ʋenyika iyo ʋakatora Jehoahazi mŋanakomana waJosia, ʋakamuita mambo panɀimbo yaɓaɓa ʋake paJerusarema.

²Joahazi wakataŋga kuɓata ʋushe aʋa namakore anamakumi maʋiri namatatu, akaɓata ʋushe paJerusarema mŋedzi mitatu.

³Mambo weEgipita akamubvisa paʋushe paJerusarema, akaripisa nyika matarenta esirveri anezana,[17] netarenta rimŋe rendarama.[18]

⁴Mambo weEgipita akagadza Eriyakimi munuŋuna wake aʋe mambo waJuda neJerusarema, akashandura zita rake, rikazoʋa Jehoyakimi. Neko akatora munuŋuna wake Joahazi, akaenda naye Egipita.

⁵Jehoyakimi wakataŋga kuɓata ʋushe aʋa namakore anamakumi maʋiri namashanu; akaɓata ʋushe paJerusarema makore anegumi nerimŋe; akaita ɀakaipa pamberi paJehova Mŋari wake.

⁶Ɀino Nebukadnezari mambo weBabironi akaȿika kuzorwa naye, akamusuŋga namaketani, kundomuisa Babironi.

⁷Nebukadnezari akaenda ʋo nedzimŋe nhumbi dzeimba yaJehova akadziisa Babironi, akadziisa mutembere yake paBabironi.

⁸Ɀino mamŋe maɓasa aJehoyakimi, neɀinonyaŋgadza ɀake ɀaakaita, neɀakawanikwa maari, tarirai ɀakanyorwa mubuku yamadzimambo aIsraeri naJuda; Jehoyakini mŋanakomana wake akamuteʋera paʋushe.

⁹Jehoyakini wakataŋga kuɓata ʋushe aʋa namakore masere, akaɓata ʋushe paJerusarema mŋedzi mitatu namazuʋa anegumi; akaita ɀakaipa pamberi paJehova.

¹⁰Ɀino gore rakati rapera mambo Nebukadnezari akatuma nhume ʋakamuisa Babironi, pamŋe cete nenhumbi dzinokosha dzeimba yaJehova, akaita munuŋuna wake Zedekia mambo waJuda neJerusarema.

¹¹Zedekia wakataŋga kuɓata ʋushe aʋa namakore makumi maʋiri nerimŋe; akaɓata ʋushe paJerusarema makore anegumi nerimŋe.

¹²Akaita ɀakaipa pamberi paJehova Mŋari wake; haana‐kuɀininipisa pamberi pomuprofita Jeremia, waitaura mashoko aibva pamuromo waJehova.

¹³Wakamukira ʋo mambo Nebukadnezari, wakaŋga amupikisa naMŋari; asi wakawomesa mutsipa wake, nokuwomesa mŋoyo wake, akarega kutendeʋukira kunaJehova Mŋari waIsraeri.

¹⁴Ʋuye ʋakuru ʋose ʋaprista naʋanhu ʋakaɗarika ɀikuru kwaɀo, ʋakateʋera ɀinonyaŋgadza ɀose ɀaʋahedeni, ʋakaȿiɓisa imba yaJehova yaakaŋga atsaura paJerusarema.

¹⁵Jehova Mŋari wamadziɓaɓa aʋo akatuma mashoko kwaʋari nenhume dzake, acifumira maŋgwanani acituma; nokuti wakaŋga anetsitsi naʋanhu ʋake ʋuye nenɀimbo yake;

¹⁶asi ʋakaseka nhume dzaMŋari, ʋakaɀidza mashoko ake, ʋakaɗaɗira ʋaprofita ʋake, kuȿikira Jehova atsamŋira ʋanhu ʋake, kuȿikira ʋasicagoni kurapxa.

¹⁷Saka wakaʋuyisa mambo waʋaKardea kwaʋari, akaʋuraya majaya aʋo nomunondo paimba yaʋo tȿene; haana‐kunzwira tsitsi kunyaŋge jaya, kana musikana, kana mutana, kana wakacena vudzi; wakaʋaisa ʋose muruʋoko rwake.

¹⁸Nhumbi dzose ʋo dzeimba yaMŋari, huru neɗuku, nefuma yeimba yaJehova, nefuma yamambo neyamacinda ake, wakaɀiisa ɀose Babironi.

¹⁹Ʋakapisa imba yaMŋari, ʋakaputsa ruȿiŋgo rweJerusarema, ʋakapisa dzimba dzose dzoʋushe dzaro nomŋoto, ʋakaparadza nhumbi dzose dzinokosha dzaro.

²⁰Aʋo ʋakaŋga ʋapukunyuka pamunondo, wakaenda naʋo Babironi; ʋakandoʋa ʋaranda ʋake naʋaʋanakomana ʋake kuȿikira ʋushe ʋuciɓatwa naʋaPersia;

²¹kuti shoko raJehova, rakaŋga rarebga nomuromo waJeremia, riitike; kuȿikira nyika yafarira masaɓata ayo, nokuti paŋguʋa yose yokuparadzwa kwayo yakaceŋgeta masaɓata, ikaȿitsa makore anamakumi manomŋe.

²²Ɀino negore rokutaŋga raKoreshi mambo wePersia, kuti shoko raJehova rakaŋga rarebga nomuromo waJeremia riitike, Jehova wakamutsa mŋeya waKoreshi mambo wePersia, akaparidza paʋushe bgake bgose, akaɀinyora ʋo, aciti:

²³Ɀanzi naKoreshi mambo wePersia: Jehova Mŋari wokuɗeŋga wakandipa ʋushe bgose bgenyika, akandiraira kuti ndimuʋakire imba paJerusarema riri paJuda. Aninani uri’po pakati penyu waʋanhu ʋake, Jehova Mŋari wake ŋgaaʋe naye, ŋgaakwire hake’ko.