Read Original Shona Union Bible 1949 Baiberi Magwaro Matȿene aMŋari II Makoronike 4 Bible Online

II Makoronike 4 - Original Shona Union Bible 1949 Baiberi Magwaro Matȿene aMŋari bible

II Makoronike 4

¹Wakaita ʋo artari yendarira, kureɓa kwayo kwakaŋga kunamakubiti anamakumi maʋiri, noʋupamhi bgayo makubiti anamakumi maʋiri, nokukwirira kwayo anegumi.

²Akaita ʋo dziʋa rendarira yakanyauswa, rakaȿika makubiti anegumi paʋupamhi pamuromo, rakatenderera; nokukwirira kwaro kwakaȿika makubiti mashanu; ʋuye pakuyera rwonzi rwakaȿika makubiti anamakumi matatu rwakaripoteredza.

³Pasi paro pakaŋga paneɀifananidzo ɀenzombe dzakaŋga dzicirikomberedza, ɀiciita gumi pakubiti rimŋe nerimŋe, ɀicipoteredza dziʋa. Nzombe dzakaita misara miʋiri, dzakaʋumbga pamŋe cete naro pakuʋumbga kwaro.

⁴Rakaŋga rimire pamsoro penzombe gumi nembiri, nhatu dzakaŋga dzakatarira kurutiʋi rwokumsoro, nhatu kurutiʋi rwamaʋirazuʋa, nhatu kurutiʋi rwezasi, nenhatu kurutiʋi rwamabvazuʋa; dziʋa rakaŋga rakagadzwa pamsoro padzo, idzo dzakafuratirana.

⁵Ʋukobvu bgaro bgakaŋga bgakaita soʋupamhi bgecanza, nomuromo waro wakaŋga wakafanana nomuromo wembiya, seruʋa rehapa; mukati makaɗirwa ʋuye makariŋgana mabati aneɀuru ɀitatu.

⁶Akaita ʋo midziyo yokusukira inegumi, akaisa mishanu kurudyi nemishanu kuruɓoshwe, yokusukira’mo; ɀinhu ɀeɀipiriso, ɀaipiswa, ɀaisukirwa’mo; asi dziʋa rakaŋga riri raʋaprista rokushambidzira’mo.

⁷Akaita ʋo ɀigadziko ɀemŋenje ɀinegumi ɀendarama, seɀaakaŋga arairwa pamsoro paɀo; akaɀiisa patembere, ɀishanu kurudyi ʋuye ɀishanu kuruɓoshwe.

⁸Akaita ʋo tafura dzinegumi, akadziisa mutembere, shanu kurudyi ʋuye shanu kuruɓoshwe. Akaita midziyo yendarama inezana.

⁹Ʋuye wakaita ʋo ruʋazhe rwaʋaprista, noruʋazhe rukuru, nemikoʋa yoruʋazhe, akafukidza mikoʋa yarwo nendarira.

¹⁰Akaisa dziʋa kurutiʋi rworudyi rweimba kumabvazuʋa, kwakatarira zasi.

¹¹Hurami akaita hari, nefoshoro, nembiya. Naiɀoɀo Hurami akapedza maɓasa ose aakaitira Soromoni paimba yaJehova;

¹²ɀaiti: Mbiru mbiri, nembiya, nemisoro miʋiri, yakaŋga iri pamisoro yembiru; nemimbure miʋiri yokufukidza nayo mbiya mbiri dzemisoro miʋiri yakaŋga iri pamisoro yembiru;

¹³namatamba anamazana manna emimbure miʋiri, misara miʋiri yamatamba pamumbure mumŋe nomumŋe, kufukidza mbiya mbiri yemisoro yakaŋga iri pamsoro pembiru;

¹⁴akaita ʋo ɀiŋgoro ɀinegumi, nemidziyo yokushambidzira pamsoro peɀiŋgoro;

¹⁵nedziʋa rimŋe, nenzombe gumi nembiri pasi pedziʋa.

¹⁶Nehari ʋo, nefoshoro, neɀikokoʋonho ɀenyama, nenhumbi dzose dzayo, Hurami Abi wakaɀiitira mambo Soromoni nendarira inobginya, ɀiʋe ɀeimba yaJehova.

¹⁷Mambo akaɀiʋumba paɓani raJoridani, pakati peSukoti neZereda.

¹⁸Saiɀoɀo Soromoni akaita nhumbi dzose idzi dzakawanda kwaɀo; nokuti kurema kwendarira kwakaŋga kusiŋgayerwi.

¹⁹Soromoni akaita nhumbi dzose dzakaŋga dziri mumba maMŋari, neartari yendarira ʋo netafura pakaŋga paneɀiŋgwa ɀokuratidza;

²⁰neɀigadziko ɀemŋenje nemŋenje yaɀo, kuti ipfute pamberi penɀimbo tȿene, seɀaʋakaŋga ʋarairwa, ɀiri ɀendarama;

²¹namaruʋa, nemŋenje, nembato, ɀendarama, iri ndarama yakanaka kwaɀo;

²²nembato, nembiya, neɀiroŋgo, neɀaeŋga ɀomŋoto, ziri ɀendarama yakaiȿo‐naka; napaʋakapinda napo paimba, mikoʋa yomukati yayo yenɀimbo tȿene‐tȿene; nemikoʋa yeimba, iyo tembere, yakaŋga iri yendarama.