Read Original Shona Union Bible 1949 Baiberi Magwaro Matȿene aMŋari II Makoronike 7 Bible Online

II Makoronike 7 - Original Shona Union Bible 1949 Baiberi Magwaro Matȿene aMŋari bible

II Makoronike 7

¹Ɀino Soromoni wakati apedza kunyeŋgetera, mŋoto ndokuɓuruka kuɗeŋga, ukapedza cipiriso cinopiswa neɀimŋe ɀiɓayiro; kubginya kwaJehova kukazadza imba.

²Ʋaprista ʋakakoniwa kupinda muimba yaJehova, nokuti kubginya kwaJehova kwakaŋga kwazadza imba yaJehova.

³Ʋana ʋaIsraeri ʋose ʋakatarira mŋoto uciɓuruka kuɗeŋga nokubginya kwaJehova kucigara pamsoro peimba; ʋakakotamira pasi neɀiso ɀaʋo pakaroŋgwa namabge, ʋakanamata nokuʋoŋga Jehova, ʋaciti: Nokuti wakanaka, nokuti nyasha dzake dzinogara nokusiŋgaperi.

⁴Ipapo mambo naʋanhu ʋose ʋakaɓayira ɀiɓayiro pamberi paJehova.

⁵Mambo Soromoni akaɓayira ciɓayiro cenzombe dzineɀuru ɀinamakumi maʋiri neɀiʋiri, namakwai aneɀuru ɀinezana namakumi maʋiri. Saiɀoɀo mambo naʋanhu ʋose ʋakatsaurira Mŋari imba iyo.

⁶Ʋaprista ʋakamira’po, seɀaʋakagoʋerwa maɓasa aʋo; naʋaRevi ʋo ʋaneɀokuridzira Jehova, ɀakaitwa namambo Davidi, ɀokuʋoŋga Jehova naɀo, nokuti nyasha dzake dzinogara nokusiŋgaperi, paŋguʋa iya Davidi yaakakudza Jehova naɀo; ʋaprista ʋakaridza hwamanda pamberi paʋo, ʋaIsraeri ʋose ʋakamira.

⁷Soromoni akatsaura ʋo nɀimbo yapakati yoruʋazhe rwakaŋga ruri pamberi peimba yaJehova; nokuti ndi’po paakaɓayira ɀipiriso ɀinopiswa, namafuta eɀipiriso ɀokuyananisa; nokuti artari yendarira yakaitwa naSoromoni yakaŋga isiŋgagoni kuriŋgana cipiriso cinopiswa, necipiriso coʋupfu, namafuta.

⁸Naiɀoɀo Soromoni akatamba mutambo paŋguʋa iyo mazuʋa manomŋe, naʋaIsraeri ʋose pamŋe cete naye, ikaita ʋuŋgano huru‐huru, kubva paʋanopinda paHamati, kuȿikira parukoʋa rweEgipita.

⁹Ɀino pazuʋa rorusere ʋakatamba mutambo wokupedzisira; nokuti ʋakatsaura artari mazuʋa manomŋe, ʋakaita mutambo mazuʋa manomŋe.

¹⁰Ɀino pazuʋa ramakumi maʋiri namatatu romŋedzi wecinomŋe akaendisa ʋanhu kumatente aʋo nemŋoyo yakaŋga icifara, icifarira ɀakanaka ɀose ɀakaitira Jehova Davidi, naSoromoni, naʋanhu ʋake ʋaIsraeri.

¹¹Saiɀoɀo Soromoni akapedza imba yaJehova, neimba yamambo; ɀose ɀakaŋga ɀiri mumŋoyo waSoromoni kuita muimba yaJehova, nomumba make, wakaɀiita kwaɀo.

¹²Ipapo Jehova akaɀiratidza kunaSoromoni ʋusiku, akati kwaari: Ndanzwa kunyeŋgetera kwako, ndaɀitsaurira nɀimbo iyi, iʋe imba yokuɓayira ɀiɓayiro.

¹³Kana ndiciŋge ndadziʋira kuɗeŋga, kuti mvura irege kunaya, kana ɀimŋe ndiciŋge ndaraira mhashu, kuti dzipedze nyika, kana ɀimŋe ndiciŋge ndatuma ɗenda pakati paʋanhu ʋaŋgu;

¹⁴kana ʋanhu ʋaŋgu, ʋakatumidzwa nezita raŋgu, ʋakaɀininipisa, ʋakanyeŋgetera nokutȿaka ciso caŋgu, nokurega nzira dzaʋo dzakaipa; ipapo ndicanzwa kuɗeŋga ndicaʋakaŋganwira ɀiʋi ɀaʋo, nokupodza nyika yaʋo.

¹⁵Ɀino meso aŋgu acaȿinura, nzeʋe dzaŋgu dzicaterera ndinzwe munyeŋgetero unoitwa panɀimbo iyi.

¹⁶Nokuti ɀino ndatsaura imba ino nokuiita tȿene, zita raŋgu riʋe’po nokusiŋgaperi; meso aŋgu nomŋoyo waŋgu ɀicaʋa’po nokusiŋgaperi.

¹⁷Kana uri’we, kana ukafamba pamberi paŋgu saɓaɓa ʋako Davidi, ukaita ɀose ɀandakakuraira, ukaceŋgeta ɀandatema neɀandatoŋga,

¹⁸ipapo ini ndicasimbisa cigaro cako coʋushe, seɀandakapikira ɓaɓa ʋako Davidi, ndiciti: Hauŋgashaiwi munhu ucaɓata ʋushe bgaIsraeri.

¹⁹Asi kana mukatsauka, mukasiya ɀandatema neɀandaraira ɀandakaisa pamberi penyu, mukandoshumira ʋamŋe ʋamŋari, mukaʋanamata;

²⁰ipapo ndicaʋadzura nemidzi panyika yaŋgu yandakaʋapa, neimba iyi yandakatsaurira zita raŋgu, ndicairashira kure ndirege kuiʋona, ndiiite shumo neciseko pakati paʋanhu ʋose.

²¹Neimba iyi kunyaŋge yakakwirira ikaɗai, ʋose ʋanopfuʋura nayo ʋacakanuka, ʋaciti: Jehova wakaitireiko kuɗai nenyika ino, ʋuye neimba iyi?

²²Ʋacapindura, ʋaciti: Nokuti ʋakasiya Jehova, Mŋari wamadziɓaɓa aʋo, wakaʋaɓuɗisa panyika yeEgipita, ʋakanamatira ʋamŋe ʋamŋari, ʋakaʋanamata, nokuʋashumira; saka Jehova wakaʋapinza panjodzi idzi dzose.