Read Original Shona Union Bible 1949 Baiberi Magwaro Matȿene aMŋari Ezra 3 Bible Online

Ezra 3 - Original Shona Union Bible 1949 Baiberi Magwaro Matȿene aMŋari bible

Ezra 3

¹Ɀino mŋedzi wecinomŋe wakati waȿika, ʋana ʋaIsraeri ʋaʋa mumaguta aʋo, ʋanhu ʋakaʋuŋgana pamŋe cete nomŋoyo mumŋe paJerusarema.

²Ipapo Jeshua mŋanakomana waJozadaki, nehama dzake ʋaprista, naZerubaberi mŋanakomana waSheartieri, nehama dzake, ʋakasimuka, ʋakaʋaka artari yaMŋari waIsraeri, kuti ʋaɓayire’po ɀipiriso ɀinopiswa, seɀakanyorwa pamurairo waMosesi munhu waMŋari.

³Ʋakagadzika artari panɀimbo yayo, nokuti ʋakatya ʋanhu ʋenyika idzo; ʋakaɓayira Jehova ɀipiriso ɀinopiswa pamsoro payo, iɀo ɀipiriso ɀaipiswa maŋgwanani namaɗekwana.

⁴Ʋakaita ʋo mutambo wamatumba, seɀakaŋga ɀanyorwa; ʋakaʋuya neɀipiriso ɀaipiswa zuʋa rimŋe nerimŋe seɀakatarwa, seɀaʋakarairwa, ɀakaɗikanwa pazuʋa rimŋe nerimŋe.

⁵Ʋuye pashure cipiriso caipiswa ŋguʋa dzose, neɀipiriso ɀapakugara kwemŋedzi, neɀemitambo yose yakatarwa yaJehova yakaŋga yakatsaurwa, nenhendo dzakaʋigirwa Jehova nokuɀiɗira naaninani.

⁶Ʋakataŋga kuɓayira Jehova ɀipiriso ɀinopiswa pazuʋa rokutaŋga romŋedzi wecinomŋe; asi nheyo dzetembere yaJehova dzakaŋga dzicigere kuteyiwa.

⁷Ʋakapa ʋo ʋaʋezi ʋamabge namatanda mari, ʋuye ʋeZidoni naʋeTire ɀokudya neɀokunwa namafuta, kuti ʋatore miti yemisidari paRebanoni, ʋaiise Jopa paguŋgwa, seɀaʋakaŋga ʋatenderwa naKoreshi mambo wePersia.

⁸Ɀino negore recipiri rokuȿika kwaʋo paimba yaMŋari paJerusarema, nomŋedzi wecipiri, Zerubaberi mŋanakomana waSheartieri, naJeshua mŋanakomana waJozadaki, nedzimŋe hama dzaʋo ʋaprista naʋaRevi, naʋose ʋakaŋga ʋadzokera Jerusarema pakutapxa kwaʋo, ʋakataŋga ɓasa raʋo; ʋakagadza ʋaRevi ʋamakore makumi maʋiri naʋakapfuʋura, kuti ʋaʋe ʋatariri ʋeɓasa paimba yaJehova.

⁹Ipapo Jeshua naʋanakomana ʋake nehama dzake, naKadmieri naʋanakomana ʋake, ʋanakomana ʋaJuda, ʋakamira nomŋoyo mumŋe ʋacitarira ʋaiɓata paimba yaMŋari; naʋanakomana ʋaHenadadi, naʋanakomana ʋaʋo nehama dzaʋo, ʋaRevi.

¹⁰Ɀino ʋaʋaki ʋakati ʋaciteya nheyo dzetembere yaJehova, ʋaprista ʋakamira’po ʋakafuka ŋguʋo dzaʋo, ʋakaɓata hwamanda, naʋaRevi, iʋo ʋanakomana ʋaAsafi, ʋakaɓata makandira, kuti ʋarumbidze Jehova seɀakaŋga ɀarairwa naDavidi mambo waIsraeri.

¹¹Ʋakateŋgezana ʋaciimba, ʋacirumbidza nokuʋoŋga Jehova, ʋaciti: Nokuti wakanaka, nokuti nyasha dzake hadziperi kunaIsraeri. Ʋanhu ʋose ʋakapururudza nokupururudza kukuru pakurumbidza kwaʋo Jehova; nokuti nheyo dzeimba yaJehova dzakaŋga dzateyiwa.

¹²Asi ʋazhinji ʋaʋaprista naʋaRevi, naʋakuru ʋedzimba dzamadziɓaɓa, ʋaya ʋatana ʋakaŋga ʋaʋona imba yokutaŋga, ʋakacema kwaɀo ʋaciʋona nheyo dzeimba iyi dziciteyiwa; ʋazhinji ʋakapururudza nomufaro;

¹³naiɀoɀo ʋanhu ʋakaŋga ʋasiŋgagoni kutsaura inzwi rokupururudza romufaro nenzwi rokucema kwaʋanhu; nokuti ʋanhu ʋakapururudza nokupururudza kukuru, inzwi rikanzwika kure kwaɀo.