Read Original Shona Union Bible 1949 Baiberi Magwaro Matȿene aMŋari Ezra 4 Bible Online

Ezra 4 - Original Shona Union Bible 1949 Baiberi Magwaro Matȿene aMŋari bible

Ezra 4

¹Ɀino ʋadziʋisi ʋaʋaJuda naʋaBenjamini ʋakati ʋacinzwa kuti ʋatapxa ʋoʋakira Jehova Mŋari waIsraeri tembere;

²ʋakasweɗera kunaZerubaberi, nokuʋakuru ʋedzimba dzamadziɓaɓa, ʋakati kwaʋari: Ŋgatiʋake nemi, nokuti tinotȿaka Mŋari wenyu, semi ʋo; tinomuɓayira kubva pamazuʋa aEsarihadoni mambo waAsiria, wakatiȿitsa pano.

³Asi Zerubaberi, naJeshua, naʋamŋe ʋakuru ʋedzimba dzamadziɓaɓa aIsraeri ʋakati kwaʋari: Imi hamuŋgatoŋgoɓatsirani nesu pakuʋakira Mŋari weɗu imba; asi isu toga ticaʋakira Jehova Mŋari waIsraeri, seɀatakarairwa namambo Koreshi mambo wePersia.

⁴Ipapo ʋanhu ʋenyika iyo ʋakashaisa maʋoko aʋanhu ʋaJuda simba, ʋakaʋatambudza pakuʋaka;

⁵ʋakaripira ʋanhu ʋokuʋaraira, kuti ʋakaŋganise ɀaʋakaŋga ʋaciɗa kuita, mazuʋa ose aKoreshi mambo wePersia, kuȿikira Dariusi mambo wePersia acizoɓata ʋushe.

⁶Ɀino Ahasheroshi wakati oɓata ʋushe, ʋakanyora ŋwadi yokukwirira ʋakaŋga ʋagere kwaJuda neJerusarema.

⁷Ɀino pamazuʋa aArtashasta, Bishrami, naMitredati, naTabeeri nedzimŋe shamŋari dzake, ʋakanyorera Artashasta mambo wePersia; iyo ŋwadi yakaŋga yakanyorwa namareteri eCiAramia, nokuɗudzirwa ʋo neCiAramia.

⁸Rehumi mukuru naShimshai munyori ʋakanyorera mambo Artashasta ŋwadi yokukwirira ʋeJerusarema yaiti:

⁹Rehumi mukuru, naShimshai munyori, nedzimŋe shamŋari dzaʋo, iʋo ʋaDinai, naʋaAfarsatki, naʋaTarperi, naʋaAfarsi, naʋaArkevi, naʋaBabironi, naʋaShushanki, naʋaDehai, naʋaErami,

¹⁰nedzimŋe ndudzi dzakaʋuya naOsnapari mukuru wakakurumbira, dzikaiswa paguta reSamaria, napanamamŋe matiʋi enyika mhiri kworwizi, namamŋe mashoko akaɗai.

¹¹Ndiwo mashoko eŋwadi yaʋakatuma kunamambo Artashasta: Ʋaranda ʋenyu, iʋo ʋarume ʋari mhiri kworwizi, namamŋe mashoko akaɗai.

¹²Mambo ŋgaaziʋiswe kuti ʋaJuda, ʋakabva kwenyu ʋakaȿika ʋuno kwatiri paJerusarema, ʋoʋaka guta rokumukira mambo, rakaipa; ʋapedza maȿiŋgo, nokugadzira nheyo.

¹³Ɀino mambo ŋgaaziʋiswe, kuti kana guta iri rikaʋakwa, namaȿiŋgo aro akapera, haʋaŋgaɓuɗisi mutero, kana ɀipo, kana muripo wenzira, pashure madzimambo acatadzirwa.

¹⁴Ɀino isu, ɀatinodya munyu unobva paimba yamambo, ʋuye ɀatisiŋgafaniri kuʋona mambo acininipiswa, tatuma ŋwadi kuzoziʋisa mambo;

¹⁵kuti ʋanɀere pabuku yenhau yamadziɓaɓa enyu; mucaʋona mubuku yenhau, kuti guta iri raimukira mambo, raitadzira madzimambo nenyika, ʋuye kuti mukati maro ʋairamba ʋacimukira madzimambo kubva kare nakare. Guta iri rakaparadzwa nemhaka iyo.

¹⁶Tinoziʋisa mambo kuti kana guta iri rikaʋakwa ɀe, namaȿiŋgo akapera, nemhaka iyo hamuŋgazoʋi nomugoʋe mhiri kworwizi.

¹⁷Ipapo mambo akatuma mhinduro kunaRehumi mukuru, naShimshai munyori, nedzimŋe shamŋari dzaʋo dzaigara Samaria napamŋe mhiri kworwizi, aciti: Rugare ŋgaruʋe nemi, namamŋe mashoko akaɗai.

¹⁸Ŋwadi yamakatitumira, ndairaʋirwa ɀakanaka.

¹⁹Ndikaraira, ʋakanɀera ʋakaʋona kuti guta iri raimukira madzimambo kubva kare nakare, ʋuye kuti mukati maro maiʋa nokumukira mambo nokuraŋgana ɀakaipa.

²⁰Ʋuye madzimambo anesimba aiʋa’po paJerusarema, aiɓata ʋushe pose pamhiri porwizi; iʋo ʋaiɓuɗisirwa mutero, neɀipo, nomuripo wenzira.

²¹Ɀino temai cireʋo cokuti ʋanhu aʋo ʋarege ɓasa raʋo, guta iri rirege kuʋakwa, kuȿikira ini ndatema cireʋo.

²²Cenjerai, musanonoka pacinhu ici; cakaipa cicakurireiko, kuzotadzira madzimambo?

²³Ɀino mashoko eŋwadi yamambo Artashasta akati araʋirwa Rehumi, naShimshai munyori, neshamŋari dzaʋo, ʋakakurumidza kuenda Jerusarema kuʋaJuda, ʋakaʋadziʋisa nokumanikidza nesimba.

²⁴Ipapo ɓasa reimba yaMŋari paJerusarema rakaregwa; rikaregwa kuȿikira pagore recipiri rokuɓata ʋushe kwaDariusi mambo wePersia.