Read Original Shona Union Bible 1949 Baiberi Magwaro Matȿene aMŋari Ezra 5 Bible Online

Ezra 5 - Original Shona Union Bible 1949 Baiberi Magwaro Matȿene aMŋari bible

Ezra 5

¹Ɀino ʋaprofita, ʋaiti muprofita Hagai, naZekaria mŋanakomana waIdo, ʋakaprofitera ʋaJuda ʋakaŋga ʋari paJuda neJerusarema; ʋakaprofitera nezita raMŋari waIsraeri.

²Ipapo Zerubaberi mŋanakomana waSheartieri, naJeshua mŋanakomana waJozadaki, ʋakasimuka, ʋakataŋga kuʋaka imba yaMŋari paJerusarema; ʋaprofita ʋaMŋari, ʋakaŋga ʋanaʋo, ʋaciʋaɓatsira.

³Ɀino paŋguʋa iyo Tatenai, muɓati wenyika mhiri kworwizi, naShetari‐bozenai, neshamŋari dzaʋo ʋakaȿika kwaʋari, ʋakati kwaʋari: Makarairwa nani kuʋaka imba iyi, nokupedza ruȿiŋgo urwu here?

⁴Ipapo takataura ʋo naʋo, tikati: Mazita aʋarume ʋanoʋaka imba iyi ndianiko?

⁵Asi ziso raMŋari waʋo rakaŋga rakatarira ʋakuru ʋaʋaJuda, ʋakakoniwa kuʋaregesa ɓasa, kuȿikira mhaka yaiswa kunaDariusi nemhinduro pamsoro payo icizodzoka neŋwadi.

⁶Ndiwo mashoko eŋwadi yakatumirwa mambo Dariusi naTatenai muɓati mhiri kworwizi, naShetari‐bozenai, neshamŋari dzake ʋaAfarsaki, ʋakaŋga ʋari mhiri kworwizi;

⁷ʋakamutumira ŋwadi makaŋga makanyorwa kuɗai: Kunamambo Dariusi, rugare rwose ŋgaruʋe nemi.

⁸Mambo ŋgaaziʋiswe kuti takaenda kurutiʋi rwenyika yaJuda, kuimba yaMŋari mukuru, inoʋakwa namabge makuru, ʋuye matanda anoiswa mumaȿiŋgo; ɓasa iri rinoshiŋgairirwa, rinopfuʋurira mberi ɀakanaka pamaʋoko aʋo.

⁹Ɀino takabvunza ʋakuru iʋaʋo, tikati kwaʋari: Ndianiko wakakurairai kuʋaka imba iyi nokupedza ruȿiŋgo urwu?

¹⁰Takaʋabvunza ʋo mazita aʋo, kuti tikuziʋisei, tinyore mazita aʋarume ʋanoʋatuŋgamirira.

¹¹Ʋakapindura ʋaciti: Isu tiri ʋaranda ʋaMŋari wokuɗeŋga napasi, tinoʋaka imba yakaɗeya kuʋakwa makore mazhinji akapfuʋura, yakaʋakwa nomumŋe mambo mukuru waIsraeri, ikapera.

¹²Asi madziɓaɓa eɗu akati atsamŋisa Mŋari wokuɗeŋga, iye akaʋaisa mumaʋoko aNebukadnezari mambo weBabironi, muKardea; iye akaparadza imba ino, akatapa ʋanhu, ndokuenda naʋo Babironi.

¹³Asi negore rokutaŋga raKoreshi mambo weBabironi, mambo Koreshi akaraira, kuti imba ino yaMŋari iʋakwe.

¹⁴Nemidziyo yendarama neyesirveri yeimba yaMŋari, yakaŋga yatorwa naNebukadnezari patembere yaiʋa Jerusarema, ikaiswa mutembere yeBabironi, mambo Koreshi wakabvisa iɀoɀo mutembere yeBabironi, ɀikapiwa mumŋe wainzi Sheshbazari, waakaŋga aita muɓati;

¹⁵akati kwaari: Tora midziyo iyi, undoiisa mutembere iri Jerusarema, imba yaMŋari iʋakwe panɀimbo yayo.

¹⁶Ipapo uyu Sheshbazari wakaʋuya, akateya nheyo dzeimba yaMŋari iri Jerusarema; ɀino kubva paŋguʋa iyo kuȿikira ɀino yakaramba iciʋakwa, naɀino icigere kupera.

¹⁷Naiɀoɀo ɀino, kana mambo acifara naɀo, ŋgaʋanɀere muimba yefuma yamambo iri Babironi, ʋaʋone kana ɀiri iɀo, kana mambo Koreshi akaraira kuti imba ino yaMŋari iʋakwe Jerusarema, mambo agotiziʋisa kuɗa kwake pamsoro pemhaka iyi.