Read Original Shona Union Bible 1949 Baiberi Magwaro Matȿene aMŋari Ezra 6 Bible Online

Ezra 6 - Original Shona Union Bible 1949 Baiberi Magwaro Matȿene aMŋari bible

Ezra 6

¹Ipapo mambo Dariusi wakaraira, ʋakanɀera paimba yamabuku, paʋaiceŋgeta fuma paBabironi.

²Ʋakawana paAkmeta, paimba yamambo yakaŋga iri parutiʋi rwenyika yeMedia, rugwaro rwakapetwa makaŋga makanyorwa kuɗai kuti ʋaraŋgarire:

³Pagore rokutaŋga ramambo Koreshi, mambo Koreshi wakaraira, aciti: Kana iri imba yaMŋari paJerusarema, imba ŋgaiʋakwe, paʋe paʋaŋgaɓayira ɀiɓayiro, nenheyo dzayo dziteyiwe nesimba; kukwirira kwayo kuȿike makubiti anamakumi matanhatu, nokufara kwayo makubiti anamakumi matanhatu;

⁴ŋgaiʋe nemisara mitatu yamabge makuru, nomusara mumŋe wamatanda matȿa; mari yokuʋaka nayo ŋgaitorwe paimba yamambo.

⁵Nemidziyo yendarama nesirveri yeimba yaMŋari, yakaɗeya kutorwa naNebukadnezari patembere paJerusarema, ikaiswa naye Babironi, ŋgaidzoswe, iiswe ɀe patembere iri Jerusarema, cimŋe necimŋe panɀimbo yaco, mugoɀiisa muimba yaMŋari.

⁶Naiɀoɀo ɀino imi Tatenai muɓati wenyika mhiri kworwizi, naShetari‐bozenai, neshamŋari dzenyu dzaʋaAfarsaki, imi muri mhiri kworwizi, cibvai ipapo;

⁷ʋaregei paɓasa reimba yaMŋari; muɓati waʋaJuda naʋakuru ʋaʋaJuda ŋgaʋaʋake imba iyi yaMŋari panɀimbo yayo.

⁸Ʋuye ndinoraira ɀamunofanira kuitira ʋakuru aʋa ʋaʋaJuda, kuti imba iyi yaMŋari iʋakwe: Mari yokuʋaka nayo ŋgaitorwe pafuma yamambo, pamutero unoripxa mhiri kworwizi, ikurumidze kupiwa ʋarume aʋo, kuti ʋarege kudziʋiswa.

⁹Ʋuye ɀose ɀaʋanoshaiwa, kana nzombe ɗuku, kana makondobge, kana makwaiana, ɀokuita naɀo ɀipiriso ɀinopisirwa Mŋari wokuɗeŋga, kana ɀiyo, kana munyu, kana waini, kana mafuta, seɀinotaura ʋaprista ʋari Jerusarema, ŋgaʋapiwe iɀoɀo zuʋa rimŋe nerimŋe, musiŋgaɗariki;

¹⁰kuti ʋagone kuʋigira Mŋari wokuɗeŋga ɀiɓayiro ɀinonhuwira ɀakanaka, ʋanyeŋgeterere ʋo ʋupenyu bgamambo, nobgaʋanakomana ʋake.

¹¹Ndatema ʋo cireʋo, kuti aninani unoshandura shoko iri, ɓaŋgo ribviswe paimba yake, iye aturikwe aroʋerwe pariri; ʋuye imba yake iitwe ɗurunhuru pamsoro pecinhu ici;

¹²Mŋari, wakagarisa zita rake ipapo, ŋgaaparadze madzimambo ose naʋanhu ʋacatambanudza maʋoko aʋo kushandura cinhu ici, nokuparadza imba iyi yaMŋari iri paJerusarema. Ini Dariusi ndatema cireʋo ici; ŋgaɀiitwe nokukurumidza.

¹³Ipapo Tatenai muɓati wenyika mhiri kworwizi, naShetari‐bozenai, neshamŋari dzaʋo, ʋakaita iɀoɀo nokukurumidza, nemhaka yeshoko rakaŋga ratumŋa namambo Dariusi.

¹⁴Ʋakuru ʋaʋaJuda ʋakaʋaka, ʋakapfuʋurira mberi ɀakanaka, ʋacisimbiswa nokuprofita kwaHagai muprofita naZekaria mŋanakomana waIdo. Ʋakaʋaka, ʋakaipedza, seɀakarairwa naMŋari waIsraeri, ʋuye necireʋo caKoreshi, naDariusi, naArtashasta mambo wePersia.

¹⁵Imba iyi ikapedzwa nezuʋa retatu romŋedzi weAdari pagore retanhatu rokuɓata ʋushe kwamambo Dariusi.

¹⁶Ʋana ʋaIsraeri naʋaprista, naʋaRevi, naʋamŋe ʋakaŋga ʋatapxa ʋakatsaurira Mŋari imba iyi nomufaro.

¹⁷Ʋakaɓayira pakutsaura imba iyi yaMŋari nzombe dzinezana rimŋe, namakondobge anamazana maʋiri, namakwaiana anamazana manna; ʋuye nhoŋgo dzembudzi dzinegumi nembiri, dzakaenzana namarudzi aʋaIsraeri, ciʋe cipiriso ceɀiʋi caʋaIsraeri ʋose.

¹⁸Ʋakagadza ʋaprista pamakamu aʋo, naʋaRevi pamapoka aʋo, paɓasa raMŋari paJerusarema; seɀakaŋga ɀanyorwa pabuku yaMosesi.

¹⁹Ʋatapxa ʋakaita paseka nezuʋa regumi namanna romŋedzi wokutaŋga.

²⁰Nokuti ʋaprista naʋaRevi ʋakaŋga ʋaɀinatsa nomŋoyo mumŋe; ʋose ʋaʋo ʋakaŋga ʋanatswa; ʋakaɓayira ʋatapxa ʋose paseka, nehama dzaʋo dzaʋaprista, naiʋo ʋamene.

²¹Ipapo ʋana ʋaIsraeri, ʋakaŋga ʋadzoka pakutapxa, ʋakadya, iʋo naʋose ʋakaŋga ʋaɀitsaurira kwaʋari ʋacibva pamatȿina aʋahedeni ʋenyika iyo, kuti ʋatȿake Jehova Mŋari waIsraeri;

²²ʋakaita mutambo weɀiŋgwa ɀisina‐kuʋiriswa mazuʋa manomŋe; nokuti Jehova wakaŋga aʋafadza, akarereʋudzira mŋoyo wamambo weAsiria kwaʋari, kuti asimbise maʋoko aʋo paɓasa reimba yaMŋari waIsraeri.