Read Original Shona Union Bible 1949 Baiberi Magwaro Matȿene aMŋari Ezra 7 Bible Online

Ezra 7 - Original Shona Union Bible 1949 Baiberi Magwaro Matȿene aMŋari bible

Ezra 7

¹Ɀino shure kwaiɀoɀo, Artashasta mambo wePersia aciɓata ʋushe, Ezra mŋanakomana waSeraya, mŋanakomana waAzaria, mŋanakomana waHirkia,

²mŋanakomana waSharumi, mŋanakomana waZadoki, mŋanakomana waAhitubi,

³mŋanakomana waAmaria, mŋanakomana waAzaria, mŋanakomana waMerayoti,

⁴mŋanakomana waZerahia, mŋanakomana waUzi, mŋanakomana waBuki,

⁵mŋanakomana waAbishua, mŋanakomana waPinehasi, mŋanakomana waEreazari, mŋanakomana waAroni, muprista mukuru —

⁶uyu Ezra wakaenda acibva Babironi; iye wakaŋga ari munyori wakaŋgwara pamurairo waMosesi, wakaŋga wapiwa naJehova Mŋari waIsraeri; mambo akamupa ɀose ɀaakakumbira, nokuɗa kworuʋoko rwaJehova rwakaŋga ruri pamsoro pake.

⁷Naʋamŋe ʋaʋana ʋaIsraeri, naʋaprista, naʋaRevi, naʋaimbi, naʋarindi ʋemikoʋa, naʋaNetinimi, ʋakaenda Jerusarema negore recinomŋe ramambo Artashasta.

⁸Akaȿika Jerusarema nomŋedzi wecishanu pagore recinomŋe ramambo.

⁹Nokuti wakataŋga kubva Babironi nezuʋa rokutaŋga romŋedzi wokutaŋga, akaȿika Jerusarema nezuʋa rokutaŋga romŋedzi wecishanu, nokuɗa kworuʋoko rwakanaka rwaMŋari wake rwakaŋga ruri pamsoro pake.

¹⁰Nokuti Ezra wakaŋga ashiŋgaira nomŋoyo wake wose kutȿaka murairo waJehova, nokuuita, nokudzidzisa pakati paIsraeri ɀaakatema neɀaakatoŋga.

¹¹Ɀino ndiwo mashoko eŋwadi iyo mambo Artashasta yaakapa Ezra muprista nomunyori, iye munyori wamashoko emirairo yaJehova neɀaakatemera Israeri:

¹²Artashasta mambo wamadzimambo, kunaEzra muprista, munyori womurairo waMŋari wokuɗeŋga, wakakwana, namamŋe mashoko akaɗai.

¹³Ini ndinotema cireʋo, kuti ʋanhu ʋose ʋaIsraeri, naʋaprista ʋaʋo, naʋaRevi, ʋari paʋushe bgaŋgu, ʋanoɗa nokuɗa kwaʋo kuenda Jerusarema, ŋgaʋaende haʋo newe.

¹⁴Ɀawatumŋa namambo namakurukota ake manomŋe kundobvunzisisa pamsoro paJuda neJerusarema, seɀakarebga nomurairo waMŋari wako uri muruʋoko rwako;

¹⁵nokuenda nesirveri nendarama yakapiwa namambo namakurukota ake nokuɗa kwaʋo Mŋari waIsraeri, iye ugere Jerusarema,

¹⁶nesirveri nendarama yose yauŋgawana parutiʋi rwenyika yose yeBabironi, pamŋe cete neɀipo ɀaʋanhu ɀaʋacapa nokuɗa kwaʋo, neɀaʋaprista, ɀaʋacapa imba yaMŋari waʋo iri paJerusarema nomŋoyo yaʋo;

¹⁷ɀino unofanira kukurumidza kuteŋga nemari iyo nzombe, namakondobge, namakwaiana, pamŋe cete neɀipiriso ɀaɀo ɀoʋupfu, neɀinoɗururwa, ugoɀiisa paartari paimba yaMŋari wenyu iri Jerusarema.

¹⁸Kana iri sirveri nendarama yakasara, itai naɀo seɀamunofuŋga, iwe nehama dzako, seɀinoɗikanwa naMŋari wenyu.

¹⁹Nemidziyo yaunopiwa kundoɓata nayo paimba yaMŋari wako, uiise pamberi paMŋari weJerusarema.

²⁰Neɀimŋe ɀinhu ɀipi neɀipi ɀinoɗikanwa paimba yaMŋari wako, ɀaunofanira kuripa, uɀiripe ucitora paimba yefuma yamambo.

²¹Ini, iyeni mambo Artashasta, ndinoraira ʋaceŋgeti ʋose ʋefuma mhiri kworwizi, ndiciti: Ɀose Ezra muprista, munyori womurairo waMŋari wokuɗeŋga, ɀaanokumbira kwamuri, ŋgaɀiitwe nokukurumidza,

²²kuȿikira pamatarenta esirveri anezana,[2] neɀiyero ɀinezana ɀeɀiyo,[3] namabati ewaini anezana,[4] namabati amafuta anezana, nomunyu usiŋgaʋereŋgwi.

²³Ɀose ɀinorairwa naMŋari wokuɗeŋga, ŋgaɀiitirwe ɀakanaka imba yaMŋari wokuɗeŋga; nokuti ʋushe bgamambo nobgaʋanakomana ʋake ʋucatsamŋirweiko?

²⁴Tinokuziʋisai ʋo, kuti kana ʋari ʋaprista ʋose, naʋaRevi, naʋaimbi, naʋarindi ʋemikoʋa, naʋaNetinimi, naʋaranda ʋeimba iyi yaMŋari, haʋaŋgaripiswi mutero, kana ɀipo, kana muripo wenzira.

²⁵Ɀino iwe Ezra, nenjere dzaMŋari wako, dzawakapiwa iwe, cigadza ʋatambi ʋemhoȿa, naʋatoŋgi, ʋaŋgatoŋgera ʋanhu ʋose ʋari mhiri kworwizi mhaka dzaʋo, ʋaʋe ʋanhu ʋanoziʋa mirairo yaMŋari wako, ugodzidzisa mumŋe nomumŋe usiŋgaiziʋi.

²⁶Aninani, usiŋgaɗi kuita murairo waMŋari wako, nomurairo wamambo, ŋgaakurumidze kupiwa mhaka, kana yorufu, kana yokudziŋgwa, kana yokutorerwa nhumbi dzake, kana yokusuŋgwa mutoroŋgo.

²⁷Jehova Mŋari wamadziɓaɓa eɗu ŋgaakudzwe, iye wakaisa cinhu cakaɗai mumŋoyo wamambo, kuti anatse imba yaJehova iri Jerusarema;

²⁸iye wakandinzwisa tsitsi pamberi pamambo, napamberi pamakurukota ake, napamberi pamacinda ose anesimba amambo. Ini ndikasimbiswa nokuti ruʋoko rwaJehova Mŋari waŋgu rwakaŋga ruri pamsoro paŋgu, ndikakoka ʋarume ʋakuru pakati paIsraeri, kuti ʋaende neni.