Read Original Shona Union Bible 1949 Baiberi Magwaro Matȿene aMŋari Ezra 9 Bible Online

Ezra 9 - Original Shona Union Bible 1949 Baiberi Magwaro Matȿene aMŋari bible

Ezra 9

¹Ɀino iɀi ɀakati ɀapera, macinda akasweɗera kwandiri, akati: Ʋanhu ʋaIsraeri, naʋaprista, naʋaRevi haʋana‐kuɀiraʋura paʋanhu ʋenyika paneɀinonyaŋgadza ɀaʋo, iʋo ʋaKanaani, naʋaHiti, naʋaPerezi, naʋaJebusi, naʋaAmoni, naʋaMoabi, naʋaEgipita, naʋaAmori.

²Nokuti ʋakatora ʋakunda ʋaʋo ʋaʋe ʋakadzi ʋaʋo naʋaʋanakomana ʋaʋo; naiɀoɀo rudzi rutȿene rwakaɀiveŋganisa naʋanhu ʋenyika; ɀirokwaɀo maʋoko amacinda naʋaɓati ndiwo akanyanya pakuɗarika uku.

³Ɀino ini ndakati ndiciɀinzwa, ndikabvarura ŋguʋo yaŋgu nejasi raŋgu, ndikataʋura vudzi romusoro waŋgu nendebvu dzaŋgu, ndikagara pasi ndakakanuka.

⁴Ipapo ʋakaʋuŋgana kwandiri ʋose ʋakaŋga ʋaciɗeɗera nokuɗa kwamashoko aMŋari waIsraeri pamsoro pokuɗarika kwaʋatapxa; ndikagara pasi ndakakanuka kuȿikira paŋguʋa yecipiriso camaɗekwana.

⁵Ɀino paŋguʋa yecipiriso camaɗekwana ndikasimuka pakuɀininipisa kwaŋgu, ndicineŋguʋo yaŋgu nejasi raŋgu ɀakabvaruka; ndikawira pasi namabvi aŋgu, ndikatambanudzira maʋoko aŋgu kunaJehova Mŋari waŋgu;

⁶ndikati: Haiwa, Mŋari waŋgu, ndinonyara, ndinotȿeruka kusimudzira ciso caŋgu kwamuri Mŋari waŋgu; nokuti ɀiʋi ɀeɗu ɀaɗarika misoro yeɗu, mhoȿa yeɗu yakakwira kuȿikira kuɗeŋga.

⁷Kubva pamazuʋa amadziɓaɓa eɗu takapara mhaka kwaɀo kuȿikira nhasi; ɀino nokuɗa kweɀiʋi isu namadzimambo eɗu, naʋaprista ʋeɗu, takaiswa mumaʋoko amadzimambo enyika, tiʋurawe nomunondo, titapxe, nokuparadzwa, nokunyadzwa, sapazuʋa ranhasi.

⁸Ɀino takanzwirwa tsitsi naJehova Mŋari weɗu ŋguʋa ɗuku‐ɗuku, akatisiyira ʋamŋe ʋakapukunyuka, nokutipa mbambo panɀimbo yake tȿene, kuti Mŋari weɗu avenekere meso eɗu, nokutiponesa paɗuku paʋuranda bgeɗu.

⁹Nokuti tiri ʋaranda; kunyaŋge ɀakaɗaro Mŋari haana‐kutirasha paʋuranda bgeɗu, asi wakatinzwisa tsitsi pamberi pamadzimambo ePersia, akatiponesa ɀe, kuti timutse ɀe imba yaMŋari weɗu, nokugadzira matoŋgo ayo, nokutipa ruȿiŋgo paJuda napaJerusarema.

¹⁰Ɀino, Mŋari weɗu, ticareʋeiko shure kwaiɀoɀi? Nokuti takarasha mirairo yenyu,

¹¹yamakatiraira naʋaranda ʋenyu ʋaprofita, muciti: Nyika kwamunoenda, kuzoiita yenyu, inyika yakaȿiɓiswa nokuipa kwaʋanhu ʋenyika idzo, nemhaka yeɀinonyaŋgadza ɀaʋo, ɀakaizadza namatȿina aʋo kubva parutiʋi rumŋe kuȿikira panorumŋe rutiʋi.

¹²Naiɀoɀo ɀino, regai kupa ʋanakomana ʋaʋo ʋakunda ʋenyu, kana kutora ʋakunda ʋaʋo kupa ʋanakomana ʋenyu, kana kuʋatȿakira rugare nomufaro nokusiŋgaperi; kuti muʋe nesimba, mudye ɀakanaka ɀenyika, mugoisiyira ʋana ʋenyu iʋe nhaka yaʋo nokusiŋgaperi.

¹³Ɀatakaitirwa iɀi ɀose nokuɗa kwamaɓasa eɗu akaipa, ʋuye nokuɗa kwemhoȿa dzeɗu huru, imi Mŋari weɗu ɀamusina‐kutiroʋa ɀakariŋgana ɀakaipa ɀeɗu, mukatisiyira ʋamŋe ʋakaɗai,

¹⁴ɀino tiŋgapamhidza ɀe kuɗarika mirairo yenyu here, nokushamŋaridzana naʋanhu ʋanoita iɀi ɀinonyaŋgadza here? Hamuŋgazotitsamŋiri kuȿikira matiparadza here, kuȿikira kusinawakasiyiwa, kana wakapukunyuka?

¹⁵Jehova, Mŋari waIsraeri, imi makarurama; nokuti tasiyirwa ʋamŋe ʋakapukunyuka, seɀaɀakaita nhasi; tarirai tiri pamberi penyu nemhoȿa dzeɗu, nokuti hakuna‐uŋgamira pamberi penyu nokuɗa kwecinhu ici.