Read Original Shona Union Bible 1949 Baiberi Magwaro Matȿene aMŋari Nehemia 12 Bible Online

Nehemia 12 - Original Shona Union Bible 1949 Baiberi Magwaro Matȿene aMŋari bible

Nehemia 12

¹Ɀino aʋa ndiʋo ʋaprista naʋaRevi ʋakaenda naZerubaberi mŋanakomana waSheartieri, naJeshua: Seraya, naJeremia, naEzra;

²naAmaria, naMaruki, naHatushi;

³naShekania, naRehumi, naMeremoti;

⁴naIdo, naGinetoi, naAbija;

⁵naMijamini, naMaadia, naBirga;

⁶naShemaya, naJoyaribi, naJedaya;

⁷naSaru, naAmoki, naHirkiya, naJedaya. Ndiʋo ʋakaŋga ʋari ʋakuru ʋaʋaprista naʋehama dzaʋo pamazuʋa aJeshua.

⁸Ʋuye naʋaRevi aʋa: Jeshua, naBinui, naKadmieri, naSherebia, naJuda, naMatania, iye nehama dzake ndiʋo ʋairaira ʋaimbi.

⁹NaBakbukia, naUno, hama dzaʋo, ʋakaŋga ʋakatarisana naʋo pakurinda.

¹⁰Jeshua akaɓereka Joyakimi, Joyakimi akaɓereka Eriashibi, Eriashibi akaɓereka Joyada;

¹¹Joyada akaɓereka Jonatani, Jonatani akaɓereka Jadua.

¹²Pamazuʋa aJoyakimi ʋaprista, iʋo ʋakuru ʋedzimba dzamadziɓaɓa, ʋakaŋga ʋari: WokwaSeraya, Meraya; wokwaJeremia, Hanania;

¹³wokwaEzra, Meshurami, wokwaAmaria, Jehohanani;

¹⁴wokwaMaruki, Jonatani; wokwaShebania, Josefa;

¹⁵wokwaHarimi, Adna; wokwaMerayoti, Herkai;

¹⁶wokwaIdo, Zekaria; wokwaGinetoni, Meshurami;

¹⁷wokwaAbia, Zikri; wokwaMinyamini waMoadia, Pirtai;

¹⁸wokwaBirga, Shamua; wokwaShemaya, Jehonatani;

¹⁹wokwaJoyaribi, Matenai; wokwaJedaya, Uzi;

²⁰wokwaSarai, Karai; wokwaAmoki, Eberi;

²¹wokwaHirkiya Hashabia; wokwaJedaya, Netaneri.

²²ƲaRevi ʋakanyorwa mazita aʋakuru ʋedzimba dzamadziɓaɓa pamazuʋa aEriashibi, naJoyada, naJohanani, naJadua; naʋaprista ʋo kuȿikira pakuɓata ʋushe kwaDariusi muPersia.

²³Ʋanakomana ʋaRevi, iʋo ʋakuru ʋedzimba dzamadziɓaɓa, ʋakanyorwa pabuku yamakronike, kuȿikira pamazuʋa aJohanani mŋanakomana waEriashibi.

²⁴Ʋakuru ʋaʋaRevi ʋakaŋga ʋari: Hashabia, naSherebia, naJeshua, mŋanakomana waKadmieri, nehama dzaʋo dzakatarisana naʋo pakurumbidza nokuʋoŋga, seɀakaŋga ɀarairwa naDavidi munhu waMŋari, ʋaciita madzoro pakuimba.

²⁵Matania, naBakbukia, naObadia, naMeshurami, naTarmoni, naAkubi ʋakaŋga ʋari ʋarindi ʋe mikoʋa, ʋairinda pamatura pamasuʋo.

²⁶Ndiʋo ʋakaŋga ʋari’po pamazuʋa aJoyakimi mŋanakomana waJeshua, mŋanakomana waJozadaki, napamazuʋa aNehemia muɓati, nomuprista Ezra munyori.

²⁷Ɀino pakutsaurira kwaʋo Jehova ruȿiŋgo rweJerusarema, ʋakandotȿaka ʋaRevi pose paʋakaŋga ʋagere, ʋakaʋuya naʋo Jerusarema, kuti ʋatsaure nomufaro, nokuʋoŋga nokuimba, nokuridza makandira nemiteŋgeranwa nembira.

²⁸Ʋanakomana ʋaʋaimbi ʋakaʋuŋgana pamŋe cete ʋacibva kumapani akapoteredza Jerusarema, nokumisha yaʋaNetofati;

²⁹napaBeti‐girgari, naparuwa rweGeba neAzmaveti; nokuti ʋaimbi ʋakaŋga ʋaɀiʋakira misha pamatiʋi ose eJerusarema.

³⁰Ɀino ʋaprista naʋaRevi ʋakaɀinatsa, ndokunatsa ʋo ʋanhu, namasuʋo, noruȿiŋgo.

³¹Ipapo ndakakwidza macinda aʋaJuda pamsoro poruȿiŋgo, ndikaraira mapoka makuru maʋiri ʋakaʋoŋga ʋacifamba ʋakaita muɗuŋgwe; rimŋe rakafamba kurutiʋi rworudyi pamsoro poruȿiŋgo, ʋacienda kusuʋo ramarara;

³²shure kwaʋo kwakafamba Hosaya, nehafu yamacinda aJuda,

³³naAzaria, naEzra, naMeshurami,

³⁴naJuda, naBenjamini, naShemaya, naJeremia,

³⁵naʋamŋe ʋanakomana ʋaʋaprista ʋanehwamanda: Zekaria mŋanakomana waJonatani, mŋanakomana waShemaya, mŋanakomana waMatania, mŋanakomana waMikaya, mŋanakomana waZakuri, mŋanakomana waAsafi;

³⁶nehama dzake: Shemaya, naAzareri, naMirarai, naGirarai, naMaai, naNetaneri, naJuda, naHanani ʋaneɀokuridza ɀaDavidi munhu waMŋari; Ezra munyori wakaŋga ari pamberi paʋo;

³⁷ʋakafamba napasuʋo retsime, ʋakarurama, ndokukwira namatano eguta raDavidi, pamukwidzwa woruȿiŋgo, pamsoro peimba yaDavidi, kuȿikira pasuʋo remvura, kumabvazuʋa.

³⁸Rimŋe ɓoka raʋaʋoŋgi rakandosoŋgana naʋo, ini ndiciʋateʋera, ndinehafu yaʋanhu pamsoro poruȿiŋgo, pamsoro peshoŋgwe yamaʋira, kuȿikira paruȿiŋgo rupamhi;

³⁹napamsoro pesuʋo raEfraimi, napasuʋo rekare, napasuʋo rehoʋe, neshoŋgwe yaHananeri, neshoŋgwe yaHamea, kuȿikira pasuʋo ramakwai; ʋakamira pasuʋo raʋarindi.

⁴⁰Mapoka maʋiri aʋaʋoŋgi ʋakamira saiɀoɀo paimba yaMŋari, neni nehafu yaʋatariri,

⁴¹naʋaprista Eriakimi, naMaaseya, naMiniamini, naMikaya, naErioenai, naZekaria, naHanania, ʋanehwamanda;

⁴²naMaaseya, naShemaya, naEreazari, naUzi, naJehohanani, naMarkija, naErami, naEzeri. Ʋaimbi ʋakaimbisa kwaɀo, ʋanaJezrahia mutariri waʋo.

⁴³Ʋakaɓayira ɀiɓayiro ɀikuru nezuʋa iro, ʋakafara; nokuti Mŋari wakaŋga aʋafadza nomufaro mukuru; naʋakadzi ʋo naʋana ʋakafara; naiɀoɀo mufaro weJerusarema wakanzwika kure.

⁴⁴Pazuʋa iro ʋarume ʋakagadzwa kutarira makamuri efuma, neɀipiriso ɀinotsaurwa, neɀitȿa, neɀegumi, kuti ʋaʋuŋganidzire’mo migoʋe yaʋaprista neyaʋaRevi yakaŋga yakatarwa nomurau, kuti itorwe paruwa rwamaguta; nokuti ʋaJuda ʋakafarira ʋaprista naʋaRevi ʋaishumira.

⁴⁵Iʋo ʋakaceŋgeta murairo waMŋari waʋo, nomurairo wokunatsa, naʋaimbi naʋarindi ʋemikoʋa ʋo saiɀoɀo, seɀakaŋga ɀarairwa naDavidi naSoromoni mŋanakomana wake.

⁴⁶Nokuti pamazuʋa akare aDavidi naAsafi, kwaiʋa nomukuru waʋaimbi, nenziyo dzokurumbidza nokuʋoŋga Mŋari.

⁴⁷Ɀino ʋaIsraeri ʋose pamazuʋa aZerubaberi, napamazuʋa aNehemia, ʋaipa ʋaimbi naʋarindi ʋemikoʋa migoʋe yaʋo, yakaɗikanwa zuʋa rimŋe nerimŋe; iʋo ʋaitsaurira ʋaRevi, ʋuye ʋaRevi ʋaitsaurira ʋanakomana ʋaAroni.