Read Original Shona Union Bible 1949 Baiberi Magwaro Matȿene aMŋari Nehemia 13 Bible Online

Nehemia 13 - Original Shona Union Bible 1949 Baiberi Magwaro Matȿene aMŋari bible

Nehemia 13

¹Ɀino nezuʋa iro ʋakaraʋa mubuku yaMosesi, ʋanhu ʋose ʋaciɀinzwa, ʋakawana makanyorwa, kuti ʋaMoabi naʋaAmoni haʋafaniri kupinda paʋuŋgano yaMŋari nokusiŋgaperi;

²nokuti iʋo haʋanakundosoŋgana naʋana ʋaIsraeri neɀokudya nemvura, asi ʋakaripira Barami kuti aʋatuke; asi Mŋari weɗu wakashandura kutuka akakuita kuropafadza.

³Ɀino ʋakati ʋanzwa murau, ʋakaraʋura ʋanhu ʋazhinji ʋose ʋakaŋga ʋakaveŋgana naʋaIsraeri.

⁴Ɀino iɀi ɀisati ɀaitwa, Eriashibi muprista, wakaŋga aitwa mutariri wamakamuri eimba yaMŋari weɗu, wakashamŋaridzana naTobia,

⁵akamugadzirira kamuri huru paʋaiceŋgeta kare ɀipiriso ɀoʋupfu, neɀinonhuwira, nemidziyo, neɀegumi ɀeɀiyo, neɀewaini, neɀamafuta, ɀakaŋga ɀarairwa kuti ɀipiwe ʋaRevi, naʋaimbi, naʋarindi ʋemikoʋa, neɀipiriso ɀaitsaurirwa ʋaprista.

⁶Asi neŋguʋa iyo yose ini ndakaŋga ndisi’po paJerusarema; nokuti negore ramakumi matatu namaʋiri raArtashasta mambo weBabironi, ini ndakaenda kunamambo; ɀino mamŋe mazuʋa akati apfuʋura ndikakumbira kunamambo,

⁷ndikaȿika Jerusarema, ndikanzwa ɀakaipa ɀakaŋga ɀaitwa naEriashibi kuti wakaŋga agadzirira Tobia kamuri paruʋazhe rweimba yaMŋari.

⁸Ndikaʋa neshuŋgu kwaɀo; saka ndakarashira kunze kwekamuri nhumbi dzose dzaTobia.

⁹Ipapo ndakaraira ʋakanatsa makamuri; ndikadzosera’mo ɀe midziyo yeimba yaMŋari, pamŋe cete neɀipiriso ɀoʋupfu neɀinonhuwira.

¹⁰Ndikaʋona kuti ʋaRevi ʋakaŋga ʋasina‐kupiwa migoʋe yaʋo; naiɀoɀo ʋaRevi naʋaimbi, ʋaiɓate‐ɓasa, ʋakaŋga ʋatizira mumŋe nomumŋe kumunda wake.

¹¹Ipapo ndakaita nharo naʋatariri, ndikati: Imba yaMŋari yasiyirweiko? Ndikaʋakokera, ndikaʋadzosera ɀe panɀimbo yaʋo.

¹²Ipapo ʋaJuda ʋose ʋakaʋuya neɀegumi ɀeɀiyo, neɀewaini, neɀamafuta, ʋakaɀiisa muɀiʋigiro.

¹³Ndikaisa paɀiʋigiro ʋaceŋgeti ʋefuma, Sheremia muprista, naZadoki munyori, naʋaʋaRevi, Pedaya; ʋaciɓatsirwa naHanani mŋanakomana waZakuri, mŋanakomana waMatania; nokuti ʋakaŋga ʋacinzi ʋakatendeka; ɓasa raʋo rakaŋga riri rokupa hama dzaʋo mugoʋe waʋo.

¹⁴Cindiraŋgarirai henyu, Mŋari waŋgu, pamsoro paiɀoɀo; regai henyu kupisika maɓasa aŋgu akanaka andakaitira imba yaMŋari waŋgu neɀaifanira kuitwa mairi.

¹⁵Ɀino pamazuʋa iwayo ndakaʋona paJuda ʋamŋe ʋakaŋga ʋacitsika mazambiriŋga paɀiȿiniro nesaɓata, naʋakaŋga ʋacitora ɀisote ʋaciɀitakudza mboŋgoro; ʋuye waini, namazambiriŋga, namaʋonde, nemitoro yamarudzi ose, ɀaʋakaŋga ʋaciʋuya naɀo paJerusarema nezuʋa resaɓata; ndikaʋanyeʋera pazuʋa raʋakateŋgesa ɀokudya.

¹⁶Pakaŋga pagere ʋo ʋarume ʋeTire, ʋaiʋuya nehoʋe, neɀimŋe ɀinoteŋgeswa ɀamarudzi ose; ʋakaɀiteŋgesa kuʋanhu ʋaJuda napaJerusarema pazuʋa resaɓata.

¹⁷Ipapo ndikaita nharo naʋakuru ʋaʋaJuda, ndikati kwaʋari: Cinhu ici cakaipa camunoita ndeceiko, ɀamunoɀidza zuʋa resaɓata?

¹⁸Ko madziɓaɓa enyu haana‐kuita saiɀoɀo, Mŋari weɗu akaʋuyisa ɀakaipa iɀi ɀose pamsoro peɗu napamsoro peguta rino here? Asi imi munowedzera kutsamŋa kwaMŋari pamsoro paIsraeri, ɀamunoɀidza saɓata.

¹⁹Ɀino pamasuʋo eJerusarema pakati poȿiɓa, saɓata risati raȿika, ndakaraira kuti mikoʋa ipfigwe, ndikaraira kuti irege kuzarurwa ɀe kuȿikira saɓata rapfuʋura; ndikaisa ʋamŋe ʋaranda ʋaŋgu pamasuʋo, kuti mitoro irege kupinzwa pazuʋa resaɓata.

²⁰Naiɀoɀo ʋashambadziri naʋateŋgesi ʋeɀinhu ɀamarudzi ose ʋakaʋata kunze kweJerusarema kamŋe kana kaʋiri.

²¹Ipapo ndakaʋanyeʋera ndikati kwaʋari, Munoʋatireiko pamberi poruȿiŋgo? Kana mukaɗaro ɀe ndicakuɓatai. Ɀino kubva paŋguʋa iyo haʋana‐kuzoʋuya ɀe nesaɓata.

²²Ndikaraira ʋaRevi kuti ʋaɀinatse, ʋaʋuye kuzorinda masuʋo, ʋatsaure zuʋa resaɓata. Ndiraŋgarirei henyu nokuɗa kwecinhu ici ʋo, Mŋari waŋgu, mundinzwire tsitsi nenyasha dzenyu huru.

²³Namazuʋa iwayo ndakaʋona ʋo ʋamŋe ʋaJuda ʋakaŋga ʋawana ʋakadzi ʋeAshdodi, naAmoni, naMoabi;

²⁴ʋana ʋaʋo ʋaitaura ɀimŋe neciAshdodi, ʋasiŋgagoni kutaura rurimi rwaʋaJuda, asi rurimi rwamarudzi iwayo.

²⁵Ndikaita nharo naʋo, ndikaʋatuka, ndikaroʋa ʋamŋe ʋaʋo, ndikataʋura vudzi raʋo, ndikaʋapikisa naMŋari, ndiciti: Hamufaniri kupa ʋanakomana ʋaʋo ʋakunda ʋenyu, kana kutorera ʋanakomana ʋenyu ʋakunda ʋaʋo, kunyaŋge nemi ʋo.

²⁶Ko Soromoni mambo waIsraeri haana‐kutadza paɀinhu iɀi here? Kunyaŋge ɀakaɗaro pakati pendudzi zhinji pakaŋga pasinamambo wakafanana naye, naye wakaŋga akaɗikanwa naMŋari wake, Mŋari akamuita mambo waʋaIsraeri ʋose; kunyaŋge ɀakaɗaro naiye wakatadziswa naʋakadzi ʋatorwa.

²⁷Ko ɀino tiŋgakutererai kuti muite cinhu ici cakaipa cikuru, mutadzire Mŋari weɗu muciwana ʋakadzi ʋatorwa here?

²⁸Ɀino mumŋe waʋanakomana ʋaJoyada mŋanakomana waEriashibi muprista mukuru, wakaŋga ari mukwambo waSanbarati muHoroni; saka ndakamudziŋga abve kwandiri.

²⁹Muʋaraŋgarirei henyu, Mŋari waŋgu, nokuti ʋakaȿiɓisa ʋuprista nesuŋgano yoʋuprista neyaʋaRevi.

³⁰Ndikaʋanatsa saiɀoɀo ndikabvisa ɀose ɀaʋatorwa, ndikaraira madzoro aʋaprista naʋaRevi, mumŋe nomumŋe paɓasa rake;

³¹napaɓasa reɀipo ɀehuni paŋguʋa dzakatarwa, nereɀitȿa. Ndiraŋgarirei henyu, Mŋari waŋgu, mundiitire ɀakanaka.