Read Original Shona Union Bible 1949 Baiberi Magwaro Matȿene aMŋari Nehemia 4 Bible Online

Nehemia 4 - Original Shona Union Bible 1949 Baiberi Magwaro Matȿene aMŋari bible

Nehemia 4

¹Asi Sanbarati wakati acinzwa kuti toʋaka ruȿiŋgo, akatsamŋa, akaʋa neshuŋgu kwaɀo, akaseka ʋaJuda.

²Akataura nehama dzake nehondo yeSamaria, akati: ƲaJuda aʋa ʋasinesimba ʋanoɓateiko? Ʋacaɀisimbisa panhare here? Ʋacaɓayira here? Ʋacapedza nezuʋa rimŋe here? Ʋacararamisa mabge pamaturunhuru, ɀaatȿa here?

³Tobia muAmoni wakaŋga amire naye, akati: Cinhu cipi necipi caʋanoʋaka haʋo, kana gaʋa rikakwira’po, ricakoromora ruȿiŋgo rwaʋo rwamabge.

⁴Inzwai henyu, Mŋari weɗu, nokuti tinoninipiswa; dzoserai kushoʋora kwaʋo pamisoro yaʋo, muʋarege ʋapambge panyika yaʋatapxa.

⁵Regai kufukidza ɀakaipa ɀaʋo, neɀiʋi ɀaʋo ŋgaɀirege kudzimŋa pamberi penyu; nokuti ʋakakutsamŋisai pamberi paʋaʋaki.

⁶Naiɀoɀo takaʋaka ruȿiŋgo; ruȿiŋgo rwose rukaɓatanidzwa kuȿikira pahafu yokukwirira kwarwo; nokuti ʋanhu ʋakaŋga ʋaciɗa kuɓata.

⁷Asi Sanbarati, naTobia, naʋaArabia, naʋaAmoni, naʋaAshdodi, ʋakati ʋacinzwa kuti ɓasa rokugadzira maȿiŋgo ropfuʋurira mberi ɀakanaka, kuti pakaŋga pakoromoka podziʋirwa, ʋakatsamŋa kwaɀo;

⁸ʋakaraŋgana ʋose kundorwa neJerusarema, nokuʋakaŋganisa’po.

⁹Asi isu takanyeŋgetera kunaMŋari weɗu, tikaisa ʋarindi kuʋarindira masikati noʋusiku nemhaka yaʋo.

¹⁰Ipapo ʋaJuda ʋakati: Simba raʋatakuri ʋemitoro raɗerera, ʋuye marara ari’po mazhinji; saka hatigoni kuʋaka ruȿiŋgo.

¹¹Ʋadziʋisi ʋeɗu ʋakati: Ŋgaʋarege kuziʋa kana kuʋona cinhu, kuȿikira taʋa pakati paʋo, tikaʋaʋuraya nokumisa ɓasa.

¹²Ɀino ʋaJuda ʋakaŋga ʋagere naʋo, ʋakati ʋaciȿika kwatiri, ʋacibva kunɀimbo dzose, ʋakati kwatiri kagumi: Munofanira kudzokera kwatiri.

¹³Saka ndakaisa ʋamŋe ʋanhu panɀimbo dzakaɗerera seri kworuȿiŋgo, panɀimbo dzakaŋga dzakashama, ipapo ndakaisa ʋanhu nedzimba dzaʋo, ʋakaɓata minondo yaʋo, namapfumo aʋo, noʋuta bgaʋo.

¹⁴Ndikatarira, ndikasimuka, ndikati kuʋakuru nokuʋatariri nokunaʋamŋe ʋanhu: Regai kuʋatya; raŋgarirai Jehova mukuru unotyisa, murwire hama dzenyu, naʋanakomana ʋenyu, naʋakunda ʋenyu, naʋakadzi ʋenyu, nedzimba dzenyu.

¹⁵Ɀino ʋaʋeŋgi ʋeɗu ʋakati ʋanzwa kuti ɀazikanwa nesu, ʋuye kuti Mŋari wakakonesa kuraŋgana kwaʋo, isu tikadzokera tose kuruȿiŋgo, mumŋe nomumŋe kuɓasa rake.

¹⁶Ɀino kubva paŋguʋa iyo hafu yaʋaranda ʋaŋgu ʋakaɓata paɓasa, asi hafu yaʋo ʋakaɓata mapfumo, nenhoʋo, noʋuta, neŋguʋo dzamatare; ʋuye ʋarairi ʋakaŋga ʋari shure kwaʋose ʋeimba yaJuda.

¹⁷Ʋaiʋaka ruȿiŋgo, naʋaitakura mitoro, ʋaitutira; mumŋe nomumŋe wakaɓata noruʋoko rwake rumŋe paɓasa, asi norumŋe wakaŋga akaɓata nhumbi yake yokurwa nayo;

¹⁸ʋuye ʋaʋaki mumŋe nomumŋe wakaŋga anomunondo wake wakasuŋgirwa paciʋuno cake; ʋakaʋaka saiɀoɀo. Muridzi wehwamanda wakamira neni.

¹⁹Ndikati kuʋakuru nokuʋaɓati nokunaʋamŋe ʋanhu: Muɓato mukuru wakapararira, isu takataraŋgana pamsoro poruȿiŋgo, mumŋe ari kure nomumŋe;

²⁰papi napapi pamunonzwa kurira kwehwamanda, ʋuyai ikoko kwatiri; Mŋari weɗu ucatirwira.

²¹Tikaɓata paɓasa saiɀoɀo; hafu yaʋo ʋaiɓata minondo kubva maŋgwanani kuȿikira nyeredzi dziciɓuɗa.

²²Neŋguʋa iyo ndikati kuʋanhu: Mumŋe nomumŋe anomuranda wake ŋgaaʋate muJerusarema, kuti ʋatirinde ʋusiku, ʋaɓate masikati.

²³Naiɀoɀo ini, kunyaŋge hama dzaŋgu, kana ʋaranda ʋaŋgu, kana ʋarindi ʋainditeʋera, hakuna‐nomumŋe weɗu wakabvisa ŋguʋo dzake, mumŋe nomumŋe wakandonwa mvura nenhumbi dzake dzokurwa nadzo.