Read Original Shona Union Bible 1949 Baiberi Magwaro Matȿene aMŋari Nehemia 5 Bible Online

Nehemia 5 - Original Shona Union Bible 1949 Baiberi Magwaro Matȿene aMŋari bible

Nehemia 5

¹Ɀino kunyunyuta kukuru kwakamuka pakati paʋanhu naʋakadzi ʋaʋo pamsoro pehama dzaʋo ʋaJuda. [kuteŋgesa]

²Nokuti ʋamŋe ʋakati: Isu naʋanakomana ʋeɗu tiri ʋazhinji; ŋgatipiwe ɀiyo, tidye, tirarame.

³Ʋamŋe ɀe ʋakati: Isu takaita minda yeɗu ruɓatso, neminda yeɗu yemizambiriŋga, nedzimba dzeɗu; ŋgatipiwe ɀiyo, nokuɗa kwenzara ino.

⁴Ʋamŋe ɀe ʋakati: Takakwereta mari, yokuripira nayo mutero wamambo, tikaita minda yeɗu ruɓatso, neminda yeɗu yemizambiriŋga.

⁵Kunyaŋge ɀakaɗaro ɀino miʋiri yeɗu yakafanana nemiʋiri yehama dzeɗu, naʋana ʋeɗu ʋakafanana naʋana ʋaʋo; tarirai, tosuŋga ʋanakomana ʋeɗu naʋakunda ʋeɗu, ʋaʋe ʋaranda; ʋamŋe ʋakunda ʋeɗu ʋatosuŋgwa, isu hatinesimba rokuɀidziʋisa, nokuti minda yeɗu neminda yeɗu yemizambiriŋga yatoʋa yaʋamŋe.

⁶Ipapo ndakatsamŋa kwaɀo ndicinzwa kucema kwaʋo namashoko iwayo.

⁷Ɀino ndakaraŋgarira mumŋoyo maŋgu, ndikaita nharo naʋakuru naʋarairi, ndikati kwaʋari: Imi munoreʋa mhindu, mumŋe nomumŋe pahama yake. Ipapo ndikakoka ʋuŋgano huru pamsoro paʋo.

⁸Ndikati kwaʋari: Isu takadzikinura hama dzeɗu ʋaJuda dzakaŋga dzateŋgeswa kuʋahedeni patakagona napo; ɀino imi moɗa‐kuteŋgesa hama dzenyu, moɗa kuti dziteŋgeswe kwatiri here? Ipapo ʋakaramba ʋanyerere, ʋakashaiwa neshoko cose.

⁹Ndikati ʋo: Cinhu camunoita cakaipa; ko hamufaniri kufamba mucitya Mŋari weɗu, kuti tirege kushoʋorwa naʋaʋeŋgi ʋeɗu ʋahedeni?

¹⁰Neni ʋo, nehama dzaŋgu naʋaranda ʋaŋgu, takaʋapa cikwerete cemari neɀiyo, ticireʋa mhindu. Haiwa, ŋgatirege mhindu iyo.

¹¹Dzoserai henyu kwaʋari ikonhasi minda yaʋo, neminda yaʋo yemizambiriŋga, neminda yaʋo yemiorivi, nedzimba dzaʋo, ʋuye nomugoʋe wezana wemari, neɀiyo, newaini, namafuta, wamakatora kwaʋari iri mhindu.

¹²Ipapo ʋakati: Ticaɀidzosa, hatiŋgareʋi cinhu kwaʋari; seɀamunotaura, ndiɀo ɀaticaita. Ɀino ndakaɗana ʋaprista, ndikaʋapikisa kuti ʋacaita iɀoɀo ɀakapikirwa.

¹³Ndikazuza ʋo ŋguʋo dzaŋgu, ndikati: Mŋari ŋgaazuze mumŋe nomumŋe usiŋgaiti iɀoɀo ɀakapikirwa abve paimba yake napaɓasa rake; ŋgaazuzwe nokuɗururwa saiɀoɀo. Ipapo ʋuŋgano yose yakati: Ameni! ʋakarumbidza Jehova. Ʋanhu ʋakaita iɀoɀo ɀakapikirwa.

¹⁴Ʋuye ɀe, kubva paŋguʋa yandakaitwa muɓati waʋo panyika yaJuda, kubva pagore ramakumi maʋiri kuȿikira pagore ramakumi matatu namaʋiri ramambo Artashasta, iwo makore anegumi namaʋiri, ini nehama dzaŋgu hatina‐kudya ɀokudya ɀomuɓati.

¹⁵Asi ʋaɓati ʋokutaŋga, ʋakanditaŋgira, ʋairemedza ʋanhu, ʋacitora kwaʋari ɀokudya newaini, ʋuye ʋo mashekeri esirveri anamakumi manna[2]; naʋaranda ʋaʋo ʋo ʋaiɓata ʋanhu nehasha; asi ini handina‐kuita saiɀoɀo, nokuti ndakatya Mŋari.

¹⁶Ʋuye, ndakarambira paɓasa roruȿiŋgo urwu, hatina‐kutoŋgoteŋga nyika: naʋaranda ʋaŋgu ʋose ʋakaŋga ʋakaʋuŋgana ʋo paɓasa.

¹⁷Ʋuye patafura yaŋgu pakaŋga panaʋaJuda naʋaɓati, ʋarume ʋanezana namakumi mashanu, aʋo ʋaiʋuya kwatiri ʋacibva kuʋahedeni ʋakaŋga ʋakatipoteredza ʋasiŋgaʋereŋgwi.

¹⁸Ɀino zuʋa rimŋe nerimŋe kwaigadzirwa nzombe imŋe, namakwai matanhatu akatsaurwa; ndaigadzirirwa ʋo huku, ʋuye kamŋe pamazuʋa anegumi waini zhinji yamarudzi ose; kunyaŋge ɀakaɗaro handina‐kukumbira ɀokudya ɀomuɓati, nokuti ʋanhu aʋa ʋakaŋga ʋaciremedzwa kwaɀo noʋuranda.

¹⁹Ndiraŋgarirei, Mŋari waŋgu, mundiitire ɀakanaka nokuɗa kweɀose ɀandakaitira rudzi urwu.