Read Original Shona Union Bible 1949 Baiberi Magwaro Matȿene aMŋari Nehemia 8 Bible Online

Nehemia 8 - Original Shona Union Bible 1949 Baiberi Magwaro Matȿene aMŋari bible

Nehemia 8

¹Ɀino ʋanhu ʋose ʋakaʋuŋgana nomŋoyo mumŋe paɗare rakaŋga riri pamberi pesuʋo remvura; ʋakaʋudza Ezra munyori kuti aʋuye nebuku yomurairo waMosesi, wakaŋga warairwa ʋaIsraeri naJehova.

²Ezra muprista ndokuʋuya nomurairo pamberi peʋuŋgano yaʋarume naʋakadzi, naʋose ʋakaŋga ʋacigona kunzwisisa, nezuʋa rokutaŋga romŋedzi wecinomŋe.

³Akaraʋa’mo paɗare rakaŋga riri pamberi pesuʋo remvura, kubva maŋgwanani kuȿikira masikati, pamberi paʋarume naʋakadzi naʋose ʋakaŋga ʋacigona kunzwisisa; nzeʋe dzaʋanhu ʋose dzikaterera mashoko ebuku yomurairo.

⁴Ezra munyori akamira pakakwirira pakaŋga pakaʋakirwa iɀoɀo namatanda; ʋuye Matitia, naShema, naAnaya, naUria, naHirkiya naMaaseya ʋakamira kurutiʋi rwake rworudyi, naPedaya, naMishaeri, naMarkiya, naHashumi, naHashbadana, naZekaria, naMeshurami ʋakamira kuruɓoshwe rwake.

⁵Ezra akazarura buku pamberi paʋanhu ʋose; (nokuti wakaŋga amire kumsoro kwaʋanhu ʋose;) ɀino wakati aciizarura ʋanhu ʋose ndokusimuka.

⁶Ipapo Ezra akaʋoŋga Jehova, Mŋari mukuru. Ʋanhu ʋose ʋakapindura, ʋaciti: Ameni, Ameni, ʋacisimudza maʋoko aʋo; ipapo ʋakakotamisa misoro yaʋo, ʋakanamata kunaJehova ɀiso ɀaʋo ɀakatarira pasi.

⁷Jeshua, naBani, naSherebia, naJamini, naAkubi, naShabetai, naHodia, naMaaseya, naKerita, naAzaria, naJozabadi, naHanani, naPeraya, naʋaRevi ʋakaɗudzira ʋanhu mirairo; ʋanhu ʋakaramba ʋamire panɀimbo yaʋo.

⁸Ʋakaraʋa ɀicinzwika kwaɀo mubuku yomurairo waMŋari; ʋakaɀiɗudzira, ʋakanzwisisa ɀinorabga.

⁹Ipapo muɓati Nehemia, nomuprista Ezra munyori, naʋaRevi ʋakadzidzisa ʋanhu, ʋakati kuʋanhu ʋose: Zuʋa rino idɀene kunaJehova Mŋari wenyu; musawuŋgudza nokucema; nokuti ʋanhu ʋose ʋakacema ʋacinzwa mashoko omurairo.

¹⁰Ipapo akati kwaʋari: Endai henyu, mudye ɀakakora, nokunwa ɀinozipa, mugotumira ʋo migoʋe kunaʋasina‐kugadzirirwa cinhu; nokuti zuʋa rino idɀene kunaShe weɗu; musaʋa neshuŋgu, nokuti mufaro waJehova isimba renyu.

¹¹Naiɀoɀo ʋaRevi ʋakanyaradza ʋanhu ʋose, ʋaciti: Nyararai henyu, nokuti izuʋa dɀene; musaʋa neshuŋgu.

¹²Ipapo ʋanhu ʋose ʋakaenda kundodya nokunwa, nokutumira ʋamŋe migoʋe, nokufara kwaɀo; nokuti ʋakaŋga ʋanzwisisa mashoko aʋakaparidzirwa.

¹³Ɀino pazuʋa recipiri ʋakuru ʋedzimba dzamadziɓaɓa aʋanhu ʋose, naʋaprista, naʋaRevi, ʋakaʋuŋganira kunaEzra munyori, kuzoterera mashoko omurairo.

¹⁴Ʋakawana pakanyorwa mumurairo, kuti Jehova wakaraira Mosesi, kuti ʋana ʋaIsraeri ʋanofanira kugara pamatumba pamutambo womŋedzi wecinomŋe;

¹⁵ʋuye kuti ʋanofanira kuziʋisa nokuparidza shoko iro pamaguta aʋo ose, napaJerusarema, ʋaciti: Ƃuɗirai kugomo, mundotora mataʋi emiorivi, namataʋi emiorivi yomusaŋgo, namataʋi emimirte, namataʋi emicindwe, namataʋi emiti mikobvu, kuti muite matumba seɀakanyorwa.

¹⁶Naiɀoɀo ʋanhu ʋakaɓuɗa, ʋakaʋuya nawo, ʋakaɀiitira matumba, mumŋe nomumŋe pamsoro peɗeŋga reimba yake, napaʋazhe dzaʋo, napaʋazhe dzeimba yaMŋari, napaɗare resuʋo remvura, napaɗare resuʋo raEfraimi.

¹⁷Ʋuŋgano yose yaʋakaŋga ʋakadzoka pakutapxa ʋakaita matumba, ʋakagara pamatumba; nokuti kubva pamazuʋa aJoshua mŋanakomana waNuni kuȿikira pazuʋa iro, ʋana ʋaIsraeri ʋakaŋga ʋasina‐kuita iɀoɀo. Pakaʋa nomufaro mukuru.

¹⁸Ʋuye zuʋa rimŋe nerimŋe, kubva pazuʋa rokutaŋga kuȿikira pazuʋa rokupedzisira, wakaraʋa pabuku yomurairo waMŋari. Ʋakaita mutambo mazuʋa manomŋe; pazuʋa rorusere ʋakaita ʋuŋgano yokupedzisira, seɀakaŋga ɀatemŋa.