Read Original Shona Union Bible 1949 Baiberi Magwaro Matȿene aMŋari Estere 1 Bible Online

Estere 1 - Original Shona Union Bible 1949 Baiberi Magwaro Matȿene aMŋari bible

Estere 1

¹Ɀino pamazuʋa aAhashveroshi, (ndiye Ahashveroshi waiɓata ʋushe kubva paIndia kuȿikira Etiopia, pamatiʋi enyika anezana namakumi maʋiri namanomŋe;)

²pamazuʋa iwayo mambo Ahashveroshi agere pacigaro cake coʋushe cakaŋga ciri paShushani panhare yamambo,

³pagore recitatu rokuɓata kwake ʋushe, wakaitira macinda ake ose naʋaranda ʋake mutambo; hondo dzePersia neMedia, naʋakuru namacinda enyika ʋakaŋga ʋari pamberi pake.

⁴Akaʋaratidza fuma yoʋushe bgake bgakarumbidzwa, nokukudzwa kwoʋumambo bgake bgakaiȿo‐naka mazuʋa mazhinji, ari mazuʋa anezana namakumi masere.

⁵Ɀino mazuʋa iwayo akati apera, mambo akaitira mutambo ʋanhu ʋose ʋakaŋga ʋari paShushani panhare yamambo, ʋakuru naʋaɗuku, mazuʋa manomŋe paruʋazhe rwomunda panhare yamambo;

⁶pakaŋga panemiceka micena nemipfumbu nemitema yakaŋga yakasuŋgwa neɀisuŋgo ɀemiceka yakaiȿonaka nemishaʋa paɀindori ɀesirveri nembiru dzamabge macena; ɀigaro ɀakaŋga ɀiri ɀendarama nesirveri ɀakagadzikwa paguʋa rakaitwa namabge matȿuku, namacena, namashora, namatema.

⁷Ʋakapiwa ɀokunwa mumikombe yendarama, (asi mikombe yakaŋga isinakufanana), newaini yamambo zhinji, mambo asiŋgaʋanyimi napaɗuku.

⁸Ʋakanwa nomurairo wokuti munhu arege kuroʋererwa; nokuti mambo wakaŋga araira ʋaranda ʋose ʋeimba yake, kuti ʋaitire mumŋe nomumŋe seɀaakaŋga aciɗa nomŋoyo wake.

⁹Naʋahosi Vashti ʋakaitira ʋo ʋakadzi mutambo paimba yamambo yakaŋga iri yamambo Ahashveroshi.

¹⁰Ɀino nezuʋa recinomŋe mŋoyo wamambo wakati ucifara newaini, akaraira Mehumani, naBizta, naHarbona, naBigta, naAbagta, naZetari, naKarkasi, iʋo ʋaranda ʋanomŋe ʋaiɓata pamberi pamambo Ahashveroshi,

¹¹kuti ʋaʋuye naʋahosi Vashti pamberi pamambo, ʋanekorona yoʋuhosi, kuti ʋanhu namacinda ʋaʋone kunaka kwaʋo; nokuti ʋakaŋga ʋakanaka pakuʋonekwa.

¹²Asi ʋahosi Vashti ʋakaramba kuʋuya seɀaʋakaŋga ʋarairwa namambo nomuromo waʋaranda; ipapo mambo akatsamŋa kwaɀo, shuŋgu dzake dzikamuka mukati make.

¹³Ipapo mambo akati kuʋarume ʋakaŋgwara ʋaiziʋa ŋguʋa, (nokuti saiɀoɀo mambo wairaŋgana naʋose ʋaiziʋa murau neɀakatoŋgwa;

¹⁴ʋakaŋga ʋagere peɗo naye ʋaiʋa Karshena, naShetari, naAdmata, naTarshishi, naMeresi, naMarsena, naMemukani, iwo macinda manomŋe ePersia neMedia, ʋaisiʋonana namambo, ʋaigara paɀigaro ɀokutaŋga paʋushe;)

¹⁵akati: Murairo unoti kuɗini, ticaitireiko ʋahosi Vashti, ɀaʋakaramba kuita seɀaʋakarairwa namambo Ahashveroshi nomuromo waʋaranda?

¹⁶Ipapo Memukani akapindura mambo namacinda, akati: Ʋahosi haʋana‐kutadzira mambo ɓedzi, asi namacinda ose ʋo, naʋanhu ʋose ʋari munyika dzose dzamambo Ahashveroshi.

¹⁷Nokuti ici cakaitwa naʋahosi cicapararira pakati paʋakadzi ʋose, ɀino ʋacashoʋora ʋarume ʋaʋo, kana ɀicinzi: Mambo Ahashveroshi wakaraira ʋahosi Vashti kuti ʋaʋuyiswe pamberi pake, asi ʋakaramba kuʋuya.

¹⁸Nhasi ʋakadzi ʋamacinda ePersia neMedia, akanzwa ɀakaitwa naʋahosi, acataura ʋo ɀakaɗaro kumacinda ose amambo. Naiɀoɀo kushoʋora nokutsamŋa kukuru kucamuka.

¹⁹Kana mambo acifara naɀo, mambo ŋgaateme murairo unesimba ramambo, unyorwe pamirairo yaʋaPersia naʋaMedia, urege kushandurwa, kuti Vashti arege kuzoʋuya ɀe pamberi pamambo Ahashveroshi; mambo ŋgaape mumŋe wakanaka kupfuʋura iye ʋuhosi bgake.

²⁰Ɀino kana cireʋo camambo caʋacatema, cikaparidzwa paʋushe bgake bgose, (nokuti ʋukuru kwaɀo,) ʋakadzi ʋose ʋacakudza ʋarume ʋaʋo, ʋose ʋakuru naʋaɗuku.

²¹Shoko iro rikafadza mambo namacinda; mambo ndokuita seɀakarebga naMemukani;

²²nokuti wakatuma ŋwadi kumatiʋi ose enyika dzose dzamambo, ɗiʋi rimŋe nerimŋe renyika nomunyorere wayo, norudzi rumŋe norumŋe norurimi rwarwo, kuti murume mumŋe nomumŋe aʋe murairi mumba make, ataure norurimi rwake.