Read Original Shona Union Bible 1949 Baiberi Magwaro Matȿene aMŋari Estere 6 Bible Online

Estere 6 - Original Shona Union Bible 1949 Baiberi Magwaro Matȿene aMŋari bible

Estere 6

¹Ɀino ʋusiku ubgo mambo wakashaiwa hope, akaraira kuti ʋaʋuye nebuku yamashoko amakoronike, akaraʋirwa mambo.

²Ʋakawana kuti pakanyorwa kuti Mordekai wakaɗeya kuziʋisa mashoko aBigtana naTereshi, ʋaranda ʋaʋiri ʋamambo pakati paʋarindi ʋomukoʋa, ʋakatȿaka kuʋuraya mambo Ahashveroshi.

³Ipapo mambo akati: Mordekai wakakudzwa nokurumbidzwa seiko pamsoro pecinhu ici? Ʋaranda ʋamambo ʋaimuɓatira ʋakati: Haana‐caakaitirwa.

⁴Mambo akati: Ndianiko uri paruʋazhe? Ɀino Hamani wakaŋga apinda paruʋazhe rwokunze rweimba yamambo, aciɗa kukumbira kunamambo kuti Mordekai asuŋgirirwe pamatanda aakaŋga amugadzirira.

⁵Ʋaranda ʋamambo ʋakati kwaari: Tarirai, Hamani umire paruʋazhe. Mambo akati: Ŋgaapinde.

⁶Naiɀoɀo Hamani akapinda. Mambo akati kwaari: Munhu mambo waanoɗa kumukudza uŋgaitirweiko? Ɀino Hamani akati mumŋoyo make: Mambo ʋaŋgaɗa kukudza aniko, asi ini?

⁷Hamani akati kunamambo: Iye munhu mambo waanoɗa kukudza,

⁸ŋgaatorerwe ŋguʋo dzoʋushe, idzo dzinosifukwa namambo, nebiza rinositaȿwa namambo, nekorona yoʋushe inosidzikwa pamusoro wake;

⁹ɀino ŋguʋo nebiza ŋgaɀiiswe pamaʋoko omumŋe wamacinda amambo unokudzwa kwaɀo, kuti ʋafukidze munhu uyo mambo waanoɗa kukudza, ʋagomufambisa munzira dzomuguta, akataȿa biza, ʋaɗanidzire pamberi pake, ʋaciti: Munhu mambo waanoɗa kukudza ŋgaaitirwe saiɀoɀo.

¹⁰Ipapo mambo akati kunaHamani: Cimbidzika utore ŋguʋo nebiza, seɀawataura, undoitira Mordekai muJuda saiɀoɀo, iye ugere pasuʋo ramambo; usarega shoko rimŋe pamashoko ose awataura.

¹¹Ɀino Hamani akatora ŋguʋo nebiza, akafukidza Mordekai, akamufambisa panzira dzomuguta akataȿa biza, akaɗanidzira pamberi pake, aciti: Ndiɀo ɀicaitirwa munhu uyo mambo waanoɗa kukudza.

¹²Ɀino Mordekai akadzokera kusuʋo ramambo. Asi Hamani wakacimbidzika kuenda kumba kwake acicema, akafukidza musoro wake.

¹³Hamani akarondedzera kunaZereshi mukadzi wake neshamŋari dzake dzose ɀose ɀaakaitirwa. Ipapo shamŋari dzake dzakaŋgwara naZereshi mukadzi wake ʋakati kwaari: Kana Mordekai uyu wawakataŋga kuwa pamberi pake ari worudzi rwaʋaJuda, hauŋgakundi, asi ɀirokwaɀo ucawa pamberi pake.

¹⁴Ʋakati ʋacataura naye, ʋaranda ʋamambo ʋakaȿika, ʋakacimbidzika kuenda naHamani kumafundo akaŋga agadzirwa naEstere.