Read Original Shona Union Bible 1949 Baiberi Magwaro Matȿene aMŋari Estere 9 Bible Online

Estere 9 - Original Shona Union Bible 1949 Baiberi Magwaro Matȿene aMŋari bible

Estere 9

¹Ɀino nomŋedzi wegumi nemiʋiri, iwo mŋedzi weAdari, nezuʋa regumi namatatu, ŋguʋa yakati yasweɗera yokuti murairo wamambo necireʋo cake ɀiitwe, pazuʋa rakafuŋga ʋaʋeŋgi ʋaʋaJuda kuʋamukira naro; asi ɀakashandurwa, nokuti ʋaJuda ʋakamukira ʋaʋeŋgi ʋaʋo;

²ʋaJuda ʋakaʋuŋgana pamaguta aʋo pamatiʋi ose enyika dzamambo Ahashveroshi, kuti ʋaʋuraye aʋo ʋakatȿaka kuʋaitira ɀakaipa; hakuna‐wakaŋga acigona kuʋadziʋisa, nokuti ʋanhu ʋose ʋakaʋatya.

³Macinda ose amatiʋi enyika, namacinda makuru, naʋaɓati, ʋaiɓate‐ɓasa ramambo, ʋakaɓatsira ʋaJuda; nokuti ʋakatya Mordekai.

⁴Nokuti Mordekai wakaŋga ari mukuru paimba yamambo, nembiri yake yakaŋga yaȿika kumatiʋi ose enyika; nokuti murume uyu Mordekai wakaramba acikura.

⁵ƲaJuda ʋakaparadza ʋaʋeŋgi ʋaʋo ʋose, nokuʋatema neminondo, nokuʋaʋuraya, nokuʋaparadza, ʋakaitira ʋaʋeŋgi ʋaʋo seɀaʋaiɗa.

⁶NapaShushani nhare yamambo, ʋaJuda ʋakaʋuraya nokuparadza ʋarume ʋanamazana mashanu.

⁷Parshandata, naDarfoni, naAspata,

⁸naPorata, naAdaria, naAridata,

⁹naParmashta, naArisai, naAridai, naVaizata,

¹⁰iʋo ʋanakomana ʋanegumi ʋaHamani mŋanakomana waHamedata, muʋeŋgi waʋaJuda, ʋakaʋaʋuraya ʋo; asi haʋana‐kupambara nhumbi dzaʋo.

¹¹Pazuʋa iro kuwanda kwaʋakaʋurawa paShushani nhare yamambo kwakaʋereŋgwa kukaiswa kunamambo.

¹²Ipapo mambo akati kunaʋahosi Estere: ƲaJuda ʋaʋuraya nokuparadza paShushani nhare yamambo, ʋarume ʋanamazana mashanu, naʋanakomana ʋanegumi ʋaHamani; ndoɗa ɀaʋakaita kunamamŋe matiʋi enyika yamambo! Ɀino cinyiko caunonyeŋgetera? Ucaɀipiwa. Kana cinyiko caunokumbira ɀino? Ɀicaitwa.

¹³Ipapo Estere akati: Kana mambo acifara naɀo, ʋaJuda ʋari paShushani ŋgaʋatenderwe kuita maŋgwana ʋo necireʋo canhasi, naʋanakomana ʋaHamani ʋanegumi ʋasuŋgirirwe pamatanda.

¹⁴Ipapo mambo akaraira kuti ɀiitwe saiɀoɀo; cireʋo cikatemŋa paShushani, ʋakasuŋgirira ʋanakomana ʋaHamani ʋanegumi.

¹⁵ƲaJuda ʋaiʋa paShushani ʋakaʋuŋgana ɀe nezuʋa regumi namanna romŋedzi weAdari, ʋakaʋuraya ʋarume ʋanamazana matatu paShushani, asi haʋana‐kupambara nhumbi.

¹⁶Naʋamŋe ʋaJuda ʋaiʋa pamatiʋi enyika yamambo ʋakaʋuŋgana, ʋakarwira ʋupenyu bgaʋo, ʋakazorora paʋaʋeŋgi ʋaʋo, ʋakaʋuraya pakati paʋaʋeŋgi ʋaʋo ʋaneɀuru ɀinamakumi manomŋe neɀishanu; asi haʋana‐kupambara nhumbi.

¹⁷Iɀoɀo ɀakaitwa nezuʋa regumi namatatu romŋedzi weAdari, ʋakazorora nezuʋa regumi namanna, ʋakariita zuʋa romutambo neromufaro.

¹⁸Asi ʋaJuda ʋaiʋa paShushani ʋakaʋuŋgana pazuʋa regumi namatatu napazuʋa regumi namanna romŋedzi iwoyo; nezuʋa regumi namashanu romŋedzi uyo ʋakazorora, ʋakariita zuʋa romutambo neromufaro.

¹⁹Naiɀoɀo ʋaJuda ʋemisha, ʋanogara pamisha isina‐kukombga namaȿiŋgo, ʋanoita zuʋa regumi namanna romŋedzi weAdari zuʋa romufaro neromutambo, ʋuye zuʋa rakanaka, nerokutumirana ɀinonaka.

²⁰Ɀino Mordekai wakanyora ɀinhu iɀo, akatuma ŋwadi kuʋaJuda ʋose ʋakaŋga ʋari pamatiʋi ose enyika yamambo Ahashveroshi, pedyo nokure,

²¹akaʋaraira kuti ʋaraŋgarire zuʋa iro regumi namanna romŋedzi weAdari, nezuʋa regumi namashanu rawo, gore rimŋe nerimŋe,

²²nokuti ndiwo mazuʋa ʋaJuda aʋakazorodzwa nawo paʋaʋeŋgi ʋaʋo, nomŋedzi waʋakashandurirwa nawo kucema kwaʋo ukaʋa mufaro, ʋuye zuʋa rokucema rikaʋa zuʋa rakanaka; ʋuye kuti ʋaaite mazuʋa omutambo noomufaro, nookutumirana ɀinonaka ʋuye ɀipo kuʋarombo.

²³ƲaJuda ʋakatenda kuita nomutoʋo waʋakataŋga nawo, seɀaʋakanyorerwa naMordekai;

²⁴nokuti Hamani mŋanakomana waHamedata muAgagi, muʋeŋgi waʋaJuda ʋose, wakaŋga afuŋga zano rokuparadza ʋaJuda, akakanda Puri, ndiyo mijenya, kuʋapedza nokuʋaparadza;

²⁵asi shoko iri rakati riciȿika kunamambo, iye ndokuraira neŋwadi kuti zano iri rake rakaipa raakafuŋga pamsoro paʋaJuda, ridzoserwe pamusoro wake, ʋuye kuti iye naʋanakomana ʋake ʋasuŋgirirwe pamatanda.

²⁶Naiɀoɀo ʋakatumidza zita ramazuʋa iwayo Purimi nezita rePuri. Ɀino nokuɗa kwamashoko ose eŋwadi iyo, neɀaʋakaʋona pamsoro pecinhu ico, neɀaʋakaitirwa,

²⁷ʋaJuda ʋakatema cireʋo ʋakaɀisuŋga, kuti iʋo naʋana ʋaʋo, naʋose ʋaizoɀiisa kwaʋari, haʋaŋgatoŋgoregi kuraŋgarira mazuʋa iwayo maʋiri, seɀakaŋga ɀanyorwa pamsoro pawo, ʋuye paŋguʋa yakaŋga yatarwa gore rimŋe nerimŋe;

²⁸ʋuye kuti mazuʋa iwayo araŋgarirwe nokutambga pakati porudzi rumŋe norumŋe, nemhuri imŋe neimŋe, norutiʋi rumŋe norumŋe rwenyika, neguta rimŋe nerimŋe; ʋuye kuti mazuʋa iwayo ePurimi arege kutoŋgoregwa pakati paʋaJuda, araŋgarirwe nokusiŋgaperi pakati paʋana ʋaʋo.

²⁹Ipapo ʋahosi Estere, mukunda waAbihairi, naMordekai muJuda, ʋakanyora nesimba raʋo rose ʋakasimbisa ŋwadi iyo yecipiri yePurimi.

³⁰Akatuma ŋwadi kuʋaJuda, ʋose ʋakaŋga ʋari pamatiʋi anezana namakumi maʋiri namanomŋe enyika yamambo Ahashveroshi, akaŋga anamashoko orugare neɀokwaɗi,

³¹kuzosimbisa mazuʋa iwayo ePurimi paŋguʋa dzawo dzakatarwa, seɀaʋakarairwa naMordekai muJuda naʋahosi Estere, ʋuye seɀaʋakaŋga ʋaɀisuŋga iʋo naʋana ʋaʋo pamsoro peshoko rokuɀinyima ɀokudya nerokucema kwaʋo.

³²Murairo waEstere ukasimbisa mashoko iwayo ePurimi; ɀikanyorwa mubuku.