Read Original Shona Union Bible 1949 Baiberi Magwaro Matȿene aMŋari Eksodo 14 Bible Online

Eksodo 14 - Original Shona Union Bible 1949 Baiberi Magwaro Matȿene aMŋari bible

Eksodo 14

¹Ɀino Jehova akataura naMosesi, akati:

²Ʋudza ʋana ʋaIsraeri kuti ʋadzoke, ʋaʋake misasa yaʋo pamberi paPihahiroti, pakati peMigdori neguŋgwa, pamberi peBaari‐zefoni; muʋake misasa yenyu paguŋgwa pakatarisana napo.

³Ɀino Farao ucati pamsoro paʋana ʋaIsraeri: Ʋarasha nzira panyika, renje raʋadziʋirira.

⁴Ndicawomesa mŋoyo waFarao kuti aʋateʋerere; ini ndicakudzwa pamsoro paFarao napahondo yake yose; ʋaEgipita ʋacaziʋa kuti ndini Jehova. Ʋakaita saiɀoɀo.

⁵Ɀino mambo weEgipita wakaʋudzwa kuti ʋanhu ʋatiza; mŋoyo waFarao nowaʋaranda ʋake ukashandukira ʋanhu, ʋakati: Taita seiko ɀatatendera ʋaIsraeri ʋakaŋga ʋacitiɓatira kuti ʋaende?

⁶Ɀino akagadzira ŋgoro yake, akaenda naʋanhu ʋake;

⁷akatora ŋgoro dzakatsaurwa dzinamazana matanhatu, neŋgoro dzose dzeEgipita, dzinaʋatariri ʋadzo dzose.

⁸Jehova akawomesa mŋoyo waFarao, mambo weEgipita, akateʋerera ʋana ʋaIsraeri, nokuti ʋana ʋaIsraeri ʋakaŋga ʋaɓuɗa noruʋoko runesimba.

⁹ƲaEgipita ʋakaʋateʋerera namabiza ose neŋgoro dzaFarao, naʋataȿi ʋake ʋamabiza, nehondo yake, ʋakaʋaɓata ʋaciri pamisasa paguŋgwa, paPihahiroti pamberi peBaari‐zefoni.

¹⁰Ɀino Farao wakati aȿika pedyo, ʋana ʋaIsraeri ʋakasimudza meso aʋo, ʋakaʋona ʋaEgipita ʋaciʋateʋerera, ʋakatya kwaɀo; ʋana ʋaIsraeri ʋakacema kunaJehova.

¹¹Ʋakati kunaMosesi: Makaŋga muciti hamunamabgiro paEgipita, mukatibvisa’ko kuti tifire murenje here? Makatiitireiko ɀamatiɓuɗisa paEgipita?

¹²Ko harizi shoko iro ratakakuʋudzai paEgipita here, ticiti: Tiregei, tiɓatire heɗu ʋaEgipita? Nokuti ɀiri nani kuti tiɓatire ʋaEgipita, pakuti tifire murenje.

¹³Ɀino Mosesi akati kuʋanhu: Musatya henyu, mirai, mugoʋona sunuŋguro yaJehova, yaacakuitirai nhasi, nokuti ʋaEgipita ʋamaʋona nhasi, hamuŋgazoʋaʋoni ɀe nokusiŋgaperi.

¹⁴Jehova ucakurwirai, imi munofanira kunyarara henyu.

¹⁵Ɀino Jehova akati kunaMosesi: Unoɗanidzireiko kwandiri? Ʋudza ʋana ʋaIsraeri kuti ʋapfuʋurire mberi.

¹⁶Iwe simudza tȿimbo yako, utambanudzire ruʋoko rwako pamsoro peguŋgwa, uritsemure napakati, kuti ʋana ʋaIsraeri ʋafambe pakawoma mukati meguŋgwa.

¹⁷Tarira, ndicawomesa mŋoyo yaʋaEgipita, kuti ʋapinde ʋo ʋaciʋateʋerera, ini ndizokudzwa pamsoro paFarao napamsoro pehondo yake yose, napamsoro peŋgoro dzake, napamsoro paʋataȿi ʋake ʋamabiza.

¹⁸Ipapo ʋaEgipita ʋacaziʋa kuti ndini Jehova, kana ndakudzwa pamsoro paFarao, napamsoro peŋgoro dzake, napamsoro paʋataȿi ʋake ʋamabiza.

¹⁹Ɀino mutumŋa waMŋari, wakaŋga akatuŋgamirira hondo yaʋaIsraeri, wakabva’po, akaenda shure kwaʋo; shoŋgwe yegore ikabva mberi kwaʋo, ikandomira shure kwaʋo.

²⁰Ikapinda pakati pemisasa yaʋaEgipita nemisasa yaʋaIsraeri; gore nerima, ɀikaʋa’po asi rakavenekera ʋusiku; haʋana‐kusweɗerana ʋusiku bgose.

²¹Ɀino Mosesi akatambanudzira ruʋoko rwake pamsoro peguŋgwa, Jehova akadziŋga guŋgwa nemhepo inesimba, yakabva mabvazuʋa ʋusiku bgose, akashandura guŋgwa, rikaita ivu rakawoma, mvura ikatsemuka.

²²Ɀino ʋana ʋaIsraeri ʋakapinda nomukati meguŋgwa pakawoma, mvura ikaʋaitira madziro kurudyi rwaʋo nokuruɓoshwe rwaʋo.

²³ƲaEgipita ʋakaʋateʋerera, ʋakapinda shure kwaʋo mukati meguŋgwa namabiza aFarao ose, neŋgoro dzake naʋataȿi ʋake ʋamabiza.

²⁴Maŋgwanani Jehova akatarira hondo yaʋaEgipita, ari mushoŋgwe yomŋoto neyegore, akavundusa hondo yaʋaEgipita.

²⁵Akanyudza makumbo eŋgoro dzaʋo, dzikatambudzika pakufamba; ʋaEgipita ʋakazoti: Ŋgatitize pamberi paʋaIsraeri, nokuti Jehova unoʋarwira iʋo, asi unorwa naʋaEgipita.

²⁶Ɀino Jehova akati kunaMosesi: Tambanudzira ruʋoko rwako pamsoro peguŋgwa, kuti mvura idzokere pamsoro paʋaEgipita, napamsoro peŋgoro dzaʋo, napamsoro paʋataȿi ʋaʋo ʋamabiza.

²⁷Mosesi akatambanudzira ruʋoko rwake pamsoro peguŋgwa, guŋgwa rikadzokera kwakare kwoedza; ʋaEgipita ʋakatizira mukati maro; Jehova akaparadza ʋaEgipita mukati meguŋgwa;

²⁸mvura ikadzoka, ikafukidza ŋgoro, naʋataȿi ʋamabiza, nehondo yose yaFarao yakaŋga yapinda muguŋgwa iciʋateʋerera; hakuna‐kusara kunyaŋge nomumŋe waʋo.

²⁹Asi ʋana ʋaIsraeri ʋakafamba pakawoma mukati meguŋgwa; mvura ikaʋaitira madziro kurudyi rwaʋo nokuruɓoshwe rwaʋo.

³⁰Jehova akarwira ʋaIsraeri saiɀoɀo nomusi iwoyo pamaʋoko aʋaEgipita; ʋaIsraeri ʋakaʋona ʋaEgipita ʋakaŋga ʋafa pamhenderekedzo dzeguŋgwa.

³¹Ipapo ʋana ʋaIsraeri ʋakaʋona ɓasa guru rakaŋga raitirwa ʋaEgipita naJehova, ʋanhu ʋakatya Jehova, ʋakatenda Jehova naMosesi muranda wake.