Read Original Shona Union Bible 1949 Baiberi Magwaro Matȿene aMŋari Eksodo 15 Bible Online

Eksodo 15 - Original Shona Union Bible 1949 Baiberi Magwaro Matȿene aMŋari bible

Eksodo 15

¹Ɀino Mosesi naʋana ʋaIsraeri ʋakaimbira Jehova rwiyo urwu, ʋakataura ʋaciti: Ndicaimbira Jehova, nokuti wakasimuka nesimba rake; Wakakandira biza nomutaȿi waro muguŋgwa.

²Jehova ndiro simba raŋgu norwiyo rwaŋgu; Iye wakaʋa ruponeso rwaŋgu; Uyu ndiye Mŋari waŋgu, ndicamurumbidza; Mŋari waɓaɓa ʋaŋgu, ndicamukudza.

³Jehova munhu wokurwa; Jehova ndiro zita rake.

⁴Wakakandira ŋgoro dzaFarao nehondo yake muguŋgwa; Ʋarwi ʋake ʋakasanaŋgurwa ʋakanyudzwa muGuŋgwa Dɀuku.

⁵Mʋura yakadzika yakaʋafukidza; Ʋakanyura makadzika sebge.

⁶Rudyi rwenyu, Jehova, rwakakudzwa nesimba rarwo; Rudyi rwenyu, Jehova, runoputsanya ʋaʋeŋgi.

⁷Noʋumambo bgenyu ʋukuru munowisira pasi ʋanokumukirai simba; Munotuma kutsamŋa kwenyu, kunoʋapisa sehundi.

⁸Nokufema kwemhino dzenyu, mvura yakaʋuŋganidzwa pamŋe cete; Nzizi dzikamira dzikaita murwi, Mvura yakadzika yakagwamba mukati meguŋgwa.

⁹Muʋeŋgi wakati: Ndicateʋerera, ndicaʋaɓata, ndicagoʋera ɀandapamba; Kuciʋa kwaŋgu kucagutswa naʋo; Ndicavomora munondo waŋgu, ruʋoko rwaŋgu rucaʋaparadza.

¹⁰Makafema mŋeya wenyu, guŋgwa rikaʋafukidza, Ʋakanyura somutobvu mumvura inesimba.

¹¹Ndianiko wakafanana nemi, Jehova, pakati paʋamŋari? Ndianiko wakafanana nemi paʋukuru bgoʋutȿene, Munorumbidzwa mucityisa, munoita ɀishamiso?

¹²Makatambanudza ruʋoko rwenyu rworudyi, Nyika ikaʋamedza.

¹³Makafambisa nenyasha dzenyu ʋanhu ʋamakadzikinura; Makaʋaperekedza nesimba renyu kuʋugaro bgenyu ʋutȿene.

¹⁴Ʋanhu ʋakanzwa ʋakaɗeɗera, Maɓayo akawira ʋanhu ʋagere Firistia.

¹⁵Ipapo macinda eEdomi akashamiswa, Kuɗeɗera kwakawira ʋanhu ʋanesimba ʋeMoabi; Ʋanhu ʋose ʋanogara Kanani ʋakanyauka.

¹⁶Kutya nokuvunduka kwakaʋawira; Ʋakanyarara sebge noʋukuru bgoruʋoko rwenyu; Kuȿikira ʋanhu ʋenyu ʋayambuka, Jehova, Kuȿikira ʋanhu ʋenyu ʋamakaɀitȿakira ʋayambuka.

¹⁷Mucaʋapinza, nokuʋasima pagomo renhaka yenyu, Paʋugaro bgamakaɀiitira, kuti mugare’po, Jehova; Patȿene pakaitwa namaʋoko enyu.

¹⁸Jehova ucaɓata ʋushe nokusiŋgaperi.

¹⁹Nokuti mabiza aFarao akapinda muguŋgwa pamŋe cete neŋgoro dzake, naʋataȿi ʋake ʋamabiza, Jehova akadzosera mvura yeguŋgwa pamsoro paʋo; asi ʋana ʋaIsraeri ʋakafamba pakawoma mukati meguŋgwa.

²⁰Ɀino Miriami, muprofitakadzi, hanɀadzi yaAroni, wakatora gandira muruʋoko rwake, ʋakadzi ʋose ʋakaɓuɗa ʋakamuteʋera ʋanamakandira, ʋacitamba.

²¹Miriami akaʋapindura, akati: Imbirai Jehova, nokuti wakasimuka nesimba rake; Wakakandira biza nomutaȿi waro muguŋgwa.

²²Ɀino Mosesi wakatuŋgamirira ʋaIsraeri, ʋakabva paGuŋgwa Dɀuku, ʋakaenda kurenje reShuri, ʋakaita mazuʋa matatu ʋacifamba murenje ʋasiŋgawani mvura.

²³Ʋakaȿika Mara, asi ʋakaŋga ʋasiŋgagoni kunwa mvura yapaMara, nokuti yakaŋga iciʋaʋa; naiɀoɀo zita ra’po rakanzi Mara.

²⁴Ɀino ʋanhu ʋakapopotera Mosesi, ʋakati: Ticanweiko?

²⁵Iye akacema kunaJehova, Jehova akamuratidza muti, akaukandira mumvura, mvura ikanaka. Akaʋaitira’po murairo nomutemo, akaʋaidza’po;

²⁶akati: Kana uciterera nomŋoyo wose inzwi raJehova Mŋari wako, ukaita ɀakarurama pamberi pake, ukarerekera nzeʋe dzako kumirairo yake, ukaceŋgeta ɀaakatema ɀose, handiŋgaisi pamsoro pako marwadzi andakaisa pamsoro paʋaEgipita, nokuti ndini Jehova murapi wako.

²⁷Ɀino ʋakaȿika Erimi, pakaŋga panamatsime emvura anegumi namaʋiri, nemicindwe inamakumi manomŋe, ʋakaʋaka’po misasa pamvura.