Read Original Shona Union Bible 1949 Baiberi Magwaro Matȿene aMŋari Eksodo 17 Bible Online

Eksodo 17 - Original Shona Union Bible 1949 Baiberi Magwaro Matȿene aMŋari bible

Eksodo 17

¹Ɀino ʋuŋgano yose yaʋana ʋaIsraeri yakabva murenje reSini, ʋakafamba ʋaciita nzendonzendo, seɀaʋakaŋga ʋarairwa naJehova, ʋakaʋaka misasa yaʋo paRefidimi; ɀino ipapo pakaŋga pasinemvura iŋganwiwa naʋanhu.

²Ʋanhu ʋakarwa naMosesi, ʋakati: Tipe mvura tinwe. Mosesi akati kwaʋari: Munorwireiko neni? Munoidzireiko Jehova?

³Ʋanhu ɀino ʋakaŋga ʋanenyota yemvura ipapo, ʋanhu ʋakapopotera Mosesi, ʋakati: Watiɓuɗisireiko Egipita, kuti utiʋuraye nenyota, isu naʋana ʋeɗu, neɀipfuwo ɀeɗu?

⁴Mosesi akacema kunaJehova, akati: Ndicaiteiko naʋanhu aʋa? Ʋoɗa kunditaka namabge.

⁵Jehova akati kunaMosesi: Tuŋgamira pamberi paʋanhu, uende naʋakuru ʋaIsraeri, utore tȿimbo yako yawakamboroʋa rwizi nayo muruʋoko rwako uende.

⁶Tarira ndicamira pamberi pako paɗombo riri paHorebi, uroʋe ɗombo iro, mvura icaɓuɗa pariri, ʋanhu ʋagonwa. Mosesi akaita saiɀoɀo pamberi paʋakuru ʋaIsraeri.

⁷Akatumidza nɀimbo iyo zita rinonzi Masa neMeriba nokuɗa kwokurwa kwaʋana ʋaIsraeri; ʋuye nokuti ʋakaidza Jehova, ʋaciti: Jehova uri pakati peɗu here, kana kwete?

⁸Ɀino Amareki wakaʋuya kuzorwa naʋaIsraeri paRefidimi.

⁹Mosesi akati kunaJoshua: Utitsaurire ʋarume, ugondorwa naAmareki; maŋgwana ini ndicamira pamsoro pecikomo, ndakaɓata tȿimbo yaMŋari muruʋoko rwaŋgu.

¹⁰Joshua akaita seɀaakaŋga aʋudzwa naMosesi, akandorwa naAmareki; Mosesi naAroni naHuri ʋakakwira pamsoro pecikomo.

¹¹Ɀino ɀakati kana Mosesi osimudza ruʋoko rwake, ʋaIsraeri ʋokunda, kana oregera ruʋoko rwake pasi, Amareki wokunda.

¹²Asi maʋoko aMosesi akazoneta, ɀino ʋakatora ibge, ʋakariisa pasi pake, akagara pamsoro paro, Aroni naHuri ʋakatsigira maʋoko ake, mumŋe kunorumŋe rutiʋi, mumŋe kunorumŋe rutiʋi; maʋoko ake akaʋa nesimba kuȿikira pakuʋira kwezuʋa.

¹³Joshua akakunda Amareki naʋanhu ʋake neminondo inopinza.

¹⁴Ɀino Jehova akati kunaMosesi: Nyora iɀi mubuku, ʋaɀiraŋgarire, uɀirondedzere ʋo munzeʋe dzaJoshua, kuti ini ndicabvisa cose pasi pokuɗeŋga ɀose ɀinoraŋgaridza Amareki.

¹⁵Ipapo Mosesi akaʋaka artari, akaitumidza zita rinonzi: Jehova‐nisi;

¹⁶akati: Noruʋoko pacigaro coʋushe caJehova, ndinopika ndiciti: Jehova ucarwa naAmareki kuȿikira kumarudzi namarudzi.