Read Original Shona Union Bible 1949 Baiberi Magwaro Matȿene aMŋari Eksodo 24 Bible Online

Eksodo 24 - Original Shona Union Bible 1949 Baiberi Magwaro Matȿene aMŋari bible

Eksodo 24

¹Ɀino iye wakati kunaMosesi: Kwira kunaJehova, iwe naAroni, naNadabi naAbihu, naʋakuru anamakumi manomŋe ʋaʋaIsraeri, mufugame muri kure;

²Mosesi ŋgaasweɗere pedyo naJehova, asi iʋo ŋgaʋarege kusweɗera pedyo, naʋanhu ŋgaʋarege kukwira naye.

³Ɀino Mosesi akaʋuya akaʋudza ʋanhu mashoko ose aJehova, neɀaakaŋga atema ɀose, ʋanhu ʋakapindura nenzwi rimŋe, ʋakati: Mashoko ose akarebga naJehova ticaaita.

⁴Mosesi akanyora mashoko ose aJehova, akamuka maŋgwanani, akandoʋaka artari pasi pegomo, akamisa shoŋgwe dzinegumi nembiri, ɀakafanana namarudzi anegumi namaʋiri aʋaIsraeri.

⁵Ɀino akatuma majaya aʋana ʋaIsraeri ʋakapisira Jehova ɀipiriso ɀinopiswa, nokumuɓayira ɀipiriso ɀenzombe ɀokuyananisa.

⁶Mosesi akatora hafu yeropa, akariisa mumidziyo, imŋe hafu akasasa paartari.

⁷Akatora buku yesuŋgano akaraʋa ʋanhu ʋaciɀinzwa; iʋo ʋakati: Ɀose ɀarebga naJehova ticaɀiita, ticaterera.

⁸Ipapo Mosesi akatora ropa akarisasa pamsoro paʋanhu, akati: Tarirai ropa resuŋgano yakaitwa naJehova nem pamsoro pamashoko iwaya ose.

⁹Ɀino Mosesi, naAroni, naNadabi, naAbihu, naʋakuru ʋanamakumi manomŋe ʋaʋaIsraeri ʋakakwira.

¹⁰Ʋakaʋona Mŋari waʋaIsraeri; pasi petsoka dzake pakaŋga pakaita samabge esafiri, ɀaiʋonekera sokuɗeŋga caiko.

¹¹Asi haana‐kutambanudzira ruʋoko rwake kuʋakuru iʋaʋo ʋaʋana ʋaIsraeri; ʋakaʋona Mŋari, ʋakadya, ʋakanwa.

¹²Ɀino Jehova akati kunaMosesi: Kwira kwandiri muno mugomo, ugare’po; ndicakupa mahwendefa amabge anomurairo nomurau wandanyora, kuti uʋadzidzise.

¹³Mosesi akasimuka naJoshua, muranda wake, Mosesi akakwira mugomo raMŋari,

¹⁴akati kuʋakuru: Timirirei pano, kuȿikira ticidzokera ɀe kwamuri; tarirai Aroni naHuri ʋanemi; aninani unemhaka ŋgaaende kwaʋari.

¹⁵Ɀino Mosesi akakwira mugomo, gore rikafukidza gomo.

¹⁶Kubginya kwaJehova kukagara pagomo reSinai, gore rikarifukidza mazuʋa matanhatu; nezuʋa recinomŋe wakaɗana Mosesi ari mukati megore.

¹⁷Kubginya kwaJehova kukaʋonekwa naʋana ʋaIsraeri kwakaita somŋoto unopisa kwaɀo, uri pamusoro wegomo.

¹⁸Mosesi akapinda mukati megore, akakwira mugomo; Mosesi akagara mugomo mazuʋa anamakumi manna noʋusiku ʋunamakumi manna.