Read Original Shona Union Bible 1949 Baiberi Magwaro Matȿene aMŋari Eksodo 25 Bible Online

Eksodo 25 - Original Shona Union Bible 1949 Baiberi Magwaro Matȿene aMŋari bible

Eksodo 25

¹Ɀino Jehova wakataura naMosesi, akati:

²Taura naʋana ʋaIsraeri kuti ʋandipe cipo; munditorere cipo kunomumŋe nomumŋe unoɗa kundiitira iɀoɀo nomŋoyo wake.

³Ndico cipo camunofanira kutora kwaʋari: Ndarama, nesirveri, nendarira,

⁴neɀakarukwa ɀitema, neɀishaʋa, neɀitȿuku, nemiceka yakaiȿo‐naka, nemʋere dzembudzi,

⁵namatebge amakondobge akazodzwa ɀitȿuku, namatebge amatenhe, namatanda omuakasia,

⁶namafuta emŋenje, neɀinonhuwira ɀamafuta okuzodza, noʋupfu ʋunonhuwira,

⁷neɀibge ɀeoniksi, neɀibge ɀokuisa paefodi napahomboɗo yecifuʋa.

⁸Ŋgaʋandiitire nɀimbo tȿene, kuti ndigare pakati paʋo;

⁹seɀandicakuratidza ɀose, iwo mufananidzo wetabernakeri, nomufananidzo wenhumbi dzayo dzose, munofanira kuita saiɀoɀo.

¹⁰Ŋgaʋaite areka yamatanda omuakasia, kureɓa kwayo kunofanira kuʋa makubiti[4] maʋiri nehafu, noʋupamhi bgayo kubiti rimŋe nehafu, nokukwirira kwayo kubiti rimŋe nehafu.

¹¹Unofanira kuifukidza nendarama yakaiȿo‐naka, uifukidze necomukati necokunze, uite pamsoro payo ʋo hata yendarama inoipotedza.

¹²Uiʋumbire ɀindori ɀinna ɀendarama, uɀiise pamakumbo ayo manna, ɀindori ɀiʋiri ɀiʋe parutiʋi rumŋe, neɀindori ɀiʋiri panorumŋe rutiʋi.

¹³Uʋeze matanda omuakasia, ndokuafukidza nendarama.

¹⁴Ugopinza matanda iwayo muɀindori ɀiri panhiʋi dzeareka, kuti areka itakurwe nawo.

¹⁵Matanda anofanira kugara muɀindori ɀeareka, ŋgaarege kubviswa kwaɀiri.

¹⁶Ɀino unofanira kuisa mukati meareka cipupuriro candicakupa.

¹⁷Uite ʋo cifunhiro cokuyananisa nendarama yakaiȿo‐naka; kureɓa kwaco makubiti maʋiri nehafu, noʋupamhi bgaco kubiti rimŋe nehafu.

¹⁸Uite ʋo makerubi maʋiri endarama, uaite nendarama yakapambadzirwa pamiromo miʋiri yecifunhiro cokuyananisa.

¹⁹Ita kerubi rimŋe pamuromo mumŋ nerimŋe kerubi panomumŋe muromo; uite makerubi pamiromo yaco miʋiri ɀiʋe cinhu cimŋe necifunhiro cokuyananisa.

²⁰Makerubi atambanudzire mapapiro awo kumsoro, akafukidza cifunhiro cokuyananisa namapapiro awo, ɀiso ɀawo ɀakatarisana; ɀiso ɀamakerubi ŋgaɀitarire kucifunhiro cokuyananisa.

²¹Uise cifunhiro cokuyananisa pamsoro peareka, ugoisa mukati meareka cipupuriro candicakupa.

²²Ndi’po pandicasoŋgana newe, nditaure newe, ndiri pamsoro pecifunhiro cokuyananisa, ndiri pakati pamakerubi maʋiri ari pamsoro peareka yecipupuriro, ndikuʋudze ɀose ɀandicakupa, kuti uraire ʋanhu ʋaIsraeri.

²³Ita ʋo tafura yamatanda omuakasia; kureɓa kwayo makubiti maʋiri, noʋupamhi bgayo kubiti rimŋe, nokukwirira kwayo kubiti rimŋe nehafu.

²⁴Uifukidze nendarama yakaiȿo‐naka, ugoiitira ʋo hata yendarama inoipotedza.

²⁵Uiitire ʋukomba ʋunoipotedza, ʋunoʋupamhi sobgecanza, ugoiitira ʋo hata yendarama inopotedza ʋukomba bgayo.

²⁶Uiitire ɀindori ɀinna ɀendarama, ugoisa ɀindori pamakona manna ari pamakumbo ayo manna.

²⁷Ɀindori ɀiʋe pedyo noʋukomba, paʋe pokutakura tafura napo namatanda.

²⁸Matanda uaite nomuakasia, uafukidze nendarama, tafura igotakurwa nawo.

²⁹Uite ʋo midziyo yayo, nembiya dzayo, neɀiroŋgo ɀayo, nemikombe yayo yokuɗira nayo; uɀiite nendarama yakaiȿo‐naka.

³⁰Misi yose unofanira kuisa pamberi paŋgu patafura ciŋgwa cokuratidza.

³¹Unofanira kuita ʋo cigadziko cemŋenje cendarama yakaiȿo‐naka; cigadziko ciitwe nendarama yakapambadzirwa, cigadziko caco, nehunde yaco, neɀimbiya ɀaco, namafundo aco, namaruʋa aco; ɀose ŋgaɀiitwe ciʋe cinhu cimŋe naco;

³²kumatiʋi aco ŋgakuɓuɗe mataʋi matanhatu; mataʋi matatu ecigadziko kunorumŋe rutiʋi rwaco, namataʋi matatu ecigadziko kunorumŋe rutiʋi rwaco.

³³Ŋgapaʋe neɀimbiya ɀitatu ɀakaʋumbga samaruʋa omuamanda paɗaʋi rimŋe, nefundo, neruʋa, neɀimbiya ɀitatu ɀakaʋumbga samaruʋa omuamanda panerimŋe ɗaʋi, nefundo, neruʋa: saiɀoɀo mataʋi matanhatu anoɓuɗa pacigadziko;

³⁴ʋuye pacigadziko paʋe neɀimbiya ɀinna ɀakaʋumbga samaruʋa omuamanda, namafundo aɀo, namaruʋa aɀo;

³⁵nefundo panyasi pamataʋi maʋiri akaʋumbga pamŋe cete naco, nefundo panyasi pamamŋe mataʋi akaʋumbga pamŋe cete naco, nefundo panyasi pamataʋi maʋiri akaʋumbga pamŋe cete naco, akafanana namataʋi matanhatu anoɓuɗa pacigadziko.

³⁶Mafundo aɀo namataʋi aɀo ŋgaɀiʋe pamŋe cete naɀo; ɀose ɀiʋe cinhu cimŋe cakaʋumbga nendarama yakaiȿo‐naka yakapambadzirwa.

³⁷Uite ʋo mŋenje yaco minomŋe; ʋagotuŋgidza mŋenje yaco, kuti ivenekere pamberi paco.

³⁸Nembato dzaco, nendiro dzaco, nemŋenje yaco, ɀiʋumbge nendarama yakaiȿo‐naka.

³⁹Ŋgaɀiʋumbge netarenta rendarama[5] yakaiȿo‐naka, pamŋe cete nemidziyo iyo yose.

⁴⁰Ucenjerere kuti uɀiite nomufananidzo waɀo wawakaratidzwa pagomo.