Read Original Shona Union Bible 1949 Baiberi Magwaro Matȿene aMŋari Eksodo 26 Bible Online

Eksodo 26 - Original Shona Union Bible 1949 Baiberi Magwaro Matȿene aMŋari bible

Eksodo 26

¹Uite tabernakeri namacira anegumi, uaite nomuceka wakaiȿo‐naka, wakarukwa, neɀakarukwa ɀitema, neɀishaʋa, neɀitȿuku, ɀinamakerubi, riʋe ɓasa romunhu unogona kuruka.

²Kureɓa kwejira rimŋe nerimŋe ŋgakuʋe makubiti makumi maʋiri namasere, noʋupamhi bgejira rimŋe nerimŋe makubiti manna; macira ose aenzane.

³Macira mashanu ŋgaaɓatanidzwe pamŋe cete, namamŋe macira mashanu ŋgaaɓatanidzwe pamŋe cete ɀe.

⁴Uite ɀiswe ɀitema pamupendero wejira rimŋe rokupedzisira panaakaɓatanidzwa pamŋe cete; ugoita ʋo saiɀoɀo pamupendero wejira rokupedzisira panaakaɓatanidzwa ɀe pamŋe cete.

⁵Uite ɀiswe ɀinamakumi mashanu pajira rimŋe, nokuita ʋo ɀiswe ɀinamakumi mashanu pamupendero wejira ramamŋe akaɓatanidzwa pamŋe cete, ɀiswe ɀitarisane.

⁶Uite ʋo ɀikorekedzo ɀendarama ɀinamakumi mashanu, ugoɓatanidza macira neɀikorekedzo iɀoɀo, tabernakeri ciʋe cinhu cimŋe cete.

⁷Uite macira emvere dzembudzi riʋe tente pamsoro petabernakeri; uiite namacira anegumi nerimŋe.

⁸Kureɓa kwejira rimŋe ŋgakuʋe makubiti anamakumi matatu, noʋupamhi bgejira rimŋe makubiti manna; macira anegumi nerimŋe aenzane.

⁹Uɓatanidze macira mashanu pamŋe cete, namacira matanhatu pamŋe cete, ugopeta jira recitanhatu, riite mheto mbiri kumuromo kwetente.

¹⁰Uite ʋo ɀiswe ɀinamakumi mashanu pamupendero wejira rimŋe rokupedzisira panaakaɓatanidzwa pamŋe cete, neɀiswe ɀinamakumi mashanu pamupendero wejira rokupedzisira panamamŋe akaɓatanidzwa pamŋe cete.

¹¹Uite ʋo ɀikorekedzo ɀinamakumi mashanu ɀendarira, ugoisa ɀikorekedzo muɀiswe, uɓatanidze tente pamŋe cete, ciʋe cinhu cimŋe cete.

¹²Rutiʋi rwakasara runorembera pamacira etente, hafu yejira rimŋe rakasara, ŋgarirembere neceshure kwetabernakeri.

¹³Ʋuye kubiti rimŋe panorumŋe rutiʋi, nekubiti rimŋe panorumŋe rutiʋi ɀe, ɀakasara pakureɓa kwamacira etente, ŋgaɀirembere panhiʋi dzetabernakeri necoʋuno necokoko, kuifukidza.

¹⁴Uitire ʋo tente cifukidzo camatebge amakondobge akazodzwa muti mutȿuku, necifukidzo camatebge amatenhe pamsoro paiɀoɀo.

¹⁵Uitire ʋo tabernakeri mapuraŋga anomiswa omuakasia.

¹⁶Kureɓa kwepuraŋga rimŋe nerimŋe ŋgakuʋe makubiti anegumi, noʋupamhi bgepuraŋga rimŋe nerimŋe kubiti rimŋe nehafu.

¹⁷Puraŋga rimŋe nerimŋe ŋgariitirwe ɀiɓato ɀiʋiri, ɀakaɓatanidzwa; ndiɀo ɀaunofanira kuitira mapuraŋga ose etabernakeri.

¹⁸Unofanira kuita mapuraŋga etabernakeri, mapuraŋga anamakumi maʋiri okurutiʋi rwezasi, anotarira zasi.

¹⁹Ita ʋo ɀigadziko ɀesirveri ɀinamakumi manna pasi pamapuraŋga anamakumi maʋiri, ɀigadziko ɀiʋiri pasi pepuraŋga rimŋe paɀiɓato ɀaro ɀiʋiri, neɀigadziko ɀiʋiri pasi perimŋe puraŋga paɀiɓato ɀaro ɀiʋiri;

²⁰ʋuye mapuraŋga makumi maʋiri kurutiʋi rwecipiri rwetabernakeri kurutiʋi rwokumsoro;

²¹neɀigadziko ɀawo ɀesirveri ɀinamakumi manna, ɀigadziko ɀiʋiri pasi pepuraŋga rimŋe, neɀigadziko ɀiʋiri pasi perimŋe puraŋga.

²²Ita ʋo mapuraŋga matanhatu kurutiʋi rwemberi rwetabernakeri kumaʋirazuʋa.

²³Uite ʋo mapuraŋga maʋiri kumakona etabernakeri kurutiʋi rwemberi.

²⁴Ŋgaaite maʋiri necenyasi; saiɀoɀo ŋgaaʋe maʋiri akaɓatanidzwa kuȿikira kumsoro kucindori cokutaŋga; ŋgaaitwe saiɀoɀo ari maʋiri, aʋe’po pamakona maʋiri.

²⁵Aʋe mapuraŋga masere aneɀigadziko ɀawo ɀesirveri, ɀiʋe ɀigadziko ɀinegumi neɀitanhatu; ɀigadziko ɀiʋiri ɀiʋe pasi pepuraŋga rimŋe, neɀigadziko ɀiʋiri pasi perimŋe puraŋga.

²⁶Uite ʋo mbariro dzomuakasia, shanu dzamapuraŋga orumŋe rutiʋi rwetabernakeri;

²⁷nembariro shanu dzamapuraŋga orutiʋi rwecipiri rwetabernakeri, nembariro shanu dzamapuraŋga orutiʋi rwetabernakeri kurutiʋi rwemberi kumaʋirazuʋa.

²⁸Rumbariro rwapakati ŋgaruʋe pakati pamapuraŋga, rubve kunorumŋe rutiʋi rucindoȿikira kunorumŋe rutiʋi.

²⁹Ufukidze mapuraŋga nendarama; uite ʋo ɀindori ɀawo nendarama, paŋgagara mbariro: nembariro udzifukidze nendarama.

³⁰Uʋake tabernakeri nomufananidzo wayo wawakaratidzwa mugomo.

³¹Uite ʋo cidzitiro neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa; ŋgaciitwe cinamakerubi, riʋe ɓasa romunhu unogona kuruka.

³²Ucirembedze pambiru inna dzomuakasia dzakafukidzwa nendarama; ɀikorekedzo ɀadzo ɀiʋe ɀendarama, ʋuye dzinofanira kumira paɀigadziko ɀadzo ɀinna ɀesirveri.

³³Urembedze cidzitiro pasi peɀikorekedzo, ugoisa’mo areka yecipupuriro mukati mecidzitiro; cidzitiro cigoʋa kwamuri cinhu cinoparadzanisa pakati penɀimbo tȿene nenɀimbo tȿene‐tȿene.

³⁴Uise ʋo cifunhiro cokuyananisa pamsoro peareka yecipupuriro panɀimbo tȿene‐tȿene.

³⁵Tafura uiise kunze kwecidzitiro necigadziko cemŋenje cakatarisana netafura parutiʋi rwetabernakeri kurutiʋi rwenyasi; tafura uiise kurutiʋi rwokumsoro.

³⁶Unofanira kuitira ʋo mukoʋa wetente cidzitiro ceɀakarukwa ɀitema, neɀishaʋa neɀitȿuku, nomuceka wakaiȿo‐naka wakarukwa, riʋe ɓasa romusoni unogona.

³⁷Uitire cidzitiro mbiru shanu dzomuakasia, ucidzifukidza nendarama; ɀikorekedzo ɀadzo ɀiʋe ɀendarama, ʋuye uɀiʋumbire ɀigadziko ɀishanu ɀendarira.