Read Original Shona Union Bible 1949 Baiberi Magwaro Matȿene aMŋari Eksodo 28 Bible Online

Eksodo 28 - Original Shona Union Bible 1949 Baiberi Magwaro Matȿene aMŋari bible

Eksodo 28

¹Ɀino usweɗedze kwauri Aroni, mukuru wako, naʋanakomana ʋake pamŋe cete naye, ʋaɓuɗe pakati paʋana ʋaIsraeri, kuti andishumire paɓasa roʋuprista, ʋanoti, Aroni, naNadabi, naAbihu, naEreazari, naItamari, iʋo ʋanakomana ʋaAroni.

²Uitire Aroni, mukuru wako, ŋguʋo tȿene, akudzwe nadzo, ʋuye bguʋe ʋukomba.

³Utaure naʋose ʋanemŋoyo yakacenjera, ʋandakazadza nomŋeya woʋucenjeri, kuti ʋaitire Aroni ŋguʋo dzokumuita mutȿene nadzo, kuti andishumire paɓasa roʋuprista.

⁴Ŋguʋo dzaʋanofanira kuita ndidzo: Homboɗo yecifuʋa, neefodi, nejasi, neŋguʋo yakarukwa, neŋgoani, nebanhire; ŋgaʋaitire Aroni, mukoma wako, naʋanakomana ʋake ŋguʋo tȿene, kuti andishumire paɓasa roʋuprista.

⁵Ŋgaʋatore ndarama, neɀakarukwa ɀitema, neɀishaʋa, neɀitȿuku, nomuceka wakaiȿo‐naka.

⁶Efodi ŋgaʋaiite nendarama, neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa, riʋe ɓasa romuɓati wakacenjera.

⁷Ŋgaiʋe namabande maʋiri pamafudzi akaɓatanidzwa pamiromo yayo miʋiri; kuti iɓatanidzwe saiɀoɀo.

⁸Nebanhire rakarukwa nomuɓati wakacenjera, riri pamsoro payo, rokuisuŋga naro, ŋgariitwe saiyo, ʋuye ciʋe cinhu cimŋe cete nayo, iitwe nendarama, neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa.

⁹Utore ʋo mabge maʋiri eoniksi, ugonyora pamsoro pawo mazita aʋana ʋaIsraeri,

¹⁰mazita matanhatu pabge rimŋe, namazita matanhatu akasara panerimŋe ibge ɀe, pakuɀarwa kwaʋo.

¹¹Unyore pamabge iwayo maʋiri, seɓasa romuʋezi wamabge, seɀinonyorwa ibge rokusimbisa, mazita aʋana ʋaIsraeri; uanyudze muɀiruʋa ɀendarama.

¹²Ɀino uise mabge iwayo maʋiri pamabande apamafudzi eefodi, kuti aʋe mabge okuraŋgaridza ʋana ʋaIsraeri; Aroni ŋgaatakure mazita awo pamberi paJehova pamafudzi ake maʋiri, ciʋe cokuraŋgaridza.

¹³Unofanira kuita ʋo ɀiruʋa ɀendarama,

¹⁴neɀiketani ɀiʋiri ɀendarama yakaiȿo‐naka; uɀiite sorwonzi rwakakoshwa, ugoisa ɀiketani iɀo ɀakamoniwa paɀiruʋa iɀoɀo.

¹⁵Unofanira kuita ʋo homboɗo yecifuʋa yokutoŋga, riʋe ɓasa romuɓati wakacenjera; uiite ifanane neefodi, uiite nendarama, neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa.

¹⁶Ŋgaiʋe nenhiʋi inna dzakaenzana, dzakaita mheto mbiri; kureɓa kwayo kuite sapanoȿika minwe, noʋupamhi bgayo sapanoȿika minwe ʋo.

¹⁷Uise mukati mayo ɀiruʋa ɀinamabge, misara minna yamabge; mumŋe musara uʋe nesardio, netopasi, nekarbunkeri. Ndiwo musara wokutaŋga.

¹⁸Pamusara wecipiri smaragdino, nesafiri, nedaimani;

¹⁹pamusara wecitatu hiakinti, neagati, neametisi;

²⁰pamusara wecinna beriri neoniksi, nejaspiri; ŋgaapotedzwe nendarama muɀiruʋa ɀawo.

²¹Mabge iwayo ŋgaaʋe namazita aʋana ʋaIsraeri anegumi namaʋiri, seɀinoita mazita aʋo; ŋgaaʋe namarudzi anegumi namaʋiri, rimŋe nerimŋe riʋe nezita raro, seɀinonyorwa ibge rokusimbisa.

²²Napahomboɗo yecifuʋa unofanira kuita ɀiketani ɀakafanana norwonzi, ɀendarama yakamoniwa yakaiȿo‐naka.

²³Uite ʋo pahomboɗo yecifuʋa ɀindori ɀiʋiri ɀendarama, ugoisa ɀindori iɀo ɀiʋiri pamiceto miʋiri yehomboɗo yecifuʋa.

²⁴Ɀino uise ɀiketani ɀiʋiri ɀendarama yakamoniwa paɀindori ɀiʋiri ɀiri pamiceto yehomboɗo yecifuʋa.

²⁵Nemimŋe miromo miʋiri yeɀiketani ɀiʋiri ɀakamoniwa uɀiise paɀiruʋa ɀiʋiri; uɀiise pamabande apamafudzi eefodi necemberi kwayo.

²⁶Uite ʋo ɀindori ɀiʋiri ɀendarama, ugoɀiisa pamiceto miʋiri yehomboɗo yecifuʋa pamupendero wayo uri kurutiʋi rweefodi necomukati.

²⁷Unofanira kuita ʋo ɀindori ɀiʋiri ɀendarama, ugoɀiisa pamabande maʋiri apamafudzi eefodi zasi necemberi kwayo, pedyo payakaɓatanidzwa napo, pamsoro pebanhire reefodi rakarukwa noʋucenjeri.

²⁸Ɀino ŋgaʋasuŋganidze homboɗo yecifuʋa neɀindori ɀayo paɀindori ɀeefodi norwonzi rutema, kuti ruʋe pamsoro pebanhire reefodi rakarukwa noʋucenjeri, kuti homboɗo yecifuʋa irege kusunuŋguka paefodi.

²⁹Naiɀoɀo Aroni unofanira kutakura mazita aʋana ʋaIsraeri pahomboɗo yecifuʋa yokutoŋga pamŋoyo wake, kana acipinda panɀimbo tȿene, kuti ciʋe ciraŋgaridzo pamberi paJehova ŋguʋa dzose.

³⁰Unofanira kuisa ʋo muhomboɗo yecifuʋa yokutoŋga Urimi neTumimi, kuti ɀiʋe pamŋoyo waAroni kana acipinda pamberi paJehova; Aroni agotakura kutoŋgwa kwaʋana ʋaIsraeri pamŋoyo wake pamberi paJehova ŋguʋa dzose.

³¹Unofanira kuita jasi reefodi rose romuceka mutema.

³²Ŋgariʋe neburi rokupinza musoro pakati paro, riʋe nomupendero wakarukwa unopotedza ɓuri raro, sapaɓuri reŋguʋo yokurwa, kuti irege kubvaruka.

³³Pamipendero yaro unofanira kuita matamba eɀakarukwa ɀitema, neɀishaʋa, neɀitȿuku, anopotedza mupendero, neɀitare ɀinorira ɀendarama pakati pawo kunhiʋi dzose.

³⁴Ŋgapaʋe necitare cimŋe neɗamba rimŋe, citare cimŋe neɗamba rimŋe pamipendero yejasi kunhiʋi dzose.

³⁵Aroni ŋgaarifuke kana acishumira, kuti kurira kwaɀo kunzwike, kana acipinda panɀimbo tȿene pamberi paJehova, ʋuye kana aciɓuɗa, kuti arege kufa.

³⁶Unofanira kuita ʋo hwendefa rendarama yakaiȿo‐naka, ugonyora pamsoro paro seɀinonyorwa ibge rokusimbisa, uciti: MUTⱾENE KUNAJEHOVA.

³⁷Uriise parwonzi rutema, rigoiswa paŋgoani, riʋe necemberi kweŋgoani.

³⁸Ŋgariʋe pahuma yaAroni, Aroni atakure ɀakaipa ɀiŋgaʋa’po paɀinhu ɀitȿene, ɀicaitwa ɀitȿene naʋana ʋaIsraeri paɀipo ɀaʋo ɀitȿene ɀose; rinofanira kugara pahuma yake ŋguʋa dzose, kuti iʋo ʋagamucirwe pamberi paJehova.

³⁹Unofanira kuita ʋo ŋguʋo yakarukwa yomuceka wakaiȿo‐naka, ʋuye uite ŋgoani yomuceka wakaiȿo‐naka, ʋuye uite ʋo banhire, riʋe ɓasa romusoni unogona.

⁴⁰Naʋanakomana ʋaAroni unofanira kuʋaitira ŋguʋo, uʋaitire ʋo mabanhire, uʋaitire ʋo ŋgoani dzomusoro, ʋakudzwe nadzo, ʋuye bguʋe ʋukomba.

⁴¹Udzifukidze Aroni, mukoma wako, pamŋe cete naʋanakomana ʋake; ʋuye uʋazodze, nokuʋagadza, nokuʋatsaura, kuti ʋandishumire paɓasa roʋuprista.

⁴²Unofanira kuʋaitira maburuku omuceka kuti ʋafukidze nyama yaʋo yakashama; ŋgaataŋge paɀiʋuno, aȿikire pacidɀa;

⁴³ŋgaafukwe naAroni naʋanakomana ʋake kana ʋacipinda mutente rokusoŋgana, ʋuye kana ʋacisweɗera paartari kushumira panɀimbo tȿene; kuti ʋarege kuɀitorera mhoȿa, ʋakafa; ŋgauʋe mutemo usiŋgaperi kwaari nokuʋana ʋake ʋanomuteʋera.