Read Original Shona Union Bible 1949 Baiberi Magwaro Matȿene aMŋari Eksodo 29 Bible Online

Eksodo 29 - Original Shona Union Bible 1949 Baiberi Magwaro Matȿene aMŋari bible

Eksodo 29

¹Ɀino ndico cinhu caunofanira kuʋaitira kuti uʋaite ʋatȿene, ʋandishumire paɓasa roʋuprista: Utore nzombe imŋe ɗuku; namakondobge maʋiri asinemhoȿa,

²neciŋgwa cisina‐kuʋiriswa, neɀiŋgwa ɀiɗuku ɀisina‐kuʋiriswa ɀakakanyiwa namafuta, neɀiŋgwa ɀitete ɀisina‐kuʋiriswa ɀakazodzwa mafuta; unofanira kuɀiita noʋupfu bgakatsetseka bgekoroni.

³Uɀiise muɗeŋgu rimŋe, ugoʋuya naɀo ɀiri muɗeŋgu, pamŋe cete nenzombe ɗuku namakondobge maʋiri.

⁴Ɀino uʋuye naAroni naʋanakomana ʋake kumukoʋa wetente rokusoŋgana, ugoʋashambidza nemvura;

⁵utore ʋo hanzu, ugofukidza Aroni ŋguʋo nejasi reefodi, neefodi, nehomboɗo yecifuʋa; ʋuye umusuŋge ciʋuno cake nebanhire reefodi rakarukwa noʋucenjeri;

⁶uise ʋo ŋgoani pamusoro wake, nokuisa ʋo korona tȿene paŋgoani.

⁷Ɀino unofanira kutora mafuta ecizoro, uaɗire pamusoro wake, umuzodze.

⁸Ɀino uʋuyise ʋo ʋanakomana ʋake, uʋafukidze majasi.

⁹Uʋasuŋge ɀiʋuno ɀaʋo nebanhire, iye Aroni naʋanakomana ʋake, ugoʋaisa ŋgoani; ʋaʋe ʋaprista nomutemo usiŋgaperi; ugadze Aroni naʋanakomana ʋake.

¹⁰Ɀino unofanira kuʋuyisa nzombe pamberi petente rokusoŋgana, Aroni naʋanakomana ʋake ʋagoisa maʋoko aʋo pamusoro wenzombe.

¹¹Ugoɓaya nzombe pamberi paJehova pamukoʋa wetente rokusoŋgana.

¹²Ɀino utore ropa renzombe, ugoriisa panyaŋga dzeartari nomunwe wako, ndokuɗururira ropa rose mujiŋga meartari.

¹³Ɀino utore ʋo mafuta ose anofukidza ʋura, namafuta ari pamsoro peciropa, netȿo mbiri, namafuta ari padziri, uɀipise pamsoro peartari.

¹⁴Asi nyama yenzombe, neɗebge rayo, namaɀiɀi ayo, unofanira kuɀipisa nomŋoto kunze kwemisasa; cipiriso ceɀiʋi.

¹⁵Unofanira kutora ʋo gondobge rimŋe, Aroni naʋanakomana ʋake ʋagoisa maʋoko aʋo pamusoro wegondobge;

¹⁶ɀino uɓaye gondobge, utore ropa raro, urisase panhiʋi dzose dzeartari.

¹⁷Ipapo ucekanye gondobge, nokusuka ʋura bgaro, namakumbo aro, uise iɀoɀo pamŋe cete nenhindi dzaro, nomusoro waro.

¹⁸Ɀino unofanira kupisa gondobge rose paartari; cipiriso cinopisirwa Jehova, cipo cinonhuwira, cipiriso cakaitirwa Jehova pamŋoto.

¹⁹Ɀino utore ʋo gondobge rimŋe, Aroni naʋanakomana ʋake ʋaise maʋoko aʋo pamusoro wegondobge.

²⁰Ipapo unofanira kuɓaya gondobge, ndokutora rimŋe ropa raro, ugoriisa pamuceto wezasi wenzeʋe yorudyi yaAroni, napamiceto yenzeʋe dzorudyi dzaʋanakomana ʋake napamagunwe amaʋoko orudyi, napamagunwe etsoka dzaʋo dzorudyi, nokusasa ʋo ropa panhiʋi dzose dzeartari.

²¹Ɀino unofanira kutora rimŋe ropa, riri paartari, namamŋe mafuta okuzodza, uɀisase pamsoro paAroni napaŋguʋo dzake, napamsoro paʋanakomana ʋake, napaŋguʋo dzaʋanakomana ʋake, pamŋe cete naye, kuti aʋe mutȿene iye, neŋguʋo dzake, naʋanakomana ʋake, neŋguʋo dzaʋanakomana ʋake, pamŋe cete naye.

²²Ɀino utore ʋo mamŋe mafuta egondobge, neɓemhe raro, namafuta anofukidza ʋura, namafuta ari pamsoro peciropa, netȿo mbiri, namafuta ari padziri, neɓandauko rorudyi, (nokuti igondobge rokugadza naro),

²³neɓundu rimŋe reciŋgwa, neciŋgwa cimŋe ciɗuku cinamafuta, neciŋgwa cimŋe citete cinobva muɗeŋgu reɀiŋgwa ɀisina‐kuʋiriswa, ɀiri pamberi paJehova.

²⁴Ɀino uɀiise ɀose pamaʋoko aAroni napamaʋoko aʋanakomana ʋake, ʋagoɀizuŋguzira, ciʋe cipo cinozuŋguzirwa pamberi paJehova.

²⁵Ɀino uɀibvise pamaʋoko aʋo, uɀipise paartari pamsoro pecipiriso cinopiswa, kuti ciʋe cipo cinonhuwira pamberi paJehova; cipiriso cakaitirwa Jehova pamŋoto.

²⁶Utore ʋo cityu cegondobge rokugadza naro raAroni, urizuŋguzire pamberi paJehova, kuti ciʋe cipo cinozuŋguzirwa; ndiwo mugoʋe wako.

²⁷Ɀino cityu cinozuŋguzirwa ucitsaure, neɓandauko recipiriso cinosimudzwa, cinozuŋguzirwa nokusimudzwa, ɀegondobge rokugadza naro, kuti ɀiʋe ɀaAroni neɀaʋanakomana ʋake.

²⁸Iɀoɀo ɀinofanira kupiwa Aroni naʋanakomana ʋake naʋana ʋaIsraeri nokusiŋgaperi, nokuti cipiriso cinosimudzwa; cinofanira kuʋa cipiriso cinosimudzwa, cinobva kuʋana ʋaIsraeri paɀiɓayiro ɀeɀipiriso ɀaʋo ɀokuyananisa, ciʋe cipiriso caʋo cinosimudzirwa Jehova.

²⁹Ŋguʋo dzaAroni dzicaʋa dzaʋanakomana ʋake ʋanomuteʋera, kuti ʋazodzwe ʋakadzifuka, ʋagadzwe ʋakadzifuka.

³⁰Mŋanakomana wake unopinda paʋuprista panɀimbo yake, unofanira kudzifuka mazuʋa manomŋe, kana acipinda mutente rokusoŋgana kushumira panɀimbo tȿene.

³¹Ɀino unofanira kutora gondobge rokugadza naro, uɓike nyama yaro panɀimbo tȿene.

³²Aroni naʋanakomana ʋake ŋgaʋadye nyama yegondobge, neciŋgwa ciri muɗeŋgu pamukoʋa wetente rokusoŋgana.

³³Ʋanofanira kudya iɀoɀo ɀaiyananiswa naɀo, pakugadzwa nokutsaurwa kwaʋo; asi mŋeni ŋgaarege kuɀidya, nokuti ɀitȿene.

³⁴Kana imŋe nyama yokugadza nayo ikasara, kana cimŋe ciŋgwa, kuȿikira maŋgwana, unofanira kupisa ɀasara nomŋoto; haɀifaniri kudyiwa, nokuti ɀitȿene.

³⁵Unofanira kuitira Aroni naʋanakomana ʋake saiɀoɀo, ɀose seɀandakakuraira; uite mazuʋa manomŋe uciʋagadza.

³⁶Zuʋa rimŋe nerimŋe unofanira kuɓayira nzombe yecipiriso ceɀiʋi, cokuyananisa naco; unofanira kunatsa artari, kana uciiyananisira; uizodze kuti uitsaure.

³⁷Unofanira kuita mazuʋa manomŋe pakuyananisira artari, nokuitsaura; kuti artari iʋe tȿene kwaɀo, ʋuye ɀose ɀinoɓata paartari ɀinofanira kuʋa ɀitȿene.

³⁸Ɀino ndiɀo ɀaunofanira kuɓayira paartari: Zuʋa rimŋe nerimŋe ŋguʋa dzose makwaiana maʋiri.

³⁹Rimŋe gwaiana unofanira kuriɓayira maŋgwanani, rimŋe gwaiana unofanira kuriɓayira maɗekwana.

⁴⁰Pamŋe cete negwaiana rimŋe unofanira kuisa cipiriso coʋupfu bgakatsetseka bgakaȿika pacegumi ceefa[6] bgakakanyiwa nececinna cehini[7] yamafuta akaȿinhiwa nececinna cehini yewaini, ciʋe cipiriso cinoɗururwa.

⁴¹Rimŋe gwaiana uriɓayire maɗekwana, uriitire seɀawakaitira cipiriso coʋupfu camaŋgwanani, neɀawakaitira cipiriso caro cinonwiwa, kuti ciʋe cipiriso cinonhuwira, cipiriso cakaitirwa Jehova pamŋoto.

⁴²Cinofanira kuʋa cipiriso cinopiswa ŋguʋa dzose pamarudzi enyu ose, pamukoʋa wetente rokusoŋgana pamberi paJehova, pandicasoŋgana nemi, nditaure’po newe.

⁴³Ndi’po pandicasoŋgana naʋana ʋaIsraeri, ʋuye tente ricatsaurwa nokubginya kwaŋgu.

⁴⁴Tente rokusoŋgana neartari ndicaɀitsaura; ʋuye Aroni naʋanakomana ʋake ndicaʋatsaura, kuti ʋandishumire paɓasa roʋuprista.

⁴⁵Ndicagara pakati paʋana ʋaIsraeri, kuti ndiʋe Mŋari waʋo.

⁴⁶Ʋacaziʋa kuti ndini Jehova waʋo, wakaʋaɓuɗisa panyika yeEgipita, kuti ndigare pakati paʋo; ndini Jehova Mŋari waʋo.