Read Original Shona Union Bible 1949 Baiberi Magwaro Matȿene aMŋari Eksodo 30 Bible Online

Eksodo 30 - Original Shona Union Bible 1949 Baiberi Magwaro Matȿene aMŋari bible

Eksodo 30

¹Unofanira kuita ʋo artari yokupisira’po ɀinonhuwira; uiite nomuti womuakasia.

²Kureɓa kwayo ŋgakuʋe kubiti[8] rimŋe, noʋupamhi bgayo kubiti rimŋe, nhiʋi dzose dzienzane; kukwirira kwayo ŋgakuʋe makubiti maʋiri, ʋuye nyaŋga dzayo ŋgadziʋe cinhu cimŋe cete nayo.

³Unofanira kuifukidza nendarama yakaiȿo‐naka, kumsoro kwayo, nokunhiʋi dzayo dzose, nenyaŋga dzayo; uiitire ʋo hata yendarama inoikomberedza.

⁴Uiitire ʋo ɀindori ɀiʋiri ɀendarama pasi pehata yayo, pakona dzayo mbiri, panhiʋi dzayo mbiri, paʋe paiŋgatakurwa namatanda.

⁵Uite ʋo matanda omuakasia, nokuafukidza nendarama.

⁶Ɀino unofanira kuiisa pamberi pecidzitiro ciri paareka yecipupuriro, pamberi pecifunhiro cokuyananisa ciri pamsoro pecipupuriro, pandicasoŋgana newe.

⁷Aroni unofanira kupisa pamsoro payo ɀinonhuwira ɀemiti yakanaka; ŋgaaɀipise maŋgwanani ose, kana acigadzira mŋenje.

⁸Kana Aroni acituŋgidza mŋenje maɗekwana, ŋgaaɀipise, ɀiʋe ɀinonhuwira pamberi paJehova nokusiŋgaperi kuȿikira kumarudzi enyu ose.

⁹Musapisira pamsoro payo ɀinonhuwira ɀisina‐kufanira, kana cipiriso cinopiswa, kana cipiriso coʋupfu; musaɗururira pamsoro payo cipiriso cinoɗururwa.

¹⁰Aroni unofanira kuyananisa panyaŋga dzayo kamŋe cete pagore; unofanira kuyananisa pamsoro payo kamŋe cete pagore, neropa recipiriso ceɀiʋi cinoyananisa, kuȿikira kumarudzi enyu ose; cinhu citȿene kwaɀo kunaJehova.

¹¹Ɀino Jehova wakataura naMosesi, akati:

¹²Kana uciʋereŋga ʋana ʋaIsraeri, kuti uʋone kuwanda kwaʋo, mumŋe nomumŋe unofanira kupa Jehova rudzikinuro rwomŋeya wake, kana uciʋaʋereŋga; kuti ʋarege kuɓatwa nehosha kana uciʋaʋereŋga.

¹³Ʋanofanira kupa kuɗai: Mumŋe nomumŋe unoɗarika kunaʋakaʋereŋgwa hafu yeshekeri,[9] ʋacienzanisa neshekeri rapanɀimbo tȿene; (shekeri rinamagera anamakumi maʋiri), hafu yeshekeri ciʋe cipo kunaJehova.

¹⁴Mumŋe nomumŋe unoɗarika kunaʋakaʋereŋgwa, waʋa namakore makumi maʋiri kana wapfuʋura makore iwayo, unofanira kupa Jehova cipo iceco.

¹⁵Mufumi ŋgaarege kuwedzera, nomurombo ŋgaarege kutapudza pahafu yeshekeri, kana ʋopa cipo ico, kuti muyananisire mŋeya yenyu.

¹⁶Ɀino unofanira kutora mari yokuyananisira kuʋana ʋaIsraeri, ugoripira ɓasa retente rukusoŋgana; kuti ciʋe ciraŋgaridzo kuʋana ʋaIsraeri pamberi paJehova, kuti mŋeya yenyu iyananisirwe.

¹⁷Ɀino Jehova wakataura naMosesi, akati:

¹⁸Unofanira kuita ʋo mudziyo wendarira wokushambidzira, necigadziko cawo cendarira, ugouisa pakati petente rokusoŋgana neartari, ndokuisa’mo mvura.

¹⁹Kuti Aroni naʋanakomana ʋake ʋashambe’mo maʋoko aʋo netsoka dzaʋo.

²⁰Kana ʋopinda mutente rokusoŋgana, ʋanofanira kuɀishambidza nemvura, kuti ʋarege kufa, kana ʋosweɗera paartari kuzoshumira, kana kupisira Jehova cipiriso cinopiswa nomŋoto.

²¹Ʋanofanira kushamba maʋoko aʋo namakumbo aʋo, kuti ʋarege kufa; unofanira kuʋa mutemo usiŋgaperi kwaʋari, kwaari nokuʋanakomana ʋake kuȿikira kumarudzi aʋo ose.

²²Jehova wakataura ʋo naMosesi, akati:

²³Tora ʋo miti inonhuwira inokunda mimŋe, anoti mashekeri anamazana mashanu[10] emura inoyerera, nehafu yakaɗaro yekinamuni inonaka, ndiwo mashekeri anamazana maʋiri namakumi mashanu, namashekeri anamazana maʋiri namakumi mashanu ekaramusi yakanaka;

²⁴namazana mashanu ekasia, ʋacienzanisa neshekeri rapanɀimbo tȿene, nehini[11] imŋe yamafuta amaorivi;

²⁵uite naɀo mafuta matȿene okuzodza nawo, ɀiʋe ɀinonhuwira ɀakaveŋganiswa noʋucenjeri bgomuveŋganisi weɀinonhuwira; aʋe mafuta matȿene okuzodza nawo.

²⁶Ɀino unofanira kuzodza nawo tente rokusoŋgana neareka yecipupuriro,

²⁷netafura nenhumbi dzayo dzose, necigadziko cemŋenje nenhumbi dzaco, neartari yeɀinonhuwira,

²⁸neartari yeɀiɓayiro ɀinopiswa nenhumbi dzayo dzose, nomudziyo wokushambidzira necigadziko cawo.

²⁹Uɀitsaure, ɀiʋe ɀinhu ɀitȿene kwaɀo; ɀose ɀinoɀigunɀa ɀicaʋa ɀitȿene ʋo.

³⁰Unofanira kuzodza ʋo Aroni naʋanakomana ʋake, nokuʋaita ʋatȿene, kuti ʋandishumire paɓasa roʋuprista.

³¹Uʋudze ʋo ʋana ʋaIsraeri, uti: Iwaya anofanira kuʋa pamberi paŋgu mafuta matȿene okuzodza nawo kuȿikira kumarudzi enyu ose.

³²Ŋgaarege kuɗirwa panyama yomunhu; ʋuye musaita mamŋe akafanana nawo, akaitwa saiwo; matȿene, anofanira kuʋa cinhu citȿene kwamuri.

³³Aninani unoveŋganisa mafuta akafanana nawo, ʋuye aninani unoisa mamŋe awo pamutorwa, ŋgaabviswe pakati porudzi rwake.

³⁴Ɀino Jehova akati kunaMosesi: Tora miti inonhuwira, inoti: Sitakte, neonika, negarbano, miti yakanaka neɀinonhuwira ɀakaiȿo‐naka; ɀose ɀienzane pakurema kwaɀo.

³⁵Ugoita naɀo ɀinonhuwira, ɀinonhuwira ɀinonaka, ɀakaveŋganiswa noʋucenjeri bgomuveŋganisi weɀinonhuwira, ɀakaruŋgwa nomunyu, ɀakaiȿo‐naka, ɀitȿene.

³⁶Unofanira kuswa ɀimŋe ɀaɀo kwaɀo, ugoɀiisa pamberi pecipupuriro mutente rokusoŋgana, mandicasoŋgana newe, kuti ɀiʋe ɀitȿene kwaɀo kwamuri.

³⁷Ɀinonhuwira ɀamunoɀiitira imi, musaɀiita seɀamunoita iɀoɀi; ɀinofanira kuʋa kwamuri ɀitȿene kunaJehova.

³⁸Aninani unoita ɀakafanana naɀo, kuti aɀinhuwidze, ŋgaabviswe pakati porudzi rwake.