Read Original Shona Union Bible 1949 Baiberi Magwaro Matȿene aMŋari Eksodo 32 Bible Online

Eksodo 32 - Original Shona Union Bible 1949 Baiberi Magwaro Matȿene aMŋari bible

Eksodo 32

¹Ɀino ʋanhu ʋakati ʋaciʋona kuti Mosesi wononoka kuɓuruka mugomo, ʋakaʋuŋgana kunaAroni, ʋakati kwaari: Simuka, utiitire ʋamŋari ʋaŋgatituŋgamirira, nokuti kana ari Mosesi uyu, uya munhu wakatiɓuɗisa munyika yeEgipita, hatiziʋi cakaitika naye.

²Ɀino Aroni akati kwaʋari: Gurai ɀindori ɀendarama ɀiri panzeʋe dzaʋakadzi ʋenyu nedzaʋanakomana ʋenyu naʋanasikana ʋenyu, muʋuye naɀo kwandiri.

³Ɀino ʋanhu ʋose ʋakagura ɀindori ɀendarama ɀakaŋga ɀiri panzeʋe dzaʋo, ʋakaʋuya naɀo kunaAroni.

⁴Iye akaɀigamucira pamaʋoko aʋo, akaɀiʋeza nenhumbi yokuʋeza nayo, akaita naɀo mhuru yakaʋumbga. Iʋo ʋakati: Ndiʋo ʋamŋari ʋenyu, imi ʋaIsraeri, ʋakakuɓuɗisai munyika yeEgipita.

⁵Ɀino Aroni wakati aciɀiʋona, akaʋaka artari pamberi payo, Aroni akaɗanidzira, akati: Maŋgwana mutambo ucaʋa’po kunaJehova.

⁶Ʋakafumira maŋgwanani, ʋakapisira ɀipiriso ɀinopiswa, ʋakaʋuya ʋo neɀipiriso ɀokuyananisa, ʋanhu ʋakagara pasi, ʋakadya nokunwa, ʋakasimuka, ʋakatamba.

⁷Ɀino Jehova akataura naMosesi, akati: Enda, ɓuruka, nokuti ʋanhu ʋako, ʋawaɓuɗisa munyika yeEgipita, ʋaɀitadzira.

⁸Ʋakurumidza kutsauka panzira yandakaʋaraira, ʋakaɀiitira mhuru yakaʋumbga, ʋakainamata, ʋakaiɓayira ɀiɓayiro, ʋaciti: Ndiʋo ʋamŋari ʋenyu, imi ʋaIsraeri, ʋakakuɓuɗisai munyika yeEgipita.

⁹Ɀino Jehova akati kunaMosesi: Ndatarira ʋanhu aʋa, ndaʋona kuti ʋanhu ʋanemitsipa mikukutu;

¹⁰naiɀoɀo ɀino ndirege hako, kuti shuŋgu dzaŋgu dziʋamukire, ndiʋapedze, ndikuite iwe rudzi rukuru.

¹¹Ipapo Mosesi akakumbira kunaJehova Mŋari wake, akati: Haiwa, Jehova, shuŋgu dzenyu dziŋgagomukireiko ʋanhu ʋenyu, ʋamakaɓuɗisa munyika yeEgipita nesimba guru ʋuye noruʋoko runesimba:

¹²ƲaEgipita ʋaŋgazoreʋa seiko ʋaciti: Wakaʋaɓuɗisira kuneɀakaipa, kuti aʋaʋuraye mumakomo, nokuʋaparadza panyika? Dzorai shuŋgu dzenyu huru, muɀiɗembe pamsoro pokuitira ʋanhu ʋenyu ɀakaipa ɀakaɗai.

¹³Raŋgarirai henyu Abrahama, naIsaka, naIsraeri, ʋaranda ʋenyu, ʋamakaɀipikira mumene, mukati kwaʋari: Ndicawanza ʋana ʋenyu senyeredzi dzokuɗeŋga, nenyika yose iyi, yandakareʋa, ndicaipa ʋana ʋenyu, ʋaigare nhaka nokusiŋgaperi.

¹⁴Ɀino Jehova akaɀiɗemba pamsoro peɀakaipa ɀaakaŋga acifuŋga kuitira ʋanhu ʋake.

¹⁵Ɀino Mosesi akatendeʋuka, akaɓuruka pagomo, anamahwendefa maʋiri ecipupuriro muruʋoko rwake; mahwendefa akaŋga akanyorwa nhiʋi dzawo dzose, akaŋga akanyorwa seri neseri.

¹⁶Mahwendefa iwayo rakaŋga riri ɓasa raMŋari, norunyoro rwakaŋga ruri runyoro rwaMŋari, rwakaŋga rwakatemŋa pamahwendefa.

¹⁷Ɀino Joshua wakati acinzwa mhere‐mhere yaʋanhu ʋanopururudza, akati kunaMosesi: Kunemhere‐mhere yokurwa kumisasa.

¹⁸Iye akati: Haazi manzwi aʋanhu ʋanoɗanidzira pakukunda kwaʋo, kana manzwi aʋanhu ʋanoɗanidzira pakukundwa kwaʋo; asi ndinonzwa mhere‐mhere yaʋanhu ʋanoimba.

¹⁹Ɀino wakati asweɗera kumisasa, akaʋona mhuru nokutamba. Ipapo shuŋgu dzaMosesi dzikamuka, akakanda mahwendefa aiʋa mumaʋoko ake pasi, akaaputsa mujiŋga megomo.

²⁰Akatora mhuru yaʋakaŋga ʋaita, akaipisa nomŋoto, akaikuya ikaita ʋupfu, akaikanda mumvura, ndokunwisa ʋaIsraeri iɀoɀo.

²¹Mosesi akati kunaAroni: Ʋanhu aʋa ʋakakuitireiko, ɀawaʋuyisa ciʋi ici cikuru pamsoro paʋo?

²²Aroni akati: Shuŋgu dzashe waŋgu ŋgadzirege kumuka hadzo; munoziʋa ʋanhu aʋa, kuti ʋanoŋgoɗa kutadza.

²³Nokuti ʋakati kwandiri: Tiitirei ʋamŋari ʋaŋgatituŋgamirira, nokuti kana ari Mosesi uyu, munhu uya wakatiɓuɗisa munyika yeEgipita, hatiziʋi cakaitika naye.

²⁴Ndikati kwaʋari: Aninani unendarama, ŋgaaigure; ɀino ʋakandipa, ndikaikandira mumŋoto, mhuru iyi ikaɓuɗa’mo.

²⁵Ɀino Mosesi wakati aʋona kuti ʋanhu ʋarasha Jehoʋa, nokuti Aroni wakaŋga aʋarashisa, kuti ʋasekwe naʋaʋeŋgi ʋaʋo,

²⁶Mosesi akandomira musuʋo remisasa, akati: Aninani uri kurutiʋi rwaJehova, ŋgaaʋuye kwandiri. Ʋana ʋaRevi ʋose ʋakaʋuŋgana kwaari.

²⁷Akati kwaʋari: Ɀanzi naJehova Mŋari waʋaIsraeri: Mumŋe nomumŋe wenyu ŋgaasuŋgire munondo wake pacidɀa cake, mufambe‐fambe mucibva panerimŋe suʋo mucienda kunerimŋe suʋo pakati pemisasa, mumŋe nomumŋe aʋuraye hama yake, nomumŋe nomumŋe shamŋari yake, nomumŋe nomumŋe munhu wokwake.

²⁸Ʋana ʋaRevi ʋakaita seɀakaŋga ɀarebga naMosesi; nomusi iwoyo ʋakafa pakati paʋanhu ʋaneŋge ʋaneɀuru ɀitatu.

²⁹Ɀino Mosesi akati: Ɀiparadzanisei nhasi kunaJehova, kuti munhu mumŋe nomumŋe arwe nomŋanakomana wake ʋuye nehama yake, kuti akuropafadzei nhasi.

³⁰Ɀino fume maŋgwana Mosesi akati kuʋanhu: Imi makatadza nokutadza kukuru, asi ɀino ini ndicakwira kunaJehova, ɀimŋe ndiŋgayananisira ɀiʋi ɀenyu.

³¹Mosesi akadzokera kunaJehova, akati: Haiwa, ʋanhu aʋa ʋakatadza nokutadza kukuru, ʋakaɀiitira ʋamŋari ʋendarama;

³²ɀino ɗai muciʋakaŋganwira henyu ɀiʋi ɀaʋo; asi kana musiŋgaɗi henyu, ndidzimei pabuku yenyu yamakanyora.

³³Jehova akati kunaMosesi: Uyo wakanditadzira, ndiye wandicadzima pabuku yaŋgu.

³⁴Ɀino cienda, uperekedze ʋanhu ʋaende kwandakaʋaʋudza; tarira, mutumŋa waŋgu ucakutuŋgamirira; asi nomusi wandicaroʋa nawo, ndicaʋaroʋa nokuɗa kweɀiʋi ɀaʋo.

³⁵Jehova akaroʋa ʋanhu, nokuti ʋakaŋga ʋaita mhuru yakaitwa naAroni.