Read Original Shona Union Bible 1949 Baiberi Magwaro Matȿene aMŋari Eksodo 33 Bible Online

Eksodo 33 - Original Shona Union Bible 1949 Baiberi Magwaro Matȿene aMŋari bible

Eksodo 33

¹Ɀino Jehova wakataura naMosesi, akati: Ibva pano, kwira, iwe naʋanhu ʋawakaɓuɗisa munyika yeEgipita, muende kunyika yandakapikira Abrahama, naIsaka, naJakobo, ndiciti, ndicaipa ʋana ʋako;

²ndicatuma mutumŋa pamberi penyu, kuti ndidziŋge ʋaKanani, naʋaAmori, naʋaHeti, naʋaPerezi, naʋaHivi, naʋaJebusi,

³muende kunyika inoyerera mukaka noʋuci, nokuti ini handiŋgakwiri pakati penyu, nokuti muri ʋanhu ʋanemitsipa mikukutu, kuti ndirege kukuparadzai panzira.

⁴Ɀino ʋanhu ʋakati ʋacinzwa mashoko iwayo akaipa, ʋakacema; kwakaŋga kusinomunhu wakashoŋga ɀishoŋgo ɀake.

⁵Ipapo Jehova akati kunaMosesi: Uti kuʋana ʋaIsraeri: Muri ʋanhu ʋanemitsipa mikukutu; kana ndikapinda pakati penyu ciŋguʋa cimŋe ciɗuku‐ɗuku, ndiŋgakuparadzai; naiɀoɀo bvisai ɀishoŋgo ɀenyu ɀino, ndiziʋe candiŋgakuitirai.

⁶Ipapo ʋana ʋaIsraeri ʋakabvisa ɀishoŋgo ɀaʋo kubva pagomo reHorebi.

⁷Ɀino Mosesi waisitora tente, acindoridzika kunze kwemisasa, kure nemisasa, akaritumidza zita rinonzi, Tente rokusoŋgana. Ɀino mumŋe nomumŋe waitȿaka Jehova, waiɓuɗira kutente rokusoŋgana, rakaŋga riri kunze kwemisasa.

⁸Ɀino kwaiti kana Mosesi oɓuɗira kuTente, ʋanhu ʋose ʋaisimuka, ʋakamira mumŋe nomumŋe pamukoʋa wetente rake, ʋakaramba ʋakatarira Mosesi kuȿikira apinda muTente.

⁹Ɀino kana Mosesi apinda muTente, shoŋgwe yegore yaJehova yaiɓuruka ikamira pamukoʋa weTente, Jehova akataura naMosesi.

¹⁰Ʋanhu ʋose ʋakaʋona shoŋgwe yegore imire pamukoʋa weTente, ʋanhu ʋose ʋakasimuka, ʋakanamata pasi mumŋe nomumŋe pamukoʋa wetente rake.

¹¹Ipapo Jehova waitaura naMosesi ɀiso ɀakatarisana, somunhu unotaurirana neshamŋari yake. Ɀino wodzokera ɀe kumisasa; asi muranda wake Joshua, mŋanakomana waNuni, mujaya, haazaibva paTente.

¹²Ɀino Mosesi akati kunaJehova: Tarirai, makati kwandiri: Kwira naʋanhu aʋa, asi hamuna‐kundiziʋisa kuti mucatuma ani neni, kunyaŋge makati: Ndinokuziʋa nezita rako, wakawana nyasha pamberi paŋgu.

¹³Ɀino kana ndakawana nyasha pamberi penyu, cindiratidzai nzira dzenyu, kuti ndikuziʋei, ndiwane nyasha pamberi penyu; raŋgarirai ʋo kuti rudzi urwu ndiʋanhu ʋenyu.

¹⁴Jehoʋa akati: Ini ndimene ndicaenda newe, ndikupe zororo.

¹⁵Akati kwaari: Kana imi mumene musiŋgaendi neni, regai henyu kutibvisa pano.

¹⁶Nokuti ɀicazikanwa seiko kuti ndakawana nyasha pamberi penyu, ini naʋanhu ʋenyu? Hakuzi kuti muende nesu, tigoʋa ʋakatsaurwa, ini naʋanhu ʋenyu pakati paʋamŋe ʋanhu ʋose ʋapanyika dzose here?

¹⁷Ipapo Jehova akati kunaMosesi: Ndicaita ʋo cinhu ici cawareʋa, nokuti wawana nyasha pamberi paŋgu, ndinokuziʋa nezita rako.

¹⁸Iye akati: Ƌondiratidzai henyu kubginya kwenyu.

¹⁹Jehoʋa akati: Ndicapfuʋudza kunaka kwaŋgu kwose pamberi pako, nokuɗana zita raJehova pamberi pako; asi ndicanzwira nyasha wandinoɗa kunzwira nyasha, ndicanzwira tsitsi wandinoɗa kunzwira tsitsi.

²⁰Akati ʋo: Hauŋgaʋoni ciso caŋgu, nokuti hakunomunhu uŋgandiʋona, akazorarama.

²¹Jehova akati ʋo: Tarira, panenɀimbo ʋuno kwandiri, uŋgamira pabge.

²²Ɀino kana kubginya kwaŋgu kwopfuʋura, ndicakupinza mumukaha webge, ndigokufukidza noruʋoko rwaŋgu kuȿikira ndapfuʋura;

²³ipapo ndicabvisa ruʋoko rwaŋgu, ugondiʋona neceshure; asi ciso caŋgu haciʋonekwi.