Read Original Shona Union Bible 1949 Baiberi Magwaro Matȿene aMŋari Eksodo 37 Bible Online

Eksodo 37 - Original Shona Union Bible 1949 Baiberi Magwaro Matȿene aMŋari bible

Eksodo 37

¹Ɀino Bezareri akaita areka yamatanda omuakasia; kureɓa kwayo kwaiʋa makubiti maʋiri nehafu, noʋupamhi bgayo kubiti rimŋe nehafu, nokukwirira kwayo kubiti rimŋe nehafu;

²akaifukidza nendarama yakaiȿo‐naka necomukati necokunze, akaita pamsoro payo hata yendarama yakaipotedza.

³Akaiʋumbira ɀindori ɀinna ɀendarama, akaɀiisa pamakumbo ayo manna; ɀindori ɀiʋiri ɀaiʋa parutiʋi rumŋe, neɀindori ɀiʋiri panorumŋe rutiʋi ɀe.

⁴Akaʋeza matanda omuakasia, akaafukidza nendarama,

⁵akapinza matanda iwayo muɀindori ɀaiʋa panhiʋi dzeareka, kuti areka itakurwe nawo.

⁶Akaita ʋo cifunhiro cokuyananisa nendarama yakaiȿo‐naka; kureɓa kwaco kwaiʋa makubiti maʋiri nehafu, noʋupamhi bgaco kubiti rimŋe nehafu;

⁷akaita makerubi maʋiri endarama, akaaita nendarama yakapambadzirwa pamiromo miʋiri yecifunhiro cokuyananisa,

⁸kerubi rimŋe pamuromo mumŋe, nerimŋe kerubi panomumŋe muromo; akaita makerubi pamiromo yaco miʋiri, ɀikaʋa cinhu cimŋe cete necifunhiro cokuyananisa.

⁹Makerubi akaŋga akatambanudzira mapapiro awo kumsoro, akafukidza cifunhiro cokuyananisa namapapiro awo, ɀiso ɀawo ɀakatarisana; ɀiso ɀamakerubi ɀakaŋga ɀakatarira kucifunhiro cokuyananisa.

¹⁰Akaita ʋo tafura yamatanda omuakasia; kureɓa kwayo kwaiʋa makubiti maʋiri, noʋupamhi bgayo kubiti rimŋe, nokukwirira kwayo kubiti rimŋe nehafu.

¹¹Akaifukidza nendarama yakaiȿo‐naka, akaiitira ʋo hata yendarama yakaŋga iciipotedza;

¹²akaiitira ʋo ʋukomba bgakaŋga ʋuciipotedza, ʋupamhi bgabgo secanza; akaiitira ʋo hata yendarama yaipotedza ʋukomba bgayo.

¹³Akaiitira ɀindori ɀinna ɀendarama, akaisa ɀindori pamakona manna aiʋa pamakumbo ayo manna.

¹⁴Ɀindori ɀaiʋa pedyo noʋukomba, paiʋa pokutakura tafura napo namatanda.

¹⁵Akaita matanda omuakasia, akaafukidza nendarama, kuti tafura itakurwe nawo.

¹⁶Akaita ʋo midziyo yaigara pamsoro petafura, ndiro dzayo, nembiya dzayo, nemikombe yayo, neɀiroŋgo ɀayo ɀokuɗira naɀo, ɀose ɀendarama yakaiȿo‐naka.

¹⁷Akaita ʋo cigadziko cemŋenje cendarama yakaiȿo‐naka; akaita cigadziko nendarama yakapambadzirwa, cigadziko caco, nehunde yaco, notumbiya twaco, namafundo aco, namaruʋa aco; ɀose ɀikaʋa cinhu cimŋe cete naco;

¹⁸kumatiʋi aco kukaɓuɗa mataʋi matanhatu, mataʋi matatu ecigadziko kunorumŋe rutiʋi rwaco, namataʋi matatu ecigadziko kunorumŋe rutiʋi rwaco.

¹⁹Tumbiya tutatu twakaʋumbga samaruʋa omuamanda paɗaʋi rimŋe, nefundo neruʋa, notumbiya tutatu ɀe twakaʋumbga samaruʋa omuamanda panerimŋe ɗaʋi, nefundo neruʋa; saiɀoɀo mataʋi matanhatu akaɓuɗa pacigadziko.

²⁰Ʋuye pacigadziko pakaŋga panotumbiya tunna twakaŋga twakaʋumbga samaruʋa omuamanda, namafundo atwo, namaruʋa atwo;

²¹nefundo panyasi pamataʋi maʋiri akaŋga akaʋumbga pamŋe cete naco; nefundo ɀe panyasi pamataʋi maʋiri akaʋumbga pamŋe cete naco, akafanana namataʋi matanhatu akaɓuɗa pacigadziko.

²²Mafundo aɀo namataʋi aɀo akaŋga akaʋumbga pamŋe cete naɀo, ɀose ɀikaʋa cinhu cimŋe cakaŋga cakaʋumbga nendarama yakaiȿo‐naka, yakapambadzirwa.

²³Akaita mŋenje yaco minomŋe, nembato dzaco, nendiro dzaco, ɀose nendarama yakaiȿo‐naka.

²⁴Akaciʋumba netarenta rendarama[12] yakaiȿo‐naka, pamŋe cete nemidziyo yayo yose.

²⁵Akaita ʋo artari yeɀinonhuwira nomuakasia; kureɓa kwayo kwakaŋga kuri kubiti rimŋe, noʋupamhi bgayo kubiti rimŋe ɀe; nhiʋi dzose inna dzakaŋga dzakaenzana; kukwirira kwayo kwaiʋa makubiti maʋiri, nenyaŋga dzayo dzakaŋga dziri cinhu cimŋe cete nayo.

²⁶Akaifukidza nendarama yakaiȿo‐naka, kumsoro kwayo, nenhiʋi dzayo dzose, nenyaŋga dzayo; akaiitira ʋo hata yendarama yakaŋga yakaipotedza.

²⁷Akaiitira ʋo ɀindori ɀiʋiri ɀendarama pasi pehata yayo, pakona dzayo mbiri, panhiʋi dzayo mbiri, pakaʋa pokuitakura napo namatanda.

²⁸Akaita ʋo matanda omuakasia, akaafukidza nendarama.

²⁹Akaita ʋo mafuta matȿene okuzodza nawo, neɀinonhuwira ɀakaiȿo‐naka ɀemiti inonaka, ɀikaʋa ɀakaveŋganiswa noʋucenjeri bgomuveŋganisi weɀinonhuwira.