Read Original Shona Union Bible 1949 Baiberi Magwaro Matȿene aMŋari Eksodo 38 Bible Online

Eksodo 38 - Original Shona Union Bible 1949 Baiberi Magwaro Matȿene aMŋari bible

Eksodo 38

¹Akaita artari yeɀiɓayiro ɀinopiswa nomuakasia; kureɓa kwayo kwaiʋa makubiti mashanu, noʋupamhi bgayo makubiti mashanu; yakaŋga inenhiʋi inna dzakaŋga dzakaenzana, nokukwirira kwayo kwaiʋa makubiti matatu.

²Akaita ʋo nyaŋga dzayo pamakona ayo manna, nyaŋga dzayo dzikaʋa cinhu cimŋe cete nayo; akaifukidza nendarira.

³Akaita nhumbi dzose dzeartari, hari, nefoshoro, nemidziyo, neɀikokoʋonho ɀenyama, neɀaeŋga ɀomŋoto, nhumbi dzose akadziita nendarira.

⁴Akaitira ʋo artari cakarukwa cendarira, cakarukwa samambure, pasi pecitsiko cakaipotedza necenyasi, cakaȿikira pakati payo.

⁵Akaitira makona manna ecakarukwa cendarira ɀindori ɀinna paiʋa pokutakura napo namatanda.

⁶Akaita matanda omuakasia, akaafukidza nendarira.

⁷Akaisa matanda mukati meɀindori ɀaiʋa panhiʋi dzeartari, kuti itakurwe nawo; akaiita namapuraŋga, ikasaʋa necinhu mukati.

⁸Akaita, ʋo mudziyo wokushambidzira wendarira, necigadziko cawo cendarira, neɀiʋoni‐ʋoni ɀaʋakadzi ʋaishandira pamukoʋa wetente rokusoŋgana.

⁹Akaita ʋo ruʋazhe; kurutiʋi rwezasi, rwakatarira zasi, kwakaŋga kuneɀirembedzwa ɀemiceka yakaiȿo‐naka yakarukwa, makubiti anezana;

¹⁰mbiru dzayo dzakaŋga dzinamakumi maʋiri, neɀigadziko ɀadzo ɀinamakumi maʋiri ɀendarira, neɀikorekedzo ɀembiru neɀindori ɀadzo ɀaiʋa ɀesirveri.

¹¹Kurutiʋi rwokumsoro kwaiʋa namakubiti anezana, nembiru dzayo dzinamakumi maʋiri, neɀigadziko ɀadzo ɀinamakumi maʋiri ɀendarira, neɀikorekedzo ɀembiru neɀindori ɀadzo ɀaiʋa ɀesirveri.

¹²Kurutiʋi rwamaʋirazuʋa kwakaŋga kuneɀirembedzwa ɀemiceka ɀinamakubiti anamakumi mashanu, nembiru dzaɀo dzinegumi, neɀigadziko ɀadzo ɀinegumi; ɀikorekedzo ɀembiru neɀindori ɀadzo ɀaiʋa ɀesirveri.

¹³Kurutiʋi rwamabvazuʋa kunotarira kumabvazuʋa kwaiʋa namakubiti makumi mashanu.

¹⁴Ɀirembedzwa ɀemiceka kurutiʋi rumŋe rwesuʋo ɀakaŋga ɀinamakubiti anegumi namashanu, nembiru dzaɀo nhatu, neɀigadziko ɀadzo ɀitatu.

¹⁵Nokunorumŋe rutiʋi ʋo; kurutiʋi rumŋe norumŋe rwesuʋo roruʋazhe kwakaŋga kuneɀirembedzwa ɀemiceka ɀinamakubiti anegumi namashanu, nembiru dzaɀo nhatu, neɀigadziko ɀadzo ɀitatu.

¹⁶Ɀirembedzwa ɀose ɀemiceka paruʋazhe ɀaipotedza nhiʋi dzose, ɀaiʋa ɀomuceka wakaiȿo‐naka wakarukwa.

¹⁷Neɀigadziko ɀembiru ɀaiʋa ɀendarira, neɀikorekedzo ɀembiru neɀindori ɀadzo ɀaiʋa ɀesirveri; nemisoro yadzo yakaŋga yakafukidzwa nesirveri; mbiru dzose dzoruʋazhe dzakaŋga dzakaɓatanidzwa neɀindori ɀesirveri.

¹⁸Cidzitiro cesuʋo roruʋazhe cakaŋga cakaitwa nomusoni, neɀakarukwa ɀitema, neɀishaʋa, neɀitȿuku, nomuceka wakaiȿo‐naka wakarukwa; kureɓa kwaco kwaiʋa namakubiti anamakumi maʋiri, nokukwirira paʋupamhi bgaco makubiti mashanu, ɀakafanana neɀirembedzwa ɀemiceka paruʋazhe.

¹⁹Mbiru dzayo dzaiʋa inna, neɀigadziko ɀadzo ɀinna ɀendarira; ɀikorekedzo ɀadzo ɀaiʋa ɀesirveri, misoro yadzo neɀindori ɀadzo ɀakaŋga ɀakafukidzwa nesirveri.

²⁰Mbambo dzose dzetabernakeri nedzoruʋazhe, rwakaŋga ruciipotedza kunhiʋi dzose, dzaiʋa dzendarira.

²¹Ndiko kuwanda kweɀinhu ɀetabernakeri, ɀetabernakeri yecipupuriro, pakuʋereŋgwa kwaɀo nokuraira kwaMosesi; ʋaRevi ʋakaite‐ɓasa iro ʋacirairwa naItamari, mŋanakomana waAroni muprista.

²²Bezareri, mŋanakomana waUri, mŋanakomana waHuri, worudzi rwaJuda, wakaita ɀose ɀakaŋga ɀarairwa Mosesi naJehova,

²³anaOhoriabi, mŋanakomana waAhisamaki, worudzi rwaDani, muʋezi nomuɓati wakacenjera, nomusoni weɀakarukwa ɀitema, neɀishaʋa, neɀitȿuku, nemiceka yakaiȿo‐naka.

²⁴Ndarama[13] yose yaʋaiɓatisa nayo maɓasa ose apaimba tȿene, iyo ndarama yeɀipo, aiʋa matarenta anamakumi maʋiri namapfumbamŋe, namashekeri anamazana manomŋe namakumi matatu, ɀicienzaniswa neshekeri rapaimba tȿene.

²⁵Nesirveri[14] yaiʋo ʋakaŋga ʋaciʋereŋgwa paʋuŋgano aiʋa matarenta anezana, namashekeri anecuru cimŋe namazana manomŋe namakumi manomŋe namashanu, ɀicienzaniswa neshekeri rapaimba tȿene.

²⁶Munhu mumŋe nomumŋe wakaripa beka rimŋe, iri hafu yeshekeri[15] rimŋe, ɀicienzaniswa neshekeri rapaimba tȿene; mumŋe nomumŋe wakaɗarika kunaʋakaʋereŋgwa, wakaŋga anamakore makumi maʋiri, kana wakapfuʋura makore iwayo, ʋakaŋga ʋari ʋarume ʋaneɀuru ɀinamazana matanhatu neɀitatu namazana mashanu namakumi mashanu.

²⁷Namatarenta esirveri anezana aiʋa okuʋumbisa nawo ɀigadziko ɀapaimba tȿene neɀigadziko ɀecidzitiro; ɀigadziko ɀinezana ɀakaitwa namatarenta anezana, cigadziko cimŋe necimŋe netarenta rimŋe.

²⁸Namashekeri anecuru cimŋe namazana manomŋe namakumi manomŋe namashanu wakaita ɀikorekedzo ɀembiru, akafukidza misoro yadzo, nokuɀiitira ʋo ɀindori.

²⁹Ndarira[16] yeɀipo yakaŋga inamatarenta anamakumi manomŋe namashekeri aneɀuru ɀiʋiri namazana manna.

³⁰Nayo wakaita ɀigadziko ɀomukoʋa wetente rokusoŋgana, neartari yendarira, necakarukwa cayo cendarira, nenhumbi dzose dzapaartari,

³¹neɀigadziko ɀose ɀoruʋazhe rwakaŋga rwakapotedza, neɀigadziko ɀesuʋo roruʋazhe, nembambo dzose dzetabernakeri, nembambo dzose dzoruʋazhe rwakaŋga rwakapotedza.