Read Original Shona Union Bible 1949 Baiberi Magwaro Matȿene aMŋari Eksodo 6 Bible Online

Eksodo 6 - Original Shona Union Bible 1949 Baiberi Magwaro Matȿene aMŋari bible

Eksodo 6

¹Jehova akati kunaMosesi: Ɀino mucaʋona ɀandicaitira Farao, nokuti ucaʋatendera kuenda noruʋoko runesimba, ucaʋadziŋga munyika yake noruʋoko runesimba.

²Mŋari akataura ʋo naMosesi, akati kwaari: Ndini JEHOVA.

³Ndakaɀiratidza kunaAbrahama, nokunaIsaka, nokunaJakobo ndiri Mŋari wamasimba ose, asi ndakaŋga ndisiŋgazikanwi naʋo nezita raŋgu rinonzi JEHOVA.

⁴Ɀino ndakasimbisa suŋgano yaŋgu naʋo kuti ndiʋape nyika yeKanani, nyika yoʋutorwa bgaʋo, maʋakaŋga ʋari ʋatorwa.

⁵Ndakanzwa kugomba kwaʋana ʋaIsraeri ʋakasuŋgwa naʋaEgipita paʋuranda, ndikaraŋgarira suŋgano yaŋgu.

⁶Naiɀoɀo muti kuʋana ʋaIsraeri: Ndini Jehova, ini ndicakuɓuɗisai pamirimo yaʋaEgipita, ndicakusunuŋgurai paʋuranda bgenyu, ndicakudzikinurai noruʋoko rwakatambanudzwa, ʋuye nokutoŋga kukuru.

⁷Ndicakutorai imi kuti muʋe ʋanhu ʋaŋgu, ini ndicaʋa Mŋari wenyu; imi mucaziʋa kuti ndini Jehova, Mŋari wenyu, iye unokuɓuɗisai pamirimo yaʋaEgipita.

⁸Ndicakuisai kunyika, yandakasimudzira ruʋoko rwaŋgu kuti ndiipe Abrahama, naIsaka, naJakobo; ndicakupai iyo iʋe nhaka yenyu; ndini Jehova.

⁹Mosesi akataura saiɀoɀo kuʋana ʋaIsraeri, asi haʋana‐kuterera Mosesi nokuɗa kweshuŋgu dzomŋeya nedzoʋuranda bgakaŋga ʋucirema.

¹⁰Ɀino Jehova akataura naMosesi, akati:

¹¹Pinda, undotaura naFarao mambo weEgipita, kuti atendere ʋana ʋaIsraeri kuɓuɗa munyika yake.

¹²Mosesi akataura pamberi paJehova, akati: Tarirai, ʋana ʋaIsraeri haʋana‐kunditerera; ɀino Farao uŋganditerera seiko, ini munhu unemiromo isina‐kudziŋgiswa?

¹³Ipapo Jehova akataura naMosesi naAroni, akaʋatuma neshoko kuʋana ʋaIsraeri nokunaFarao, mambo weEgipita, kuti ʋaɓuɗise ʋana ʋaIsraeri munyika yeEgipita.

¹⁴Ndiyo misoro yedzimba dzamadziɓaɓa aʋo: Ʋanakomana ʋaRubeni, ɗaŋgwe raIsraeri, ʋaiʋa Hanoki, naParu, naHezroni, naKarmi; ndiʋo ʋedzimba dzaRubeni.

¹⁵Ʋanakomana ʋaSimeoni ʋaiʋa Jemueri, naJamini, naOhadi, naJakini, naZohari, naShauri, mŋanakomana womukadzi muKanani; ndiʋo ʋedzimba dzaSimeoni.

¹⁶Ndiwo mazita aʋanakomana ʋaRevi namarudzi aʋo: Gershoni, naKohati, naMerari; makore oʋupenyu bgaRevi aiʋa makore anezana namakumi matanhatu namanomŋe.

¹⁷Ʋanakomana ʋaGershoni ʋaiʋa Ribni, naShimei, namarudzi aʋo.

¹⁸Ʋanakomana ʋaKohati ʋaiʋa Amrami, naIzari, naHebroni, naUzieri; makore oʋupenyu bgaKohati aiʋa makore anezana namakumi matatu namatatu.

¹⁹Ʋanakomana ʋaMerari ʋaiʋa Makri, naMushi. Ndiʋo ʋedzimba dzaʋaRevi pamarudzi aʋo.

²⁰Amrami akawana Jokebedi, hanɀadzi yaɓaɓa ʋake, iye akamuɓerekera Aroni naMosesi; makore oʋupenyu bgaAmrami aiʋa makore anezana namakumi matatu namanomŋe.

²¹Ʋanakomana ʋaIzari ʋaiʋa Kora, naNefegi, naZikri.

²²Ʋanakomana ʋaUzieri ʋaiʋa Mishaeri, naErzafani, naSitri.

²³Aroni akawana Erisheba, mukunda waAminadabi, hanɀadzi yaNashoni, iye akamuɓerekera Nadabi naAbihu, naEreazari, naItamari.

²⁴Ʋanakomana ʋaKora ʋaiʋa Asiri, naErikana, naAbiasafi; ndiʋo ʋedzimba dzaʋaKora.

²⁵Ereazari, mŋanakomana waAroni, akawana mumŋe waʋakunda ʋaPutieri, iye akamuɓerekera Pinehasi. Ndiyo misoro yedzimba dzamadziɓaɓa aʋaRevi nemhuri dzaʋo.

²⁶Ndiʋo ʋaya ʋanaAroni naMosesi ʋakanzi naJehova: Ƃuɗisai ʋana ʋaIsraeri munyika yeEgipita nehondo dzaʋo.

²⁷Ndiʋo ʋakataura naFarao, mambo weEgipita, kuti ʋaɓuɗise ʋana ʋaIsraeri muEgipita; ndiʋo ʋaya ʋanaMosesi naAroni.

²⁸Nomusi iwoyo Jehova akataura naMosesi munyika yeEgipita,

²⁹Jehova akataura naMosesi, akati: Ndini Jehova; ʋudza Farao, mambo weEgipita, ɀinhu ɀose ɀandakakuʋudza.

³⁰Ipapo Mosesi akati pamberi paJehova: Tarirai, ndiri munhu unemiromo isina‐kudziŋgiswa, ɀino Farao ucanditerera seiko?