Read Original Shona Union Bible 1949 Baiberi Magwaro Matȿene aMŋari Jobo 12 Bible Online

Jobo 12 - Original Shona Union Bible 1949 Baiberi Magwaro Matȿene aMŋari bible

Jobo 12

¹Ipapo Jobo wakapindura, akati:

²Ɀirokwaɀo, imi muri ʋanhu ʋakaŋgwara, Kuŋgwara kucafa pamŋe cete nemi.

³Asi ini ndinenjere ʋo semi; Handizi muɗuku kwamuri; Ɀirokwaɀo, ndianiko usiŋgaziʋi ɀinhu ɀakaɗai?

⁴Ndakafanana nomunhu unosekwa nowaanogara naye, Munhu wakaɗana kunaMŋari, iye akamupindura; Munhu wakarurama, wakakwana, ndiye wosekwa.

⁵Munhu unogara akafara hake unoshoʋora pamifuŋgo yake munhu uri panjodzi. Kushoʋorwa kunogarira ʋanhu ʋanotedzemuka norutsoka rwaʋo.

⁶Matente amakororo anofara hawo, Aʋo ʋanotsamŋisa Mŋari ʋanogara haʋo ɀakanaka; Iʋo ʋanozadzirwa ruʋoko rwaʋo naMŋari.

⁷Asi bvunzai henyu ɀino mhuka, dzicakudzidzisai; Neshiri dzokuɗeŋga, dzicakuʋudzai;

⁸Kana taurai henyu nenyika, icakudzidzisai; Nehoʋe dzeguŋgwa dzicakuparidzirai.

⁹Ndianiko usiŋgaziʋi paɀinhu iɀi ɀose, Kuti ndirwo ruʋoko rwaJehova rwakaita iɀi ɀose?

¹⁰Mŋeya weɀipenyu ɀose uri muruʋoko rwake, Nokufema kwaʋanhu ʋose.

¹¹Ko nzeʋe haiidzi mashoko, Somukanwa unoraʋira ɀokudya here?

¹²Ʋatana ndiʋo ʋakaŋgwara, Ʋanamazuʋa mazhinji ndiʋo ʋanonzwisisa.

¹³Iye ndiye unokuŋgwara nesimba, Ndiye unamano nokunzwisisa.

¹⁴Tarirai, iye unokoromora, haɀiŋgaʋakwi ɀe; Iye unopfigira munhu, haaŋgazozarurirwi.

¹⁵Tarirai, iye unodziʋisa mvura, ndokupxa kwayo; Ʋuye unoituma ɀe, ndokushandura kwayo nyika.

¹⁶Iye unesimba nokuŋgwara kukuru; Wakanyeŋgerwa nounonyeŋgera ndaʋake ʋose.

¹⁷Unokaŋganisa mano amaneʋanje, Ʋatoŋgi unoʋaita mapenzi.

¹⁸Unosunuŋgura simba ramadzimambo, Ndokusuŋga ɀiʋuno ɀaʋo negwaraɗa.

¹⁹Unotorera ʋaprista ʋukuru bgaʋo, Nokukunda ʋanesimba.

²⁰Unotorera ʋakatenda mashoko aʋo, Nokubvisira ʋakuru kunzwisisa kwaʋo.

²¹Unoɗurura kushoʋora kwake pamsoro pamacinda, Nokusunuŋgura banhire raʋanesimba.

²²Unofukura ɀinhu ɀakadzika parima, Unoɓuɗisira kuciedza mumvuri worufu.

²³Unowanza ndudzi, ndokudziparadza, Unoparadzira ndudzi kwose, ndokudzitapa.

²⁴Unobvisa kunzwisisa kwaʋakuru ʋaʋanhu ʋenyika, Unoʋadzuŋgairisa murenje musinenzira.

²⁵Ʋanotȿaŋgadzira murima ʋasineciedza, Unoʋadzeŋgedzekesa somunhu wakaɓatwa.